ఒక్కరోజు కూడా మిస్సవ్వకుండా నిన్ను ప్రేమిస్తుంటాను!
ప్రేమికులకు ‘తొలి పరిచయం’ అనేది ఓ తీపి గుర్తు. తమ ప్రేమ బంధానికి పునాది వేసిన ఆ రోజును వారి జీవితాల్లో ఎంతో అపురూపమైనదిగా భావిస్తారు. అందుకే ఆ ప్రత్యేకమైన రోజు వచ్చినప్పుడల్లా ప్రేమికుల్లో ఒక రకమైన ఉత్సాహం, సంతోషం కనిపిస్తుంటాయి. ప్రస్తుతం అలాంటి ఆనందంలోనే తేలియాడుతున్నారు అవికా గోర్-మిలింద్ చంద్వానీ. తమ ప్రేమబంధం చిగురించి రెండేళ్లు పూర్తయిన సందర్భంగా వెకేషన్కి వెళ్లారీ లవ్ బర్డ్స్. ఈ సందర్భంగా అక్కడి అందమైన ప్రదేశాల్లో ఫొటోలు దిగి సోషల్ మీడియాలో పంచుకుని మురిసిపోయారు.
ప్రేమికులకు ‘తొలి పరిచయం’ అనేది ఓ తీపి గుర్తు. తమ ప్రేమ బంధానికి పునాది వేసిన ఆ రోజును వారి జీవితాల్లో ఎంతో అపురూపమైనదిగా భావిస్తారు. అందుకే ఆ ప్రత్యేకమైన రోజు వచ్చినప్పుడల్లా ప్రేమికుల్లో ఒక రకమైన ఉత్సాహం, సంతోషం కనిపిస్తుంటాయి. ప్రస్తుతం అలాంటి ఆనందంలోనే తేలియాడుతున్నారు అవికా గోర్-మిలింద్ చంద్వానీ. తమ ప్రేమబంధం చిగురించి రెండేళ్లు పూర్తయిన సందర్భంగా వెకేషన్కి వెళ్లారీ లవ్ బర్డ్స్. ఈ సందర్భంగా అక్కడి అందమైన ప్రదేశాల్లో ఫొటోలు దిగి సోషల్ మీడియాలో పంచుకుని మురిసిపోయారు.
‘చిన్నారి పెళ్లికూతురు’ సీరియల్లో ఆనందిగా మంచి గుర్తింపు తెచ్చుకుంది అవిక. ఆ తర్వాత పలు తెలుగు సినిమాల్లోనూ నటించి ఇక్కడి సినిమా ప్రియులకు బాగా చేరువైంది. 2019లో వచ్చిన ‘రాజుగారి గది 3’ సినిమా తర్వాత సిల్వర్ స్ర్కీన్పై కనిపించని అవిక...తన వ్యక్తిగత విషయాలతోనే ఎక్కువగా వార్తల్లో నిలిచింది. మొదట బరువు తగ్గి సన్నజాజి తీగలా మారిపోయి అభిమానులను సర్ప్రైజ్ ఇచ్చిన ఈ ముద్దుగుమ్మ... ఆ తర్వాత తన ప్రేమ విషయాన్ని బయటపెట్టి మరో షాక్ ఇచ్చింది.
సోనామార్గ్ వ్యాలీలో!
ఓ స్వచ్ఛంద సంస్థ సీఈవో మిలింద్తో ప్రేమలో ఉన్నట్లు గత ఏడాది నవంబర్లో బయటపెట్టిందీ భామ. అప్పటి నుంచి సందర్భమొచ్చినప్పుడల్లా సోషల్ మీడియాలో తన ప్రియుడితో కలిసున్న ఫొటోలతో పాటు తమ రిలేషన్షిప్ సంగతులను కూడా పంచుకుంటోంది. ఈ క్రమంలో తమ ప్రేమ మొదలై రెండేళ్లు పూర్తవ్వడంతో సోనామార్గ్ వ్యాలీలో వాలిపోయారీ ప్రేమ పక్షులు. అక్కడ అందమైన ప్రదేశాల్లో సరదాగా గడుపుతూ తమ ప్రేమ సంగతులను పంచుకున్నారు.
నాపై నాకు నమ్మకాన్ని కలిగించావు!
ఈ సందర్భంగా మిలింద్తో కలిసున్న ఫొటోను ఇన్స్టాలో షేర్ చేసిన అవిక ... ‘మిలింద్...రెండేళ్ల నుంచి నువ్వు నాకు తెలుసు. నీ కారణంగానే నా జీవితం ప్రేమ, సంతోషాలతో నిండిపోయింది. నీ పరిచయం నాపై నాకు నమ్మకాన్ని కలిగించింది. జీవితంలో ఎదిగేలా నన్ను ప్రతిరోజూ ప్రోత్సహిస్తున్నందుకు థ్యాంక్స్. నువ్వు నా లైఫ్లోకి వచ్చినందుకు నేనెంతో అదృష్టవంతురాలిని. ఇలా జీవితంలోని ప్రతిక్షణం నీతోనే గడపాలని కోరుకుంటున్నా...ఐ లవ్యూ’ అని తన ప్రేమకు అక్షర రూపమిచ్చిందీ అందాల తార.
