గార్డెన్ లేకపోయినా.. పచ్చదనాన్ని ఇలా ఆస్వాదించచ్చు!
అలసిపోయినా, ఒత్తిడికి గురైనా.. కాసేపు పచ్చటి మొక్కల మధ్య సేదదీరితే ఆ హాయే వేరు! అందుకే ఎప్పుడైనా మూడ్ బాగుండకపోతే.. ఇంటి ఆవరణలో ఏర్పాటుచేసుకున్న గార్డెన్లో గడుపుతుంటాం. తద్వారా మనసు పునరుత్తేజితమవడంతో పాటు అలసట కూడా దూరమవుతుంది.
అలసిపోయినా, ఒత్తిడికి గురైనా.. కాసేపు పచ్చటి మొక్కల మధ్య సేదదీరితే ఆ హాయే వేరు! అందుకే ఎప్పుడైనా మూడ్ బాగుండకపోతే.. ఇంటి ఆవరణలో ఏర్పాటుచేసుకున్న గార్డెన్లో గడుపుతుంటాం. తద్వారా మనసు పునరుత్తేజితమవడంతో పాటు అలసట కూడా దూరమవుతుంది. అలాగని ప్రతి ఇంట్లో గార్డెన్ ఉండాలని లేదు.. ప్రతి ఒక్కరూ మొక్కల పెంపకంపై ఆసక్తి చూపకపోవచ్చు. అయినా పచ్చదనాన్ని ఆస్వాదించాలంటే కొన్ని ప్రత్యామ్నాయ మార్గాలున్నాయంటున్నారు నిపుణులు. అవేంటో తెలుసుకుందాం రండి..
పార్కుకు వెళ్లండి!
రోజూ ఉదయం లేదా సాయంత్రం వీలు చూసుకొని కాసేపు వ్యాయామం చేయడం చాలామందికి అలవాటు! ఇదే విధంగా దగ్గర్లోని పార్కుకు వెళ్లడం కూడా రోజువారీ అలవాటుగా మార్చుకోమంటున్నారు నిపుణులు. అదీ కుదరకపోతే పార్కులోనే వ్యాయామాలు చేసేలా ప్లాన్ చేసుకోవచ్చు. తద్వారా ఇటు వ్యాయామం చేసినట్లవుతుంది.. అటు పచ్చదనం మధ్య కాసేపు గడిపినట్లుగానూ ఉంటుంది. అంతేకాదు.. పక్షుల కిలకిలారావాలు, ఫౌంటెయిన్స్ శబ్దాలు.. వంటివన్నీ మనసుకు ఆహ్లాదాన్ని పంచేవే! కాబట్టి కుటుంబమంతా కలిసి రోజూ ఓ అరగంట పార్కులో గడిపేలా సమయం కేటాయించుకోండి. ఇలా రోజూ కాసేపు ప్రకృతితో గడపడం వల్ల దీర్ఘాయుష్షే కాదు.. పనిలో నాణ్యత, పిల్లల్లో ప్రతిభ పెరుగుతాయని అధ్యయనాలు చెబుతున్నాయి.
మొక్కలతో ఖుషీగా!
కొంతమంది ఇంట్లో తగినంత ప్రదేశం లేకపోవడం వల్ల గార్డెనింగ్ చేసుకోలేకపోతారు. అలాంటి వారు చిన్న చిన్న మొక్కలతో ఇంటి ముంగిలిని అందంగా తీర్చిదిద్దుకోవచ్చు.. ఇంట్లోనూ కొన్ని ఇండోర్ మొక్కల్ని ఏర్పాటు చేసుకోవచ్చు. అలాగే పిల్లలు చదువుకునే గదిలో, మీ హోమ్ ఆఫీస్లోనూ కొన్ని మొక్కల్ని అమర్చుకుంటే.. ఇల్లంతా ఆహ్లాదకరంగా మారిపోతుంది. పైగా ఈ చిన్న మొక్కల్ని మెయింటెయిన్ చేయడం కూడా సులువు. అయితే ఈ క్రమంలో తీగలా విస్తరించేవి, పరిమళాలు వెదజల్లేవి, అందం కోసం ఏర్పాటు చేసుకునేవి.. ఇలాంటి మొక్కల్ని పెంచుకుంటే.. ఇటు పచ్చదనంతో పాటు.. అటు అలంకరణ చేసినట్లుగానూ ఉంటుంది.
