మా కొత్త ప్రయాణానికి మీ ఆశీర్వాదం కావాలి!
పెళ్లి అనేది ప్రతి ఒక్కరి జీవితంలో ఓ మధురమైన ఘట్టం. అందుకే ఉన్నంతలోనే అత్యంత ఘనంగా ఈ వేడుకను జరుపుకోవాలనుకుంటారు. ఇక సెలబ్రిటీలైతే చెప్పే పనే లేదు. మెహెందీ, హల్దీ, విందులు, వినోద కార్యక్రమాలతో అంగరంగ వైభవంగా ఈ శుభకార్యాన్ని సెలబ్రేట్ చేసుకోవాలనుకుంటారు.
పెళ్లి అనేది ప్రతి ఒక్కరి జీవితంలో ఓ మధురమైన ఘట్టం. అందుకే ఉన్నంతలోనే అత్యంత ఘనంగా ఈ వేడుకను జరుపుకోవాలనుకుంటారు. ఇక సెలబ్రిటీలైతే చెప్పే పనే లేదు. మెహెందీ, హల్దీ, విందులు, వినోద కార్యక్రమాలతో అంగరంగ వైభవంగా ఈ శుభకార్యాన్ని సెలబ్రేట్ చేసుకోవాలనుకుంటారు. కానీ కరోనా ఆంక్షలతో ఎలాంటి సందడి లేకుండానే సోలో లైఫ్కి గుడ్ బై చెప్పి వైవాహిక బంధంలోకి అడుగుపెడుతున్నారు కొంతమంది సెలబ్రిటీలు.
డైరెక్టర్తో కలిసి ఏడడుగులు!
ఇటీవల బాపు బొమ్మ ప్రణీత ఎలాంటి హంగు ఆర్భాటం లేకుండా ఏడడుగులు నడవగా... తాజాగా బాలీవుడ్ నటి యామీ గౌతమ్ ఎలాంటి ముందస్తు సమాచారం లేకుండానే మూడుముళ్ల బంధంలోకి అడుగుపెట్టింది. ప్రముఖ రచయిత, దర్శకుడు ఆదిత్యధర్తో కలిసి ఆమె పెళ్లిపీటలెక్కింది. కరోనా ఆంక్షల నేపథ్యంలో కేవలం ఇరు కుటుంబ సభ్యులు, సన్నిహితులు, స్నేహితుల సమక్షంలో ఈ వివాహ వేడుక జరిగింది. అనంతరం యామీనే తన పెళ్లికి సంబంధించిన ఫొటోలను సోషల్ మీడియాలో షేర్ చేసింది. దీంతో సెలబ్రిటీలతో పాటు అభిమానులు, నెటిజన్లు నూతన వధూవరులకు శుభాకాంక్షలు తెలుపుతున్నారు.
‘ఫెయిర్ అండ్ లవ్లీ’ గర్ల్గా పరిచయమై!
హిమాచల్ ప్రదేశ్లోని బిలాస్పూర్కు చెందిన యామీ మొదట ఐఏఎస్ కావాలనుకుంది. కానీ కొన్ని పరిస్థితులు ఆమెను సినిమా ఇండస్ట్రీ వైపు అడుగులు వేసేలా చేశాయి. ఈ క్రమంలో సినిమా అవకాశాలను వెతుక్కుంటూ 20 ఏళ్ల వయసులో ముంబయికి చేరుకుంది. మొదట కొన్ని వ్యాపార ప్రకటనల్లో నటించిన ఆమెకు ‘ఫెయిర్ అండ్ లవ్లీ’ యాడ్ మంచి గుర్తింపు తెచ్చిపెట్టింది. ఈ క్రేజ్తోనే మొదట బుల్లితెర, ఆ తర్వాత వెండితెరపై అడుగుపెట్టి వరుస అవకాశాలు అందిపుచ్చుకుంది. 2009లో ‘ఉల్లాస ఉత్సాహ’ అనే కన్నడ చిత్రంతో తన సినిమా ప్రస్థానాన్ని ప్రారంభించిన యామీ... ఆ తర్వాత ‘నువ్విలా’తో తెలుగు ప్రేక్షకులను పలకరించింది. అనంతరం ‘విక్కీ డోనర్’తో బాలీవుడ్లో తన అదృష్టాన్ని పరీక్షించుకుంది. ఈ సినిమా పెద్ద హిట్ కావడంతో అక్కడ ఆమెకు వరుస ఆఫర్లు వెల్లువెత్తాయి. ‘బద్లాపూర్’, ‘సనమ్ రే’, ‘కాబిల్’, ‘సర్కార్ 3’, ‘ఉరి:ది సర్జికల్ స్ట్రైక్’, ‘బాలా’, ‘గిన్నీ వెడ్స్ సన్నీ’ లాంటి సూపర్ హిట్ చిత్రాలు ఆమె ఖాతాలో చేరాయి. అదే సమయంలో ‘గౌరవం’, ‘యుద్ధం’, ‘కొరియర్ బాయ్ కల్యాణ్’ చిత్రాలతో టాలీవుడ్ను కూడా పలకరించింది. వీటితో పాటు తమిళ, పంజాబీ, కన్నడ, మలయాళ చిత్రాల్లోనూ నటించి అక్కడి ప్రేక్షకులను కూడా మెప్పించింది.
