Breaking | Feedback | ePratibha | E-PAPER | Pratibha

గొడవలు రాకుండా గోడ కట్టేయండి!

ప్రేమించి పెళ్లి చేసుకున్న నిత్య, నిఖిల్‌ల వైవాహిక జీవితంలో నాలుగు నెలలు గడిచాయో లేదో గొడవలు మొదలయ్యాయి. బాధ్యత లేదని ఒకరు, ప్రేమ కనిపించడం లేదని ఇంకొకరు ఒకరిని మరొకరు

Updated : 03 Nov 2021 06:01 IST

ప్రేమించి పెళ్లి చేసుకున్న నిత్య, నిఖిల్‌ల వైవాహిక జీవితంలో నాలుగు నెలలు గడిచాయో లేదో గొడవలు మొదలయ్యాయి. బాధ్యత లేదని ఒకరు, ప్రేమ కనిపించడం లేదని ఇంకొకరు ఒకరిని మరొకరు ఎత్తి చూపుకొంటున్నారు. కారణాలు చిన్నవే అయినా...కలతలు మాత్రం విడాకుల వరకూ వచ్చేస్తాయి. మరేం చేయాలి?

అతడు పదే పదే టీలు తాగడం తనకు నచ్చలేదంటుంది ఆమె. తరచూ దుస్తులు కొని డబ్బులు వృథా చేస్తుంది కాబట్టి తను నాకు వద్దంటాడు అతను. లేచింది మొదలు రాత్రి పడుకునే వరకూ...ఒకరినొకరు ఎత్తి చూపుకొంటూ ప్రతి చిన్న విషయాన్నీ సమస్యగా మార్చేసుకుంటారు కొందరు. నిజానికి ఇవేవీ సర్దుబాటు కాని సమస్యలేం కాదు. కానీ ఆ దిశగా ప్రయత్నించరు. ఒకరిపై మరొకరు చిర్రుబుర్రులాడే బదులు...చెప్పే విషయాన్నే కాస్త సరదాగా అనండి. అవతలి వారు స్వీకరించే పద్ధతిలోనూ మార్పు వస్తుంది.

* నేనెందుకు అడగాలి? నా తప్పు లేనే లేదు...నేను మాట్లాడను...అంటూ బోలెడు మాటల్ని ఒకరిపై మరొకరు బాణాల్లా విసిరేసుకుంటూ ఉంటారు. దీనికి అహమే కారణం. ఒక్క అడుగు తగ్గి చూడండి. ముందు మీరే మాట్లాడితే...వాళ్లూ మీ మీద ప్రేమ ఒలకబోస్తారేమో! కోపంలో ఉన్నప్పుడు మాటలు పొదుపుగా వాడితే అపార్థాలు ఎదురుకావు.

* కాపురం అన్నాక చిన్నపాటి కలతలు సహజం. పెళ్లయిన తరువాత ఇద్దరి మనసులు కలిసేందుకు ఒకరినొకరు అర్థం చేసుకునేందుకు కొంత సమయం పడుతుంది. కానీ ఇప్పుడు ఒకరికొకరు అర్థం అయ్యేలోపే నీకూ నాకూ పొసగదు అనే తీవ్ర నిర్ణయానికి వచ్చేస్తున్నారు. కాస్త వేచి చూడండి. మీ వంతుగా మీరు సర్దుకుపోవడానికి ప్రయత్నించండి.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.