కామెడీ షోల కథకురాలు!
అనగనగా ఓ అమ్మాయి. ఆమెకు కథలు చెప్పడం.. కాదు.. కాదు.. రాయడమంటే ఇష్టం. వాటి ద్వారా నవ్వించడం ఆమెకు సరదా. దాన్నే కెరియర్గా ఎంచుకుంది. ఇప్పుడు.. హాలీవుడ్లో కామెడీ రైటర్గా
అనగనగా ఓ అమ్మాయి. ఆమెకు కథలు చెప్పడం.. కాదు.. కాదు.. రాయడమంటే ఇష్టం. వాటి ద్వారా నవ్వించడం ఆమెకు సరదా. దాన్నే కెరియర్గా ఎంచుకుంది. ఇప్పుడు.. హాలీవుడ్లో కామెడీ రైటర్గా కొనసాగుతోంది. ఎవరా అమ్మాయి? ఆమె కథేంటి?
విద్యా అయ్యర్.. పన్నెండేళ్లవరకూ నైజీరియాలోనే పెరిగింది. ఆ తర్వాత దేశానికి తిరిగొచ్చింది. కథలు చదవడం, టీవీ చూడటం, చుట్టూ ఉన్న వారితో మాట్లాడటం ఇక్కడికొచ్చాక ఇవే తన ప్రధాన వ్యాపకాలు. యానిమేటెడ్ షోల్లో తాను గమనించిన వాటన్నింటినీ ఎపిసోడిక్ కథలుగా రాసేది. వాటికి హాస్యాన్ని జోడించేది. వాటిని స్నేహితులతో పంచుకునేది. ‘తర్వాత ఏమైంది? అని వాళ్లు అడుగుతున్నప్పుడు నాకు సరదాగా ఉండేది. అప్పటినుంచి వాళ్లకోసం రాయడం మొదలుపెట్టా’ అంటుందీ చెన్నై అమ్మాయి. కామెడీ షోలకు రైటర్గా చేయాలనేది తన కల. రాసిన వాటిని పేపర్లు, పత్రికలకు పంపడం ప్రారంభించింది. అవి ప్రచురితమైనప్పుడు నమ్మకం పెరిగింది. ‘దీన్నే కెరియర్గా ఎంచుకుంటే?’ అనే ఆలోచనా వచ్చింది.
ఎంటర్టైన్మెంట్ రంగంలోకి రావడం అంత సులువు కాదని ఆమెకు తెలుసు. పైగా అందరూ నవ్వుతారేమో అన్న చిన్న భయమూ. అందుకే గ్రాడ్యుయేషన్కు సిద్ధమైంది. స్నేహితులతోపాటే కంప్యూటర్స్ ఇంజినీరింగ్లో చేరింది. దీంతోపాటు ఇటాలియన్ రెస్టారెంట్నూ ప్రారంభించింది. కానీ మనసంతా టెలివిజన్ షోలపైనే ఉండేది. ఓసారి ప్రయత్నించి, కుదరకపోతే వదిలేద్దామనుకుంది. పరిశ్రమలో వ్యక్తులతో మాట్లాడింది. దానిలో ఏదైనా కోర్సు చేశాక అప్పుడు షోలకు ప్రయత్నించమన్నారు. అందుకు యూఎస్ను ఎంచుకుంది. ఒక స్క్రిప్ట్ను రాసి అయిదు ఫిల్మ్ ఇన్స్టిట్యూట్లకు పంపింది. అలా లాస్ ఏంజెల్స్లోని అమెరికన్ ఫిల్మ్ ఇన్స్టిట్యూట్కు ఎంపికైంది. అక్కడ చదివిన అనుభవం హాలీవుడ్లోని పెద్ద స్టూడియోలు, ప్రొడక్షన్ సంస్థలకు పనిచేసే అవకాశాన్ని కల్పించింది.
ఇప్పుడు తను సోలార్ ఆపోజిట్స్, లిటిల్ వాయిస్, మీరా రాయల్ డిటెక్టివ్ వంటి యానిమేటెడ్ కామెడీ టీవీ షోలకు పనిచేస్తోంది. పైగా ఇవన్నీ భారతీయ నేపథ్యంలోనే సాగుతాయి. ఇక్కడి సంప్రదాయం, పండగలు, వస్త్రధారణ వంటి అంశాలపై అవగాహన కల్పించేలా ఉంటాయి. టీవీ షోలతోపాటు షార్ట్ ఫిల్మ్లకూ పనిచేస్తోంది. స్విమ్మర్ అవ్వాలనుకున్న అమ్మాయి కలపై తన మొదటి పీరియడ్ ఎలా ప్రభావం చూపిందో తెలియజేసే కథ ‘కన్య’. దీన్ని గత ఏడాది యూరోపియన్ ఫిల్మ్ ఫెస్టివల్లో ప్రదర్శించారు. మంచి జాతకం కాదని చెప్పే అమ్మాయి జీవితంపై తీసిన ‘రక్ష’ను ప్రపంచవ్యాప్తంగా 15 ఫిల్మ్ ఫెస్టివల్స్లో ప్రదర్శించారు. దీనికి ఉత్తమ అంతర్జాతీయ లఘు చిత్ర అవార్డు దక్కింది. జీన్, గ్రామ్స్ వంటి మరికొన్నింటికీ రచయితగా చేయడమే కాకుండా కొన్ని టీవీ షోలను నిర్మించింది కూడా. తపన, కష్టపడేతత్వం ఉంటే దేన్నైనా సాధించడం సులువనే విద్య.. హాలీవుడ్లో తమకంటూ స్థానం సంపాదించాలనుకునే ఎంతోమందికి స్ఫూర్తి కదూ!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- ధవళవర్ణంలో దేవకన్యలా..!
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
- తారలు మెచ్చిన ‘ఫుల్కారీ’ ఫ్యాషన్.. ఈ స్టైలిష్ ట్రెండ్ గురించి తెలుసా?
- పొడవైన శిరోజాలతో... గిన్నిస్బుక్లో..!
- ఈ ఆహారంతో జుట్టు ఆరోగ్యంగా..!
ఆరోగ్యమస్తు
- వీటితో.. కడుపు చల్లగా.. ఆరోగ్యంగా..!
- చనుబాలు ఎక్కువగా వస్తున్నాయి.. తగ్గేదెలా?
- మెనోపాజా... వ్యాయామం చేయండి!
- ఎండకో గొడుగు..!
- హార్మోన్లు సమతులంగా ఉండాలంటే..!
అనుబంధం
- ప్రయోగాలతో నేర్పిద్దామా?
- పెంపకంబట్టి ఎదుగుతారు.!
- నాన్నంటే భయపడుతున్నారు..!
- బద్ధకపు భర్తతో వేగలేకపోతున్నారా?
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
యూత్ కార్నర్
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
- వేసవి కథ!
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
'స్వీట్' హోం
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
వర్క్ & లైఫ్
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!
- విజయానికి అందం అడ్డయ్యింది!
- భరణం ఇవ్వాల్సొస్తుందని ఉద్యోగం మానేశాడు!