మా పాప మొండిగా తయారైంది.. తనను మార్చేదెలా?
మేడమ్... మా పాప వయసు 9 సంవత్సరాలు. ప్రతి చిన్న విషయానికీ ఏడుస్తుంది. అంతేకాదు.. మొండిగా తయారై.. చదువులో కూడా వెనుకబడింది. నాకు 4 సంవత్సరాల బాబు కూడా ఉన్నాడు. వాడు ముద్దుగా ఉంటాడు. కానీ పలు ఆరోగ్య సమస్యలున్నాయి. మేము ఎక్కువ గారాబం చేయడం వల్ల మా అమ్మాయి అలా తయారై ఉండచ్చు.
మేడమ్... మా పాప వయసు 9 సంవత్సరాలు. ప్రతి చిన్న విషయానికీ ఏడుస్తుంది. అంతేకాదు.. మొండిగా తయారై.. చదువులో కూడా వెనుకబడింది. నాకు 4 సంవత్సరాల బాబు కూడా ఉన్నాడు. వాడు ముద్దుగా ఉంటాడు. కానీ పలు ఆరోగ్య సమస్యలున్నాయి. మేము ఎక్కువ గారాబం చేయడం వల్ల మా అమ్మాయి అలా తయారై ఉండచ్చు. బహుశా ప్రతి విషయంలోనూ పిల్లలిద్దరి మధ్య ఉన్న పోటీతత్వం (తోబుట్టువుల వైరం) వల్లే అలా చేస్తోందేమోననిపిస్తోంది. అందుకే మా పాపతో ఎక్కువ సమయం వెచ్చించి చూశాను. కానీ తనలో ఎలాంటి మార్పు కనిపించటం లేదు. మేము కొంతకాలం వేచి చూడాలా? లేకపోతే వెంటనే సైకాలజిస్టుని కలవమంటారా? మా పాపను మామూలు స్థితికి తీసుకురావడానికి ఇంకా ఏవైనా సలహాలు ఇవ్వగలరు.
జ. మీ అమ్మాయి మొదటి నుంచి ఇలాగే ఉందా? ప్రతి దానికీ ఏడుస్తుందా? తను అనుకున్నది సాధించాలనుకుంటుందా? చదువులో మొదటి నుంచి పెద్దగా ఆసక్తి చూపించడం లేదా? ఇలాంటి విషయాలన్నీ కూడా స్పష్టంగా తెలియాలి. ఒకవేళ మీ అమ్మాయి తమ్ముడు పుట్టిన తర్వాతే ఇలా చేస్తోందంటే తల్లిదండ్రులుగా మీరే ఈ సమస్యను ఏ రకంగా పరిష్కరించాలో ఆలోచించుకోవాలి. మీ బాబు చక్కగా, ముద్దుగా ఉన్నప్పటికీ ఎప్పుడూ అనారోగ్యంతో ఉంటాడని రాశారు. అలాంటి సందర్భంలో మీ సమయం అతనికే కేటాయించాల్సిన అవసరం వచ్చుండచ్చు. అదే సమయంలో మీ నుంచి మీ అమ్మాయికి సరైన శ్రద్ధ అందక.. ఒంటరిగా ఉన్నాననే భావన కలిగి ఉండచ్చు. కొన్నిసార్లు మొండితనం చేయడం వల్ల తన పట్ల మీరు శ్రద్ధ చూపిస్తే.. అది తనకు తెలియకుండానే అలవాటుగా మారుండచ్చు. ఇలా మీ శ్రద్ధను పొందడానికి తను చేసే ప్రయత్నాలతో చదువు మీద ఆసక్తి తగ్గి ఉండచ్చు.
