ఉమ్మడి కుటుంబం.. పిల్లలకెన్ని ప్రయోజనాలో!
వృత్తి ఉద్యోగాల రీత్యా, ప్రైవసీ కొరవడుతుందని, స్వేచ్ఛగా ఉండలేమని.. ఇలా కారణాలేవైనా ఉమ్మడి కుటుంబంలో కంటే వేరుగా ఉండడానికే చాలా జంటలు ఆసక్తి చూపుతున్నాయి. కానీ కొంతమంది మాత్రం అందరితో కలిసున్నప్పుడే ఆనందం రెట్టింపవుతుందని నమ్ముతారు. నిజానికి వేరుగా ఉండడం కంటే ఉమ్మడి కుటుంబంలో ఉన్నప్పుడే కొన్ని అదనపు ప్రయోజనాల్ని సొంతం చేసుకోవచ్చని చెబుతున్నారు రిలేషన్షిప్ నిపుణులు.
వృత్తి ఉద్యోగాల రీత్యా, ప్రైవసీ కొరవడుతుందని, స్వేచ్ఛగా ఉండలేమని.. ఇలా కారణాలేవైనా ఉమ్మడి కుటుంబంలో కంటే వేరుగా ఉండడానికే చాలా జంటలు ఆసక్తి చూపుతున్నాయి. కానీ కొంతమంది మాత్రం అందరితో కలిసున్నప్పుడే ఆనందం రెట్టింపవుతుందని నమ్ముతారు. నిజానికి వేరుగా ఉండడం కంటే ఉమ్మడి కుటుంబంలో ఉన్నప్పుడే కొన్ని అదనపు ప్రయోజనాల్ని సొంతం చేసుకోవచ్చని చెబుతున్నారు రిలేషన్షిప్ నిపుణులు. ముఖ్యంగా ఉమ్మడి కుటుంబంలోని వాతావరణం పిల్లలపై సానుకూల ప్రభావాన్ని చూపుతుందంటున్నారు. అందుకే వారి భవిష్యత్తును దృష్టిలో ఉంచుకొని అందరితో కలిసుండమని ఈ తరం జంటలకు సూచిస్తున్నారు. మరి, ఇంతకీ ఉమ్మడి కుటుంబంలో పెరగడం వల్ల పిల్లలకు ఎలాంటి ప్రయోజనాలు చేకూరతాయో తెలుసుకుందాం రండి..
ఒంటరిగా ఫీలవ్వరు!
ఆర్థిక పరిస్థితుల రీత్యా లేదంటే బాధ్యతలు పెరిగిపోతాయనో.. అదీ కాదంటే సామాజిక స్పృహతోనో.. ఇలా కారణమేదైనా ప్రస్తుతం చాలా జంటలు ‘మేమిద్దరం.. మాకొక్కరు చాలు!’ అనే సిద్ధాంతాన్ని ఫాలో అవుతున్నారు. అంటే.. ఒక్క సంతానానికే పరిమితమవుతున్నారన్నమాట! ఇది ఒక రకంగా మంచి నిర్ణయమే అయినా.. ఇలాంటి చిన్నారుల్లో ఎక్కువ శాతం మంది ఒంటరితనానికి లోనవుతున్నారని చెబుతున్నారు నిపుణులు. ఇంట్లో తల్లిదండ్రులిద్దరూ ఎవరి పనుల్లో వారు బిజీగా ఉండడం, వాళ్లతో ఆడుకునే వారెవరూ లేకపోవడం, ఒక్కగానొక్క సంతానం అని అతిగారాబంతో పిల్లల్ని బయటికి వెళ్లనివ్వకపోవడం.. వంటి కారణాలే ఈ ఒంటరితనానికి కారణమవుతాయంటున్నారు. అదే ఉమ్మడి కుటుంబంలో అయితే ఈ సమస్య రాదంటున్నారు. అక్కడైతే బాబాయి/పెదనాన్న పిల్లలు, కజిన్స్.. ఇలా ఒకే వయసులో ఉన్న వారంతా కలిసి ఆడుకుంటూ హ్యాపీగా గడిపేస్తారు. అంతేకాదు.. ఒంటరిగా ఉన్నప్పుడు ఎంత చదువుకోమన్నా చదువుకోని చిన్నారులు.. తమ కజిన్స్ని చూసి చదువుపై మక్కువనీ పెంచుకుంటారట!
