Breaking | Feedback | ePratibha | E-PAPER | Pratibha

పిల్లలు ఎదురు చెబుతున్నారా...

పిల్లలు ఎదురుచెప్పడం అనేది చాలా ఇళ్లల్లో సాధారణం అయ్యింది. ఇల్లాలి ఒత్తిడి పెంచే అంశాల్లో ఇదొకటి. మరి దీనికి పరిష్కారమేంటి?! అసలు చిన్నారులకు కోపతాపాలెందుకు వస్తాయంటే

Published : 08 Jul 2021 00:36 IST

పిల్లలు ఎదురుచెప్పడం అనేది చాలా ఇళ్లల్లో సాధారణం అయ్యింది. ఇల్లాలి ఒత్తిడి పెంచే అంశాల్లో ఇదొకటి. మరి దీనికి పరిష్కారమేంటి?! అసలు చిన్నారులకు కోపతాపాలెందుకు వస్తాయంటే సైకాలజిస్టులు చెబుతున్న కారణాలివి...

టీనేజ్‌ వచ్చేసరికి పిల్లలు తామిక పెద్దయిపోయామని స్వతంత్రంగా ఉండాలని అనుకుంటారు. దాంతో అమ్మానాన్నలు ఒక మాట అనగానే తమకు ఘోర అవమానం జరిగినట్లుగా భావించేసి గబుక్కున ఎదురుచెప్తారు.

* భార్యాభర్తలు పరస్పరం తూలనాడుకుంటే పిల్లలకు అదే అలవాటై ఎదురుచెప్తారు. పెద్దల్ని వాళ్లు అనుకరిస్తారని మర్చిపోకూడదు.

* అనారోగ్యం, అలసటలతో ఎదురుచెప్తారు.

* చదువులో వెనకబడటం, టీచర్లు మందలించడం, తోటి పిల్లలతో పేచీలు, స్నేహితులు దూరమవ్వడం, అడిగినవేవో పెద్దలు కొనివ్వకపోవడం లాంటి కారణాలతో నిరాశకు లోనైనప్పుడు ఎదురుచెప్తారు.

ఈ పరిస్థితిని మార్చుకోవడానికి నిపుణులు ఏం చెబుతున్నారంటే...

* మార్కెట్టుకు వెళ్లి కూరగాయలు తెమ్మనడం లాంటి పనులు చేయనని ఎదురుచెప్తే దాన్ని రాద్ధాంతం చేయనవసరం లేదు

* పిల్లల ముందు పెద్దలు అరచుకోవడం, వాదించుకోవడం మానేయాలి. ఆ ప్రభావం వాళ్లమీద విపరీతంగా ఉంటుందని గ్రహించాలి.

* చిన్నారులు ఎందుకు అశాంతిగా ఉన్నారో తెలుసుకుని ఆ పరిస్థితిని మార్చగలిగితే సమస్య అదే పరిష్కృతమవుతుంది.

* పిల్లల అవసరాలు తీర్చడమే కాదు, వారికి ప్రేమ, లాలన చాలా ముఖ్యం. అది కరవైతే వాళ్లలో అలజడి కలిగి ఇంట్లో యుద్ధ వాతావరణం చోటుచేసుకుంటుంది.

* పిల్లలు ఎదురుచెప్పినప్పుడు కోప్పడి, కొట్టడం కంటే మాట్లాడ్డం ఆపేయడంవల్ల పరివర్తన వస్తుంది. క్షమించమని అడుగుతారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.