అలాగే మీరు ఇద్దరు పిల్లల మధ్య పని, సమయాన్ని విభజన చేసుకునే క్రమంలో ఇదివరకు చూపించినంత శ్రద్ధ ఇప్పుడు చూపించగలుగుతున్నారో లేదో చెప్పలేదు. అలాగే తన వయసు పెరిగే కొద్దీ చదువు స్థాయి కూడా క్రమంగా పెరుగుతుంది. అలా తన స్థాయి పెరిగే కొద్దీ దానికి తగిన విధంగా ఆ అమ్మాయి మానసిక స్థితి ఉంటుందా? అనే విషయాన్ని కూడా ఆలోచించాలి. దాంతో పాటు మీ వారికి మీ అమ్మాయి పట్ల శ్రద్ధ చూపించడానికి ఎంతవరకు వీలవుతుంది? అనే విషయాన్ని భార్యభర్తలిద్దరూ కలిసి ఆలోచించుకోవాలి.
మీరు మొదట బాబు ఆరోగ్యం విషయంలో వైద్యులను సంప్రదించి తగిన జాగ్రత్తలు తీసుకోండి. మీ బాబు ఆరోగ్యంగా మారాక అక్క, తమ్ముడు ఇద్దరూ కలిసి చేసే పనుల్లో వారిని ప్రోత్సహించండి. అందులోనూ ఒకరు ఎక్కువ, మరొకరు తక్కువ అనే భావన రాకుండా జాగ్రత్తపడండి. ఒకవేళ అక్కగా తమ్ముడిని బాగా చూసుకుంటే.. ఆమెని ప్రశంసించండి. అలా చేయడం వల్ల ఆమెకి ప్రశంసలతో పాటు మీరు ఆమెపై శ్రద్ధ చూపిస్తున్నారనే భావన కూడా కలుగుతుంది. అలాగే తనతో హోంవర్క్ చేయించేటప్పుడు, తనను చదివించేటప్పుడు పూర్తి ఏకాగ్రత ఆమెపై ఉండేటట్టుగా చూసుకోండి. మీరు తన కోసం ఎక్కువ సమయం కేటాయించానని చెప్పారు. అయితే అలా గడిపిన సమయంలో ఆమె ఎంత సంతృప్తి చెందుతుంది అనే విషయాన్ని కూడా గమనించాలి. అలాగే మీ దంపతులిద్దరూ, పాప, బాబు.. ఇద్దరూ ఒక్కటే అనే విషయాన్ని ఆమెకి చెప్పే ప్రయత్నం చెప్పండి. అప్పుడు మీ పాపలో మార్పు వచ్చే అవకాశం ఉండచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- వీపు మీద పొక్కులా..?
- Samantha: పెళ్లి గౌనుని రీసైక్లింగ్ చేయించా.. ఇదంటే ఎంతో ఇష్టం!
- ఎండల్లోనూ... తాజాగా
- మంత్రముగ్ధుల్ని చేసేస్తున్నాయి...
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
ఆరోగ్యమస్తు
- సంపూర్ణ ఆరోగ్యం.. ఇలా సొంతం!
- నెలకు రెండుసార్లు పిరియడ్స్.. ఎందుకిలా?
- డిప్రెషన్ తగ్గించే పాదాంగుష్ఠాసనం
- ఎలా తింటున్నారు
- పగలు నిద్రపోతున్నారా?
అనుబంధం
- Love Brain Disorder: బాయ్ఫ్రెండ్కు వందసార్లు ఫోన్ చేసింది.. చివరికి ఏమైందంటే?!
- పాట్లక్తో...
- నాన్నంటే భయపడుతున్నారు..!
- ప్రయోగాలతో నేర్పిద్దామా?
- పెంపకం బట్టి ఎదుగుతారు.!
యూత్ కార్నర్
- Mrunal Thakur: అప్పుడే పెళ్లి చేసుకుంటా.. భవిష్యత్తులో నేనూ దీనికి రడీ!
- పేదరికాన్ని దాటి... చదువుల్లో మెరిసి!
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
- వేసవి కథ!
'స్వీట్' హోం
- పిల్లల ముందు ఇలా చేస్తున్నారా.. అయితే జాగ్రత్త!
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
వర్క్ & లైఫ్
- అక్కడ బిడ్డను కంటే రూ. 60 లక్షల బహుమతి!
- థైరాయిడ్తో బరువు పెరిగా...
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!