నూరేళ్లు కలిసిమెలిసి...
close
Updated : 28/12/2021 06:00 IST

నూరేళ్లు కలిసిమెలిసి...

అర్ధశతాబ్దం కలిసి జీవించిన జంటకు చేసే షష్టిపూర్తి పండుగ చూడముచ్చటగా ఉంటుంది. ఆ ఇరువురి అనుబంధం అద్భుతంగా అనిపిస్తుంది. ఆ జంట అలా నూరేళ్లూ ఉండాలని అందరం కోరుకుంటాం. అలాంటి బంధాన్ని కోరుకునే వారు ఎలా మెలగాలో నిపుణులు సూచిస్తున్నారు.

దంపతుల మధ్య శారీరక బంధంలాగే మానసిక బంధం కూడా చాలా విలువైంది. ఎదుటివారిని ప్రేమించడం, వారి ప్రేమను పొందడం రెండూ ముఖ్యమే. వివాహమైన మరుక్షణం నుంచి ఇరువురి మధ్య ఏర్పడే ప్రేమైక బంధం రోజురోజుకీ బలపడేలా ఇద్దరూ ప్రయత్నించాలి. భార్యా భర్తల్లాగానే కాకుండా స్నేహితుల్లా, ప్రేమికుల్లా మెలగాలి. ఒకరిపై మరొకరి మర్యాద ఇద్దరినీ ప్రేమలో పడేస్తుంది. ఇదే శాశ్వతబంధంగా మారుతుంది.

అర్థం చేసుకోవాలి... జీవిత భాగస్వామిని అర్థం చేసుకోవడానికి ప్రయత్నించాలి. జీవితమంతా కలిసి ఉండాల్సిన వ్యక్తి గురించి పూర్తిగా తెలుసుకోవాల్సిన బాధ్యత ఇద్దరిదీ. కుటుంబ, వ్యక్తిగతానికి సంబంధించిన ఏ నిర్ణయమైనా ఇద్దరూ చర్చించుకొని ఏకాభిప్రాయంతో తీసుకోవాలి. ఒకరికి ఆమోదం లేకపోయినా వారికి వివరించడానికి ప్రయత్నించాలి.

సర్దుకుపోవాలి...  ఎదురయ్యే సమస్యలను భార్యా భర్తలిద్దరూ కలిసి పరిష్కరించు కోవాలి. అలాగే ఇరువురి మధ్య ఏర్పడే చిన్నచిన్న గొడవలకు సర్దుకుపోవడం ఇద్దరూ నేర్చుకోవాలి. ఒకరికి కోపం ఉంటే, మరొకరు శాంతంగా ఉండగలగాలి. దంపతుల మధ్య ఏర్పడే చిన్న గొడవలపై చర్చించడానికి మూడో వ్యక్తికి ఆస్కారం ఇవ్వకుండా, మృదువుగా ఆ ఇరువురే చర్చించుకుంటే చాలు, ఏ సమస్య అయినా ఇట్టే పరిష్కారమవుతుంది.


Advertisement

మరిన్ని

పిల్లలకు ఆ నైపుణ్యాలు ఒంటబట్టాలంటే..!

ఇలాంటి సూపర్‌ యాక్టివ్‌ కిడ్స్‌ని చూసి తమ పిల్లల్నీ ఇలా చురుగ్గా తీర్చిదిద్దాలని అనుకోని తల్లిదండ్రులుండరంటే అతిశయోక్తి కాదు. అందుకే ప్రస్తుతం తమ పిల్లలు పాఠ్యాంశాలతో కుస్తీ పట్టడమే కాదు.. కరెంట్‌ అఫైర్స్‌, జనరల్‌ నాలెడ్జ్‌.. వంటి అంశాల్లోనూ పట్టు సాధించాలని ఆరాటపడుతున్నారు ఈ తరం తల్లిదండ్రులు. వారిని ఆ దిశగానే ప్రోత్సహిస్తున్నారు కూడా! అయితే మహాసముద్రమంత జీకే సబ్జెక్టును ఒంటబట్టించుకోవడం.. అదీ అంత చిన్న వయసులో అంటే మాటలు కాదు. కానీ తల్లిదండ్రులు పిల్లలకు కాస్త సహకరిస్తే ఆ సమాచారమంతా వారు తమ చిన్ని బుర్రలో పదిలపరచుకుంటారని చెబుతున్నారు నిపుణులు. మరి, అదెలాగో తెలుసుకుందాం రండి..

తరువాయి