మా కొత్త ప్రయాణానికి మీ ఆశీర్వాదం కావాలి!
ఇలా తన అందం, అభినయంతో సినిమా పరిశ్రమలో తనకంటూ ఓ గుర్తింపు తెచ్చుకున్న యామీ... ఎలాంటి ముందస్తు సమాచారం లేకుండానే పెళ్లి చేసుకుంది. ‘ఉరి’ సినిమాతో ‘ఉత్తమ దర్శకుడి’గా జాతీయ అవార్డు అందుకున్న ఆదిత్యధర్తో కలిసి ఆమె ఏడడుగులు నడిచింది. అనంతరం తన పెళ్లి వేడుకకు సంబంధించిన ఫొటోలను సోషల్ మీడియాలో షేర్ చేసుకుంటూ ‘కుటుంబ సభ్యుల ఆశీర్వాదంతో మేం వైవాహిక బంధంలోకి అడుగుపెట్టాం. కరోనా నిబంధనల నేపథ్యంలో అతి తక్కువమంది సమక్షంలో ఈ వేడుక జరిగింది. పెళ్లితో ప్రారంభమైన మా ఈ కొత్త ప్రయాణానికి మీ అందరి దీవెనలు కూడా కావాలి’ అని రాసుకొచ్చింది.
సంప్రదాయ దుస్తుల్లో!
పెళ్లి వేడుకలో రెడ్ కలర్ శారీలో దర్శనమిచ్చిన యామీ తలపై అదే కలర్ దుపట్టాను ధరించింది. ఇక పెళ్లి దుస్తులకు తగ్గట్టుగా ధరించిన ఆభరణాలు ఆమె అందాన్ని రెట్టింపు చేశాయి. ఇక వరుడు ఆదిత్య క్రీమ్ కలర్ షేర్వాణీలో ముస్తాబయ్యాడు. ఇలా పెళ్లి దుస్తుల్లో ఒకరినొకరు చూసుకుంటూ చిరునవ్వులు చిందిస్తున్న యామీ-ఆదిత్యల పెళ్లి ఫొటోలు సోషల్ మీడియాలో ట్రెండింగ్లో నిలిచాయి. జాక్వెలిన్ ఫెర్నాండెజ్, కాజల్ అగర్వాల్, కృతి సనన్, దియామీర్జా, తహీరా కశ్యప్, శ్రద్ధాకపూర్ తదితర సెలబ్రిటీలతో పాటు అభిమానులు, నెటిజన్లు కొత్త దంపతులకు శుభాకాంక్షలు తెలుపుతున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- వీపు మీద పొక్కులా..?
- Samantha: పెళ్లి గౌనుని రీసైక్లింగ్ చేయించా.. ఇదంటే ఎంతో ఇష్టం!
- ఎండల్లోనూ... తాజాగా
- మంత్రముగ్ధుల్ని చేసేస్తున్నాయి...
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
ఆరోగ్యమస్తు
- సంపూర్ణ ఆరోగ్యం.. ఇలా సొంతం!
- నెలకు రెండుసార్లు పిరియడ్స్.. ఎందుకిలా?
- డిప్రెషన్ తగ్గించే పాదాంగుష్ఠాసనం
- ఎలా తింటున్నారు
- పగలు నిద్రపోతున్నారా?
అనుబంధం
- Love Brain Disorder: బాయ్ఫ్రెండ్కు వందసార్లు ఫోన్ చేసింది.. చివరికి ఏమైందంటే?!
- పాట్లక్తో...
- నాన్నంటే భయపడుతున్నారు..!
- ప్రయోగాలతో నేర్పిద్దామా?
- పెంపకం బట్టి ఎదుగుతారు.!
యూత్ కార్నర్
- Mrunal Thakur: అప్పుడే పెళ్లి చేసుకుంటా.. భవిష్యత్తులో నేనూ దీనికి రడీ!
- పేదరికాన్ని దాటి... చదువుల్లో మెరిసి!
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
- వేసవి కథ!
'స్వీట్' హోం
- పిల్లల ముందు ఇలా చేస్తున్నారా.. అయితే జాగ్రత్త!
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
వర్క్ & లైఫ్
- అక్కడ బిడ్డను కంటే రూ. 60 లక్షల బహుమతి!
- థైరాయిడ్తో బరువు పెరిగా...
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!