పెళ్లిలో ఫొటోషూట్ అందంగా ఇలా..!
అబ్బబ్బా.. ఈ గోలంతా ఏంటని అనుకుంటున్నారు కదూ.. పెళ్లిళ్ల సీజన్ వచ్చేసింది కదా.. పెళ్లి చేసుకోబోయే కొత్త జంటలు ఫొటోల మీద ఫొటోలు దిగడానికి సిద్ధమైపోతుంటారు. ఎందుకంటే పెళ్లిలో వాళ్లే సెంటర్ ఆఫ్ అట్రాక్షన్ కదా!! పెళ్లి తంతును కవర్ చేయడం.. వధూవరులిద్దరినీ వేర్వేరు యాంగిల్స్లో ఫొటోల్లో బంధించడం.. ఇవన్నీ ఇప్పుడు ఫొటోషూట్ ప్యాకేజీలో భాగమే. ఈ క్రమంలో పెళ్లిలో వధూవరుల ఫొటోలు అందంగా ఉండాలంటే ఏం చేయాలో తెలుసుకుందామా?
'మేడమ్, కొంచెం నవ్వండి ప్లీజ్..'
'మీరిద్దరూ ఇంకాస్త దగ్గరగా జరగండి.. సర్.. మీరు మేడమ్ భుజాలపై చేతులు తీయకండి..'
'మీరు కదలకండి మేడమ్.. ఫొటో సరిగ్గా రావట్లేదు..'
అబ్బబ్బా.. ఈ గోలంతా ఏంటని అనుకుంటున్నారు కదూ.. పెళ్లిళ్ల సీజన్ వచ్చేసింది కదా.. పెళ్లి చేసుకోబోయే కొత్త జంటలు ఫొటోల మీద ఫొటోలు దిగడానికి సిద్ధమైపోతుంటారు. ఎందుకంటే పెళ్లిలో వాళ్లే సెంటర్ ఆఫ్ అట్రాక్షన్ కదా!! పెళ్లి తంతును కవర్ చేయడం.. వధూవరులిద్దరినీ వేర్వేరు యాంగిల్స్లో ఫొటోల్లో బంధించడం.. ఇవన్నీ ఇప్పుడు ఫొటోషూట్ ప్యాకేజీలో భాగమే. ఈ క్రమంలో పెళ్లిలో వధూవరుల ఫొటోలు అందంగా ఉండాలంటే ఏం చేయాలో తెలుసుకుందామా?
అనువైన ప్రదేశంలోనే..
ఎలాగో పెళ్లి ఆల్బమ్లో ఫొటోషాప్ ద్వారా రకరకాల బ్యాక్గ్రౌండ్స్ పెడతాం కదా అని పెళ్లిలో ఎక్కడ పడితే అక్కడ ఫొటోలు క్లిక్మనిపించేస్తారు కొందరు ఫొటోగ్రాఫర్లు. ఇలా ఎక్కడ పడితే అక్కడ ఫొటోలు తీస్తే ఆ ఫొటోకున్న అందం దెబ్బతింటుంది. అలాంటి వాటికి ఫొటోషాప్లో ఎంత అందమైన బ్యాక్గ్రౌండ్ పెట్టినా ఏదో లోపం కనిపిస్తుంటుంది. కాబట్టి ఫొటోగ్రాఫర్లు ఫొటోషూట్ కోసం ఎంచుకునే ప్రదేశం అటు వాళ్లకు.. ఇటు కొత్త జంటకు నచ్చేలా, సౌకర్యవంతంగా, అనువుగా ఉండేలా చూసుకుంటే ఫొటోలు సహజసిద్ధంగానే అందంగా రావడం ఖాయం. అలాగే మరో ముఖ్యమైన విషయమేంటంటే.. మీరు ఫొటోషూట్ కోసం ఎంచుకునే ప్రదేశంలో మంచి వెలుతురు, గాలి వచ్చేలా జాగ్రత్తపడాలి. లేదంటే చెమటలు పట్టి ఫొటోల్లో అంత బాగా పడకపోవచ్చు.
అతిగా మేకప్ వద్దు!
