Breaking | Feedback | ePratibha | E-PAPER | Pratibha

బంధంలో నా..నీలు వద్దు

వైవాహిక బంధంతో ముడిపడిన జీవితాలు ఒకరికొకరుగా నూరేళ్లు అన్నట్లు ఉండాలి. కానీ దాన్ని గుర్తించకుండా చిన్న చిన్న విషయాలకే చిర్రు బుర్రు లాడుతుంటారు. కారణాలేవైనా మనస్పర్థలు వస్తుంటే... మీ పద్ధతిలో కొన్ని మార్పులు చేసుకోవడం తప్పనిసరి.

Updated : 29 Oct 2021 06:13 IST

* ఆలుమగలుగా... ఇద్దరి ప్రయాణం ఒకటే. అలాంటప్పుడు నా, నీ అని కాక మేమిద్దరం, మా అనే భావనతో నడవాలి. అప్పుడే చిన్న చిన్న ఇబ్బందులను పట్టించుకోకుండా ముందడుగు వేయగలరు. అంతేకాదు... ఈ క్రమంలో ఒకరు వెనకబడినా... మరొకరు వెన్ను తట్టి నడిపించగలరు.

* కలతలు వస్తోంటే... ఎదుటివారిలో లోపాలను ఎత్తిచూపే అలవాటుని మానుకోండి. వీలైతే వారిలో సానుకూల అంశాలను నెమరు వేసుకోండి. ఓ చిన్న ప్రశంస, ప్రేమగా మాట్లాడటం వంటివి ఎదుటి వారిలో తప్పక మార్పు తెస్తాయి.

* పొరబాట్లు సహజం... అవి ఇద్దరిలో ఎవరివల్లైనా జరగొచ్చు. సమస్యను మీ వైపే కాకుండా ఎదుటివారి కోణం నుంచీ కూడా ఆలోచించడానికి ప్రయత్నించండి. ఇలాంటప్పుడే అహం అడ్డొస్తుంది. సమస్యను జఠిలం చేస్తుంది. ఇబ్బంది ఎదురైన ప్రతిసారీ గతాన్ని తవ్వి పెద్దది చేసుకునే పద్ధతి వదిలెయ్యండి. పశ్చాత్తాపానికి మించిన ప్రాయశ్చితం లేదు. అలాంటి పరిస్థితి మీ భాగస్వామిలో కనిపిస్తే కచ్చితంగా మంచి మనసుతో అంగీకరించండి. అయితే ఒకరితో ఒకరు ఎంత స్వచ్ఛంగా ఉండగలుగుతున్నారు అన్నదే ఆ బంధం బలంగా మారేందుకు అవకాశాన్ని కల్పిస్తుంది.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.