కలివిడిగా.. వడివడిగా..!
ఈ కాలపు పిల్లలకు చదువే కాదు.. చక్కటి కమ్యూనికేషన్ స్కిల్స్ కూడా అలవర్చడం తల్లిదండ్రుల బాధ్యత! అప్పుడే వారు భవిష్యత్తులో ఎలాంటి సవాళ్లనైనా ఎదుర్కోగలుగుతారు.. రాణించగలుగుతారు. ఒంటరిగా పెరిగే పిల్లల కంటే ఉమ్మడి కుటుంబంలో పెరిగే పిల్లలకు ఇలాంటి లక్షణాలు, నైపుణ్యాలు సహజంగానే అలవడతాయంటున్నారు నిపుణులు. ఇంట్లో ఉండే పెద్దలతో ఎలా మాట్లాడాలి? గౌరవమర్యాదలు ఇచ్చిపుచ్చుకోవడం, కలుపుగోలుగా మెలగడం.. ఇవన్నీ వారికి ప్రత్యేకంగా నేర్పించక్కర్లేదు. ఇంటి సభ్యుల్ని చూసి వాళ్లకు వాళ్లే నేర్చుకోగలుగుతారు.
వారి జీవితమే వీరికి పాఠం!
ఉమ్మడి కుటుంబంలో కాకుండా వేరుగా పెరిగే పిల్లలు తరచూ వాళ్ల గ్రాండ్పేరెంట్స్ని మిస్సవుతుంటారు. రోజూ పడుకునే ముందు వాళ్లు చెప్పే నీతికథలు వినే అవకాశం కూడా వీరికి ఉండదు. అలాగని ఇవన్నీ పేరెంట్స్ చెప్తారా అంటే వాళ్లకు అంత సమయం ఉండదు. అదే అందరూ కలిసున్నప్పుడు ఇంట్లో ఉండే పెద్ద వాళ్లు చిన్నారులకు బోలెడన్ని విషయాలు చెప్పే ఆస్కారం ఉంటుంది. లోకం పోకడ ఎలా ఉంటుంది? చిన్నతనం నుంచి వాళ్లు పడిన కష్టాలు, చదువుకొని ప్రయోజకులైన విధానం.. ఇలా వాళ్ల జీవితంలోని ప్రతి ఘట్టం నేటి పిల్లలకు జీవిత పాఠమే అవుతుంది. ఎప్పుడూ చదువే కాదు.. జీవితానికి సంబంధించిన ఇలాంటి విషయాలపై పిల్లలకు చిన్నతనం నుంచే ఓ అవగాహన ఏర్పర్చడం మరీ మంచిదంటున్నారు నిపుణులు.
మిమ్మల్నీ మిస్సవ్వరు!
ప్రస్తుత బిజీ లైఫ్స్టైల్ ఏమో కానీ కన్న పిల్లలతో కాసేపు సమయం గడిపే తీరికే తల్లిదండ్రులకు దొరకట్లేదు. దీంతో పిల్లలు తమ తల్లిదండ్రుల్ని చాలా మిస్సవుతుంటారు. దీని ప్రభావం పోనుపోను వారి చిన్ని మనసులపై పడే ప్రమాదం ఉంటుంది. అదే ఉమ్మడి కుటుంబాల్లో పేరెంట్స్ పిల్లల్ని, పిల్లలు పేరెంట్స్ని మిస్సవ్వరని చెబుతున్నారు నిపుణులు. అదెలాగంటే.. మీకు మీరు వేరుగా ఉంటే అటు ఇంటి పనులు, ఇటు బయటి పనులు, ఆఫీస్ వర్క్.. వీటన్నింటితో 24 గంటల సమయం కూడా సరిపోదు. అదే అందరితో కలిసుంటే ఇంటి పనుల్ని నలుగురు పంచుకుంటారు. తద్వారా పని త్వరగా పూర్తవుతుంది.. మీకంటూ, మీ పిల్లల కోసం కేటాయించడానికి కాస్త సమయం దొరుకుతుంది. తద్వారా తమ పేరెంట్స్ని మిస్సవుతున్నామన్న భావన పిల్లల్లో కలగదు. పైగా ఇలా బోలెడంత సమయం చిక్కే సరికి అన్ని విషయాలు మీతో పంచుకోవడానికి ఆసక్తి చూపుతారు. తల్లిదండ్రులకు-పిల్లలకు మధ్య ఇలాంటి స్నేహబంధమే ఉండాలంటున్నారు నిపుణులు.
