పట్టులాంటి జుట్టు కోసం నేనేం చేస్తానంటే...!
వయసు పెరిగే కొద్దీ జుట్టు తెల్లబడడం, రాలడం ప్రారంభమవుతుంది. దీనికి తోడు రోజురోజుకీ పెరుగుతున్న వాతావరణ కాలుష్యం, మారుతున్న జీవనశైలి, ఒత్తిడి, ఆందోళనలు శిరోజాల ఆరోగ్యంపై ప్రతికూల ప్రభావం చూపుతాయి. ఈ నేపథ్యంలో వివిధ రకాల హెయిర్ ప్యాక్లు, మాస్క్లతో తమ కురులను కాపాడుకునేందుకు ప్రయత్నిస్తుంటారు చాలామంది. ఈ క్రమంలో తన పట్టులాంటి జుట్టుకు కారణమైన ఓ న్యాచురల్ హెయిర్ ప్యాక్ గురించి ఇన్స్టాలో పంచుకుంది అందాల తార ఖుష్బూ సుందర్.
వయసు పెరిగే కొద్దీ జుట్టు తెల్లబడడం, రాలడం ప్రారంభమవుతుంది. దీనికి తోడు రోజురోజుకీ పెరుగుతున్న వాతావరణ కాలుష్యం, మారుతున్న జీవనశైలి, ఒత్తిడి, ఆందోళనలు శిరోజాల ఆరోగ్యంపై ప్రతికూల ప్రభావం చూపుతాయి. ఈ నేపథ్యంలో వివిధ రకాల హెయిర్ ప్యాక్లు, మాస్క్లతో తమ కురులను కాపాడుకునేందుకు ప్రయత్నిస్తుంటారు చాలామంది. ఈ క్రమంలో తన పట్టులాంటి జుట్టుకు కారణమైన ఓ న్యాచురల్ హెయిర్ ప్యాక్ గురించి ఇన్స్టాలో పంచుకుంది అందాల తార ఖుష్బూ సుందర్.
శిరోజాల సంరక్షణ కోసం!
దక్షిణాది సినిమా పరిశ్రమలో తనకంటూ ఓ గుర్తింపు తెచ్చుకుంది ఖుష్బూ. తెలుగులో అగ్రహీరోలందరి సరసన నటించిన ఈ ముద్దుగుమ్మకు గుడి కట్టి ఆరాధించే అభిమానులు కూడా ఉన్నారు. ప్రస్తుతం రాజకీయాల్లో బిజీగా మారిపోయిన ఈ అందాల తార సామాజిక మాధ్యమాల్లోనూ చురుగ్గా ఉంటుంది. తన గ్లామరస్ ఫొటోలతో పాటు అప్పుడప్పుడు హెల్త్ టిప్స్ను కూడా పంచుకుంటుంది. ఈ క్రమంలో- జుట్టు సంరక్షణ కోసం తాను ఉపయోగించే ఓ హెయిర్ ప్యాక్ను తాజాగా ఇన్స్టా వేదికగా పంచుకుంది. మరి ఆ హెయిర్ ప్యాక్ తయారీ గురించి మనమూ తెలుసుకుందాం రండి.
కావాల్సిన పదార్థాలు
* మెంతులు
* మందార పూలు
* మందార ఆకులు
* పెరుగు
* గుడ్లు
* లావెండర్ / రోజ్మేరీ ఆయిల్
తయారీ విధానం
ఒక కప్పు నీటిలో మెంతుల్ని రాత్రంతా నానబెట్టాలి. మరుసటి రోజు వీటిని వడకట్టి పేస్ట్లా తయారుచేసుకోవాలి. దీనిలో మందార పూలు, మందార ఆకులు, పెరుగు, గుడ్లను వేసి మరోసారి రుబ్బుకోవాలి. ఆ తర్వాత కొన్ని చుక్కల లావెండర్ / రోజ్మేరీ ఆయిల్ను జత చేసి బాగా కలపాలి. ఈ మిశ్రమాన్ని మొత్తం జుట్టుకు పట్టించి గంటపాటు ఆరనివ్వాలి. ఆపై గాఢత తక్కువ ఉండే షాంపూతో తలస్నానం చేయాలి. అదేవిధంగా మంచి హెయిర్ కండిషనర్ను అప్లై చేసుకోవాలి.
నాకిష్టమైన హెయిర్ ప్యాక్!
ఈ న్యాచురల్ హెయిర్ ప్యాక్ను తన జుట్టుకు పట్టించి ఆ ఫొటోను ఇన్స్టాలో పంచుకుంది ఖుష్బూ. ‘నేను...నాకు ఇష్టమైన హెయిర్ ప్యాక్. శిరోజాల ఆరోగ్యం గురించి నన్ను చాలామంది అడుగుతున్నారు. వారి కోసమే ఈ హెల్దీ హెయిర్ ప్యాక్. ఇది జుట్టును దృఢంగా, మృదువుగా, ఒత్తుగా, ఆరోగ్యంగా ఉంచుతుంది’ అని రాసుకొచ్చింది.