అప్పుడే రెండేళ్లు గడిచాయా?
ఈ సందర్భంగా మిలింద్ కూడా తన ప్రేయసితో కలిసున్న ఫొటోలను ఇన్స్టాలో పంచుకున్నాడు. ‘నిన్ను కలుసుకొని అప్పుడే రెండేళ్లు గడిచాయా?..ఇది నమ్మశక్యంగా లేదు. నువ్వు ఎప్పటినుంచో నా జీవితంలో ఉన్నట్లు అనిపిస్తోంది...అదే సమయంలో ఇప్పుడిప్పుడే కొత్తగా మన పరిచయం మొదలైనట్లు అనిపిస్తోంది. అందుకు కారణం మనిద్దరం గడుపుతోన్న ఆనంద క్షణాలే. రెండేళ్ల క్రితం అనుకోకుండా నిన్ను కలిశాను. ఆ సమయంలో నువ్వు నా జీవితంలో అత్యంత ముఖ్యమైన వ్యక్తివి అవుతానని అసలు అనుకోలేదు.’
నేనెంత అదృష్టవంతుడినో చెప్పలేను!
‘నువ్వు ప్రతిరోజూ నా హృదయాన్ని ప్రేమతో నింపావు. కొన్నిసార్లు నిన్ను ఇబ్బంది పెట్టానని తెలుసు. అయినా నువ్వు నన్ను అర్థం చేసుకుని అండగా నిలిచావ్. అందుకే ఈరోజు అందరి ముందు నీకొక విషయం చెప్పాలనుకుంటున్నా...నువ్వు నా జీవితాన్ని వెలుగులతో నింపేశావు...ప్రతిరోజూ నన్ను నేను అభివృద్ధి చేసుకునేలా అవకాశమిచ్చావు. భవిష్యత్లో మనం జంటగా సాగించాల్సిన ప్రయాణానికి మార్గదర్శిలా నిలిచావు. అందరికంటే నన్ను బాగా అర్థం చేసుకున్న నీకు ఎలా కృతజ్ఞతలు చెప్పాలో తెలియడం లేదు. అందుకే నా మనసులోని భావాలను ఇలా వ్యక్తపరుస్తున్నాను.. ‘నువ్వు నా జీవితంలో ఉన్నందుకు నేనెంత అదృష్టవంతుడినో ఎన్నటికీ వర్ణించలేను. అదేవిధంగా నా మనసులో నీపై ఎంత ప్రేమ ఉందో కూడా చెప్పలేను. అందుకే ఒక్కరోజు కూడా మిస్ అవ్వకుండా ఎప్పటికీ నిన్ను ప్రేమిస్తూనే ఉంటాను. ఐ లవ్యూ డార్లింగ్..’ అని రాసుకొచ్చాడు మిలింద్.
ఈ సందర్భంగా తమ అందమైన ఫొటోలు తీసిన హీరో కల్యాణ్ దేవ్కు థ్యాంక్స్ చెప్పుకొచ్చారీ లవ్ బర్డ్స్. ప్రస్తుతం అవిక, కల్యాణ్ దేవ్ హీరో, హీరోయిన్లుగా ఓ సినిమా తెరకెక్కుతోంది. దీంతో పాటు నాగచైతన్య హీరోగా రూపొందుతోన్న ‘థ్యాంక్యూ’ చిత్రంలోనూ అవిక నటిస్తోంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- వీపు మీద పొక్కులా..?
- Samantha: పెళ్లి గౌనుని రీసైక్లింగ్ చేయించా.. ఇదంటే ఎంతో ఇష్టం!
- ఎండల్లోనూ... తాజాగా
- మంత్రముగ్ధుల్ని చేసేస్తున్నాయి...
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
ఆరోగ్యమస్తు
- వైట్డిశ్చార్జ్ అవుతుంటే..!
- నడక నేర్చుకుంటూనే!
- సంపూర్ణ ఆరోగ్యం.. ఇలా సొంతం!
- నెలకు రెండుసార్లు పిరియడ్స్.. ఎందుకిలా?
- డిప్రెషన్ తగ్గించే పాదాంగుష్ఠాసనం
అనుబంధం
- ఆడేద్దామా తొక్కుడు బిళ్ల
- Love Brain Disorder: బాయ్ఫ్రెండ్కు వందసార్లు ఫోన్ చేసింది.. చివరికి ఏమైందంటే?!
- పాట్లక్తో...
- నాన్నంటే భయపడుతున్నారు..!
- ప్రయోగాలతో నేర్పిద్దామా?
యూత్ కార్నర్
- డూడుల్ డబ్బా అదిరిందబ్బా!
- Mrunal Thakur: అప్పుడే పెళ్లి చేసుకుంటా.. భవిష్యత్తులో నేనూ దీనికి రడీ!
- పేదరికాన్ని దాటి... చదువుల్లో మెరిసి!
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
'స్వీట్' హోం
- పిల్లల ముందు ఇలా చేస్తున్నారా.. అయితే జాగ్రత్త!
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
వర్క్ & లైఫ్
- అక్కడ బిడ్డను కంటే రూ. 60 లక్షల బహుమతి!
- థైరాయిడ్తో బరువు పెరిగా...
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!