అసలే మ్యారేజ్ ఫొటోషూట్.. ఫొటోల్లో తెల్లగా కనిపించాలి.. అని ఎక్కువ మేకప్ వేసుకుంటే ఫొటోల్లో ఎబ్బెట్టుగా కనిపించవచ్చు. అలాగని మరీ సాదాసీదాగా వేసుకోమని కాదు. మరీ ఎక్కువ లేదా మరీ తక్కువ కాకుండా అవసరమైన మేరకే మేకప్ ఉండేలా జాగ్రత్తగా చూసుకోవాలి. ముఖ్యంగా ఐ-మేకప్ను మాత్రం మరువద్దు.. ఎందుకంటే ముఖంలో ప్రత్యేక ఆకర్షణగా నిలిచేవి కళ్లు. కాబట్టి వాటిని మరింత అందంగా తీర్చిదిద్దుకోవడం చాలా ముఖ్యం.
కంగారు వద్దు..!
కొంతమంది ఫొటోలు దిగేటప్పుడు బాగా వస్తుందో, రాదోనని తెగ కంగారు పడిపోతారు. ఈ కంగారే కొంప ముంచుతుంది. దీనివల్ల మీరు టెన్షన్ పడుతున్నట్లుగా ఫొటోలో కొట్టొచ్చినట్లు కనిపిస్తుంది. అలాగే ఫొటోలకు ఇచ్చే పోజులు కూడా సహజంగా అనిపించవు. దీంతో మీరు ఎంత బాగా రడీ అయి ఫొటోకు పోజిచ్చినా వృథానే అవుతుంది. కాబట్టి ఫొటోలకు పోజిచ్చేటప్పుడు చాలా కూల్గా ఉండాలి. అలాగే వేడుక ఆద్యంతం నవ్వుతూ ఉండడం వల్ల ఫొటోలు మరింత సహజంగా వచ్చే అవకాశం ఉంటుంది.
అనుభవం చాలా ముఖ్యం..
అందరు ఫొటోగ్రాఫర్లకూ పెళ్లికి సంబంధించిన ఫొటోషూట్లో అనుభవం ఉంటుందనుకుంటే పొరపాటే. అందుకే పెళ్లి ఫొటోలు తీయడానికి బంధువులు లేదా స్నేహితులకు తెలిసిన మంచి అనుభవం ఉన్న ఫొటోగ్రాఫర్లను ఎంచుకోవాలి. వీలుంటే అంతకుముందు వారు తీసిన ఫొటోలను కూడా ఒకసారి పరిశీలించి.. అవి మీకు బాగా నచ్చితేనే ఫొటోషూట్ కోసం వాళ్లను ఎంపిక చేసుకోండి. లేదంటే తర్వాత బాధపడాల్సి వస్తుంది. అదే ఫొటోగ్రాఫర్స్ కొత్తవాళ్లయితే.. మంచి గిరాకీ వచ్చిందని వాళ్ల అనుభవం గురించి తప్పుగా చెప్పి మనల్ని మోసగించే అవకాశమూ ఉంటుంది. కాబట్టి ఇలాంటి విషయాల్లో చాలా జాగ్రత్తగా మసలుకోవడం మంచిది.
నమ్మకం ఉంచాలి..
మీరు ఫొటోషూట్ కోసం ఎంచుకున్న ఫొటోగ్రాఫర్పై పూర్తి విశ్వాసం ఉంచాలి. అలాకాకుండా 'ఫొటోగ్రాఫర్ అనుభవం చూసిన తర్వాత కూడా బాగా తీస్తారో? తీయరో? ఫొటోలు బాగా వస్తాయో? రావో?' ఇలాంటి సందేహాలు చాలామందిలో తలెత్తుతుంటాయి. అలా ఏదో ఆలోచిస్తూ, సందేహిస్తూ ఫొటోలకు పోజులిస్తే ఎంత అనుభవజ్ఞులైన ఫొటోగ్రాఫర్స్ ఫొటో తీసినా అందులో లుక్ ఉండదు. కాబట్టి ఫొటోగ్రాఫర్పై పూర్తి నమ్మకంతో, తను ఫొటోలు బాగా తీయగలడనే విశ్వాసంతో ఉంటేనే ఫొటోషూట్ అనుకున్నట్లుగా జరుగుతుంది. మంచి స్టిల్స్ రావడానికి అవకాశం ఉంటుంది.