ఆ జ్ఞాపకాలు పదిలంగా..!
మనకే కాదు.. చాలామంది పిల్లలకూ కొత్త కొత్త ప్రదేశాలకు వెళ్లాలని, ఎంజాయ్ చేయాలని ఉంటుంది. ఈ క్రమంలో ఎక్కువమందితో కలిసి.. అది తమ తోటి వారితో వెళ్తే వాళ్లు మరింతగా ఎంజాయ్ చేస్తారు. ఇలాంటప్పుడూ ఉమ్మడి కుటుంబమే వర్కవుట్ అవుతుంది. వాళ్ల కజిన్స్/ఒకే వయసులో ఉన్న పిల్లలతో ఆడుకోవడం, ఫొటోలు దిగడం.. ఇలా వాళ్ల ప్రపంచమే వేరుగా ఉంటుంది. ఇలాంటి జ్ఞాపకాలు వారికి భవిష్యత్తుకు సరిపడా మధురానుభూతుల్ని పంచుతాయి. అంతేకాదు.. ఇలా ఎప్పుడూ హ్యాపీగా గడిపే పిల్లలు శారీరకంగా, మానసికంగానూ చురుగ్గా ఉంటారని పలు అధ్యయనాలు కూడా రుజువు చేస్తున్నాయి.
సో.. ఎటు నుంచి చూసినా ఒంటరిగా కంటే ఉమ్మడి కుటుంబంలో పెరిగిన చిన్నారులకే ఎక్కువ ప్రయోజనాలున్నాయని అర్థమవుతోంది. మరి, మీది కూడా ఉమ్మడి కుటుంబమేనా? మీ పిల్లలూ అందరితో కలిసి ఇలా ప్రతి క్షణం సంతోషంగా, సరదాగా గడుపుతుంటారా? అయితే ఉమ్మడి కుటుంబంలో పెరగడం వల్ల పిల్లలకు ఇంకా ఎలాంటి సానుకూల ప్రయోజనాలుంటాయంటారు? మీ అభిప్రాయాలు, సలహాలను వసుంధర.నెట్ వేదికగా పంచుకోండి..!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- వీపు మీద పొక్కులా..?
- Samantha: పెళ్లి గౌనుని రీసైక్లింగ్ చేయించా.. ఇదంటే ఎంతో ఇష్టం!
- ఎండల్లోనూ... తాజాగా
- మంత్రముగ్ధుల్ని చేసేస్తున్నాయి...
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
ఆరోగ్యమస్తు
- వైట్డిశ్చార్జ్ అవుతుంటే..!
- నడక నేర్చుకుంటూనే!
- సంపూర్ణ ఆరోగ్యం.. ఇలా సొంతం!
- నెలకు రెండుసార్లు పిరియడ్స్.. ఎందుకిలా?
- డిప్రెషన్ తగ్గించే పాదాంగుష్ఠాసనం
అనుబంధం
- ఆడేద్దామా తొక్కుడు బిళ్ల
- Love Brain Disorder: బాయ్ఫ్రెండ్కు వందసార్లు ఫోన్ చేసింది.. చివరికి ఏమైందంటే?!
- పాట్లక్తో...
- నాన్నంటే భయపడుతున్నారు..!
- ప్రయోగాలతో నేర్పిద్దామా?
యూత్ కార్నర్
- డూడుల్ డబ్బా అదిరిందబ్బా!
- Mrunal Thakur: అప్పుడే పెళ్లి చేసుకుంటా.. భవిష్యత్తులో నేనూ దీనికి రడీ!
- పేదరికాన్ని దాటి... చదువుల్లో మెరిసి!
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
'స్వీట్' హోం
- పిల్లల ముందు ఇలా చేస్తున్నారా.. అయితే జాగ్రత్త!
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
వర్క్ & లైఫ్
- అక్కడ బిడ్డను కంటే రూ. 60 లక్షల బహుమతి!
- థైరాయిడ్తో బరువు పెరిగా...
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!