ప్రయోజనాలివే!
ఈ హెయిర్ ప్యాక్ను తరచుగా జుట్టుకు పట్టించుకోవడం వల్ల పలు ప్రయోజనాలున్నాయి. అవేంటంటే...
* న్యాచురల్ మాయిశ్చరైజర్లా జుట్టుకు అవసరమైన తేమను అందిస్తుంది. ఫలితంగా జుట్టు పొడిబారదు.
* జుట్టు చిక్కుబడిపోయే సమస్యను తగ్గిస్తుంది.
* కుదుళ్ల చివరలు చిట్లడం, హెయిర్ ఫాల్ సమస్యల నుంచి ఉపశమనం లభిస్తుంది.
* శిరోజాలను మృదువుగా మారుస్తుంది.
* ఇక ఈ హెయిర్ ప్యాక్కి ఉపయోగించిన మెంతుల్లో యాంటీ ఆక్సిడెంట్లు, విటమిన్ ఎ అధికంగా ఉంటాయి. ఇవి జుట్టులోని ఫ్రీ ర్యాడికల్స్ను తగ్గిస్తాయి. వీటిలోని బీటా కెరోటిన్ జుట్టు ఆరోగ్యానికి బాగా సహకరిస్తుంది.
* మెంతుల్లో అరవై శాతం కార్బొహైడ్రేట్లు ఉంటాయి. ఇవి కురులను దృఢంగా మార్చుతాయి.
* మెంతుల్లో ఉండే ప్రొటీన్, నికోటినిక్ యాసిడ్ ఇటు కుదుళ్లు, అటు జుట్టు ఆరోగ్యానికి చాలా అవసరం.
* మందార పువ్వు కుదుళ్ల పీహెచ్ స్థాయుల్ని బ్యాలన్స్ చేయడంతో పాటు కుదుళ్లు జిడ్డుగా మారకుండా, తెల్లజుట్టు రాకుండా కాపాడుతుంది.
* న్యాచురల్ కండిషనర్గా పని చేసే పెరుగు జుట్టు చివర్లు చిట్లడాన్ని నిరోధిస్తుంది. అంతేగాక చుండ్రు, జిడ్డు, హెయిర్ ఫాల్ తదితర సమస్యలను కూడా దూరం చేస్తుంది.
* గుడ్లలోని పోషకాలు, విటమిన్లు జుట్టుకు మంచి పోషణను అందిస్తాయి. ముఖ్యంగా పచ్చసొనలోని లూటీన్ కురులకు తేమను అందించి, మెరిసేలా చేస్తుంది.
* లావెండర్ నూనెలో ఉండే యాంటీ బ్యాక్టీరియల్ లక్షణాలు జుట్టుకు వివిధ ఇన్ఫెక్షన్ల నుంచి రక్షణ కల్పిస్తాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- Samantha: పెళ్లి గౌనుని రీసైక్లింగ్ చేయించా.. ఇదంటే ఎంతో ఇష్టం!
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
- ధవళవర్ణంలో దేవకన్యలా..!
- తారలు మెచ్చిన ‘ఫుల్కారీ’ ఫ్యాషన్.. ఈ స్టైలిష్ ట్రెండ్ గురించి తెలుసా?
- పొడవైన శిరోజాలతో... గిన్నిస్బుక్లో..!
ఆరోగ్యమస్తు
- నెలకు రెండుసార్లు పిరియడ్స్.. ఎందుకిలా?
- వీటితో.. కడుపు చల్లగా.. ఆరోగ్యంగా..!
- చనుబాలు ఎక్కువగా వస్తున్నాయి.. తగ్గేదెలా?
- మెనోపాజా... వ్యాయామం చేయండి!
- ఎండకో గొడుగు..!
అనుబంధం
- నాన్నంటే భయపడుతున్నారు..!
- ప్రయోగాలతో నేర్పిద్దామా?
- పెంపకం బట్టి ఎదుగుతారు.!
- బద్ధకపు భర్తతో వేగలేకపోతున్నారా?
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
యూత్ కార్నర్
- Mrunal Thakur: అప్పుడే పెళ్లి చేసుకుంటా.. భవిష్యత్తులో నేనూ దీనికి రడీ!
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
- వేసవి కథ!
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
'స్వీట్' హోం
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
వర్క్ & లైఫ్
- అక్కడ బిడ్డను కంటే రూ. 60 లక్షల బహుమతి!
- థైరాయిడ్తో బరువు పెరిగా...
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!