వాళ్లకే తెలుసు..!
పెళ్లిలో జరిగే ఫొటోషూట్లో భార్యాభర్తలిద్దరూ ఏయే యాంగిల్స్లో ఫొటోలు దిగితే బాగా వస్తాయో.. మీకంటే ఫొటోగ్రాఫర్లకే ఎక్కువగా తెలిసుంటుంది. ఎందుకంటే చాలా పెళ్లిళ్లలో ఫొటోలు తీసిన అనుభవం వాళ్లకుంటుంది. దీంతోపాటు మీ ముఖంలో ఉండే లోపాలను సవరించి ఫొటో వంద శాతం బాగా వచ్చేందుకే వాళ్లు ప్రయత్నిస్తారు. ఎందుకంటే పెళ్లి, పెళ్లి ఫొటోలు జీవితంలో మిగిలిపోయే మధుర జ్ఞాపకాలు. అలాగే ఈ తంతు వల్ల భార్యాభర్తల మధ్య సమన్వయం కూడా పెరుగుతుంది. కాబట్టి ఫొటోలు తీసేటప్పుడు ఫొటోగ్రాఫర్లకు 'ఈ యాంగిల్స్ వద్దు.. ఇలా బాగోలేదు..' అంటూ ఎదురుచెప్పకుండా వాళ్లకు పూర్తి స్వేచ్ఛనివ్వండి.. మీరు కూడా ఫ్రీగా ఉండి.. సహజంగా పోజులివ్వండి.
ఈ రోజుల్లో ప్రత్యేకంగా వెడ్డింగ్ ఫొటోషూట్స్ చేసే ఫొటోగ్రాఫర్లు ఎంతోమంది ఉన్నారు. అలాంటివారిలో బాగా నైపుణ్యం ఉన్నవారిని ఎంచుకుంటే పెళ్లి ఫొటోలు మరింత అందంగా వచ్చే అవకాశం ఉంటుంది.. కాబట్టి మీ తాహతును బట్టి అలాంటి నిపుణులను ఎంచుకున్నట్లయితే ఎలాంటి ఇబ్బందీ ఉండదు.
అన్నిటికన్నా మించి - ఈ కరోనా సమయంలో అన్ని జాగ్రత్తలూ తీసుకుంటూ సాధ్యమైనంత సింపుల్గా పెళ్లి తంతు ముగించడం మాత్రం అత్యంత ముఖ్యమని మరవకండి!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- వీపు మీద పొక్కులా..?
- Samantha: పెళ్లి గౌనుని రీసైక్లింగ్ చేయించా.. ఇదంటే ఎంతో ఇష్టం!
- ఎండల్లోనూ... తాజాగా
- మంత్రముగ్ధుల్ని చేసేస్తున్నాయి...
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
ఆరోగ్యమస్తు
- వైట్డిశ్చార్జ్ అవుతుంటే..!
- నడక నేర్చుకుంటూనే!
- సంపూర్ణ ఆరోగ్యం.. ఇలా సొంతం!
- నెలకు రెండుసార్లు పిరియడ్స్.. ఎందుకిలా?
- డిప్రెషన్ తగ్గించే పాదాంగుష్ఠాసనం
అనుబంధం
- ఆడేద్దామా తొక్కుడు బిళ్ల
- Love Brain Disorder: బాయ్ఫ్రెండ్కు వందసార్లు ఫోన్ చేసింది.. చివరికి ఏమైందంటే?!
- పాట్లక్తో...
- నాన్నంటే భయపడుతున్నారు..!
- ప్రయోగాలతో నేర్పిద్దామా?
యూత్ కార్నర్
- డూడుల్ డబ్బా అదిరిందబ్బా!
- Mrunal Thakur: అప్పుడే పెళ్లి చేసుకుంటా.. భవిష్యత్తులో నేనూ దీనికి రడీ!
- పేదరికాన్ని దాటి... చదువుల్లో మెరిసి!
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
'స్వీట్' హోం
- పిల్లల ముందు ఇలా చేస్తున్నారా.. అయితే జాగ్రత్త!
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
వర్క్ & లైఫ్
- అక్కడ బిడ్డను కంటే రూ. 60 లక్షల బహుమతి!
- థైరాయిడ్తో బరువు పెరిగా...
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!