Published : 14/03/2022 01:38 IST

‘ట్రి’మ్‌ చేయడానికో కత్తెర!

పెరట్లో పచ్చదనం విలసిల్లాలంటే... విత్తు నాటిన నుంచి పూలు పూసే వరకు ప్రతి నిమిషం వాటిని పరిరక్షించాలి. ఎన్నో జాగ్రత్తలూ తీసుకోవాలి. ఇందుకోసం కొన్ని గార్డెనింగ్‌ పనిముట్లూ కావాలి. అవేంటంటే..

* గ్లవుజులు.. మొక్కలకు నీళ్లు పోయడంతో సరిపోదు. ఎరువులు వేయాలి. మొదళ్లను శుభ్రం చేయాలి. ఇలాంటి సమయంలో గార్డెనింగ్‌ గ్లవుజులు ఉపయోగిస్తే సరి. గోళ్లలోకి మట్టిపోవడం, చేతులకు ఏవైనా మొనదేలిన వస్తువులు గుచ్చుకోవడం లాంటివి జరగవు.

* తాపీ... ఇల్లు కట్టే సమయంలో చూస్తాం కదా! ఇది గార్డెనింగ్‌లోనూ అవసరమవుతుంది. మట్టిని పెకిలించడం, వేయడం.. లాంటి పనులకు వాడుకోవచ్చు.

* హ్యాండ్‌ ప్రూనర్‌... కటింగ్‌ ప్లేయర్‌లా కనిపించినా ఇదో కత్తెర. మొక్కలు అందంగా, ఆరోగ్యంగా పెరగడానికి ట్రిమ్‌ చేస్తాం కదా! ఇది అందుకు సాయపడుతుంది.

* గార్డెనింగ్‌ ఫోర్క్‌.. నేలను చదును చేయడానికి ఉపయోగిస్తారు దీన్ని. ముఖ్యంగా లాన్‌ లాంటి ప్రాంతం కోసం ఎక్కువగా ఉపయోగిస్తారు.

* స్ప్రే సీసా.. మొక్కలపై పేరుకుపోయిన దుమ్మూధూళీ తొలగించడానికీ, చిన్న మొక్కలకు నీరందించడానికీ ఇది బాగా ఉపయోగపడుతుంది. క్రిమిసంహారకాలను స్ప్రే చేయడానికీ వాడుకోవచ్చు.

* నీళ్ల క్యాను... మొక్కలకు కావాల్సిన ప్రాథమిక అవసరాల్లో నీళ్లు ప్రధానమైనవి. మరి వాటిని పోయడానికి నీళ్ల క్యాను కావాలి కదా.... మార్కెట్‌లో రకరకాల సైజుల్లో దొరుకుతాయివి.

* ఎండిపోయిన ఆకులు, పూలను శుభ్రం చేయడానికి చీపురులాంటి గార్డెనింగ్‌ బ్రూమ్‌, అలాగే గార్డెనింగ్‌ పైప్‌ కూడా ఉంటే మంచిది. ఎక్కువ మొక్కలు, చెట్లున్నప్పుడు పైప్‌తో పని సులువవుతుంది. మీకు శ్రమా అనిపించదు.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని