వానల్లో చిన్నారుల ఆరోగ్యం జాగ్రత్త!
వర్షాకాలంలో చిన్నపిల్లల్లో జలుబు, దగ్గు, జ్వరం.. ఇలా ఎన్నో ఆరోగ్య సమస్యలు తలెత్తుతాయి. అంతేకాదు ఈ సమయంలో చాలామంది పిల్లల్లో రోగనిరోధక శక్తి కూడా తగ్గిపోతుంది. కాబట్టి ఈ సీజన్లో పిల్లల్ని కంటికి రెప్పలా.....
వర్షాకాలంలో చిన్నపిల్లల్లో జలుబు, దగ్గు, జ్వరం.. ఇలా ఎన్నో ఆరోగ్య సమస్యలు తలెత్తుతాయి. అంతేకాదు ఈ సమయంలో చాలామంది పిల్లల్లో రోగనిరోధక శక్తి కూడా తగ్గిపోతుంది. కాబట్టి ఈ సీజన్లో పిల్లల్ని కంటికి రెప్పలా కాపాడుకోవాలి. అందుకు ఏంచేయాలో తెలుసుకుందాం..
ఇంటిని పరిశుభ్రంగా..
వర్షాకాలంలో ఇంటిని, పరిసరాలను పరిశుభ్రంగా ఉంచడం చాలా అవసరం. ఎందుకంటే పిల్లలు ఎక్కడపడితే అక్కడ ఆడుకుంటుంటారు. ఏదైనా కొంచెం మురికిగా ఉన్నా సరే.. క్రిములు శరీరానికి అంటుకుని రకరకాల చర్మ సమస్యలు తలెత్తుతాయి. కాబట్టి దోమలు రాకుండా కిటికీలకు మెష్లు, ఇంటి చుట్టూ స్ప్రేలు, పిల్లల బెడ్ చుట్టూ దోమతెరలు కట్టడం మర్చిపోవద్దు.
మరిగించిన నీళ్లే మేలు!
వర్షాకాలంలో వచ్చే వ్యాధులు ఎక్కువగా నీళ్ల వల్లే వ్యాపిస్తాయి. కాబట్టి పిల్లలకు ఏ నీళ్లు పడితే అవి ఇవ్వకుండా.. బాగా మరిగించి, గోరువెచ్చగా ఉన్న నీటిని అందించడం శ్రేయస్కరం. ఇలా చేయడం వల్ల నీటిలో ఉండే క్రిములు, బ్యాక్టీరియా చనిపోయే అవకాశం ఉంటుంది. అలాగే పిల్లల్ని బయట దొరికే ఆహార పదార్థాలు, పానీయాలకు దూరంగా ఉంచడం మంచిది.
బాగా కడగాలి..
వర్షాకాలంలో పిల్లలకు కూరగాయలు ఎక్కువగా పెట్టడం మంచిది. ఎందుకంటే వీటిలో యాంటీఆక్సిడెంట్లు అధికంగా ఉంటాయి. ఇవి శరీరంలోని క్రిములను, బ్యాక్టీరియాను నాశనం చేయడంలో తోడ్పడతాయి. అలాగే ఆకుకూరల్లో ఆకు పురుగులు ఎక్కువగా ఉంటాయి. కాబట్టి ఆకుకూరలైనా, కూరగాయలైనా.. వండే ముందు పరిశుభ్రంగా కడగటం చాలా ముఖ్యం.
వేడివేడిగా..
ఏ పూటకాపూటే వేడివేడిగా, శుభ్రంగా వండిన ఆహార పదార్థాలే పిల్లలకు పెట్టడం మంచిది. ఫ్రిజ్లో ఉంచాం కదా అని రెండు రోజుల కిందట తయారు చేసిన ఆహారం తింటే పలు ఆరోగ్య సమస్యలు కొని తెచ్చుకున్నట్లవుతుంది.
దుస్తులూ పొడిగా..
వర్షాకాలంలో పిల్లల శరీరాన్ని నిరంతరం పొడిగా ఉంచడానికి ప్రయత్నించాలి. కానీ ఇది అన్ని సందర్భాల్లో సాధ్యం కాకపోవచ్చు. కాబట్టి వాళ్లు ఆడుకునేటప్పుడు వచ్చే చెమటను పీల్చుకోవడానికి వదులుగా, పొడిగా ఉండే కాటన్ దుస్తులను వేయాలి. ఒకవేళ పిల్లలు వానలో తడిస్తే.. వెంటనే ఆ దుస్తులను మార్చేయాలి. ఎందుకంటే తడి బట్టల వల్ల ఫంగల్ ఇన్ఫెక్షన్లు వచ్చే ప్రమాదం ఉంది. కాబట్టి వర్షాకాలంలో ఎప్పుడూ పొడిగా ఉండే దుస్తులకే ప్రాధాన్యం ఇవ్వాలి. అలాగే చర్మం కూడా పొడిగా ఉండేలా చూడటం ముఖ్యం. ఇంకా పిల్లల చెప్పులు, సాక్సులు, రెయిన్కోట్, గొడుగు శుభ్రంగా కడిగి పొడిగా ఆరబెట్టాలి.
గోళ్లు కొరుకుతున్నారా?
బయట ఎక్కువగా ఆడటం వల్ల పిల్లలకు గోళ్లలో మురికి చేరిపోతుంటుంది. వర్షాకాలంలో అయితే మరీనూ! కాబట్టి పిల్లలు చేతులు నోట్లో పెట్టుకోకుండా, గోళ్లు కొరక్కుండా జాగ్రత్తలు తీసుకోవాలి. ఇలా ఎందుకు చేయకూడదో ఒకటికి రెండుసార్లు వారికి అర్థమయ్యేలా చెప్పాలి. అలాగే బయటి నుంచి వచ్చిన వెంటనే చేతులు శుభ్రం చేసుకోమనాలి.
అవసరమున్నప్పుడే..
కొంతమంది కట్ చేసిన పండ్లను ఎక్కడపడితే అక్కడ పెడుతుంటారు. పైగా వాటిపై కనీసం మూతలు కూడా పెట్టరు. దీంతో వాటిపై ఈగలు వాలి రకరకాల రోగాలను వ్యాపింపజేస్తాయి. వీటిని పిల్లలకు ఇవ్వడం అంత మంచిది కాదు. కాబట్టి అవసరమున్నప్పుడే పండ్లను కట్ చేసుకోవడం మంచిది. అలాగే వండిన పదార్థాలపై నిండుగా మూతలు పెట్టడం చాలా ముఖ్యం.
ఈ కాలంలో పిల్లలకు ఏదైనా జలుబు, జ్వరం.. లాంటి ఆరోగ్య సమస్యలు వచ్చినప్పుడు వాటి నుంచి తాత్కాలిక ఉపశమనానికి సొంత వైద్యం జోలికి వెళ్లకపోవడం మంచిది. వెంటనే డాక్టర్ దగ్గరకు తీసుకెళ్లి సరైన వైద్యం చేయించాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- అడ్డిగ... అందాల నగ!
- వేసవిలో ట్యాన్ సమస్య తగ్గాలంటే..!
- ఇలా చేస్తే.. అందం తగ్గదు..!
- నాకు ఏ క్రీమ్?
- స్ట్రెచ్ మార్క్స్.. తగ్గట్లేదా..?
ఆరోగ్యమస్తు
- వసంతంలో ఆరోగ్య జాగ్రత్తలు..!
- అందుకే వీటిని ఇలా తీసుకోవాలట..!
- ప్రెగ్నెన్సీ.. ఈ జాగ్రత్తలు పాటిస్తున్నారా?
- ఉత్తేజంగా మారాలంటే..!
- రక్తహీనత తగ్గించే బీట్రూట్!
అనుబంధం
- ఒక మెట్టు దిగితే చాలు...
- ఆ అమ్మాయితో ఆ చాటింగ్.. ఆయన్ని నమ్మలేకపోతున్నా..!
- అలా చదివితే మేలే...
- చిన్నవే... చక్కదిద్దుతాయి!
- యుక్త వయసు నుంచీ...!
యూత్ కార్నర్
- అప్పుడు ఫ్యాన్... ఇప్పుడందరి ఫేవరెట్!
- భూగోళాన్ని చుట్టేస్తానంటోంది!
- దాంతో మాట్లాడుతుంటే మతి పోయిందనేవాళ్లు!
- ఎరీ... ఆ ఊరి పట్టు..!
- అందరికీ నచ్చేవి.. నాకు నచ్చవు.. ఎందుకిలా?
'స్వీట్' హోం
- రిస్క్ లేకుండా దాచేద్దాం!
- వేసవిలో ఇల్లు చల్లగా...
- పుల్లటి పెరుగుతో.. పెరిగే రుచి!
- కళ్లు తిరిగే కార్పెట్లు...
- ఆ చోటు గుర్తిస్తే చాలు...
వర్క్ & లైఫ్
- పనికి ‘బ్రేక్’ వేయండి!
- మీకు ‘ట్రావెలింగ్’ అంటే ఇష్టమా..?
- ఇవి టైంపాస్ కోసమే కాదు.. సంపాదనకూ..!
- మారాలని గట్టిగా అనుకోండి!
- Samantha: చిన్న చిట్కాలతోనే 45 కిలోల బరువు తగ్గా..!