గోడలకు ‘గ్రీనరీ’ హంగులు!
ఇంట్లో గార్డెన్ ఏర్పాటు చేసుకునేంత ఖాళీ ప్రదేశం లేదా? మొక్కలు పెంచుకునేంత తీరికా లేదా? అయినా పచ్చదనాన్ని ఆస్వాదించచ్చు.. అదెలాగంటే..? గోడలకు గ్రీనరీ హంగులద్దుతూ! ఇందులో భాగంగా ప్రకృతి/పక్షులు/అడవులు/జలపాతాలు.. ఇలా బయట దొరికే వాల్పేపర్లను తెచ్చుకొని ఇంట్లో గోడలకు అతికించుకోవచ్చు. మరింత న్యాచురల్ లుక్ కావాలనుకునే వారు గోడలకు వాల్ ఆర్ట్ వేయించుకోవచ్చు. పచ్చదనానికి సంబంధించిన సీనరీలు/ఫొటోల్నీ గోడకు అక్కడక్కడా ఏర్పాటు చేసుకోవచ్చు. ఇక మరింత మోడ్రన్గా కావాలనుకునే వారు.. ఇండోర్ వాల్ గార్డెన్ ట్రెండ్ను ఫాలో అవ్వచ్చు. గోడ పైనే మొక్కల్ని పెంచుకునే అవకాశమున్న ఈ ట్రెండ్ని ఇప్పుడు చాలామంది పాటిస్తున్నారు. అలాగే పార్కుల్లో పెంచుకునే చిన్న గడ్డిని గోడ పైన వివిధ ఆకృతుల్లో/డిజైన్లలో పెరిగేలా ఏర్పాటు చేసుకోవడం లేదంటే అలాంటి ఫ్రేమ్లను గోడలకు అమర్చుకోవడం.. వంటివి చేస్తే ఇంటి వాతావరణం మరింత ఆహ్లాదకరంగా మారుతుంది.. అతిథుల్నీ ఆకట్టుకోవచ్చు.
పూలంటే ఇష్టమా?
పువ్వులు, వాటి పరిమళాల్ని ఇష్టపడే వారు.. పూల మొక్కలతోనే గార్డెన్ ఏర్పాటు చేసుకుంటుంటారు. అలాంటి వారు గార్డెనింగ్ చేసుకునే వెసులుబాటు లేకపోతే.. నచ్చిన పూల మొక్కల్ని ఇంట్లో ఉన్న కాస్త ప్రదేశంలో పెంచుకోవచ్చు.. లేదంటే అచ్చం పూల మాదిరిగా కనిపించే ఆర్టిఫిషియల్ పూల మొక్కల్ని ఇంట్లో అమర్చుకోవచ్చు. ఇలా వీటి రంగులూ మనసులోని ఒత్తిళ్లను దూరం చేసి ఆహ్లాదాన్ని పంచుతాయి. అలాగే రోజుకో రకం పూలతో ఫ్లవర్వేజ్లను ఇంట్లో అక్కడక్కడా అమర్చుకున్నా.. ఇంటికి అందం, మనసుకు ప్రశాంతత.. రెండూ సొంతమవుతాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- ఈ వేసవి సమస్యలకు.. ఇలా చెక్ పెట్టేయండి!
- బుజ్జాయిలకూ గ్యాడ్జెట్లు..!
- హెయిర్ డై.. మచ్చలుపడితే..!
- సెరమైడ్స్... మాయ చేసేనా?
- ఫోన్ స్ట్రాప్స్ వాడుతున్నారా?
ఆరోగ్యమస్తు
- అందుకే పుచ్చకాయతో పాటు గింజలూ తినాలట!
- నవ్వితే లాభాలెన్నో!
- చెమట వల్ల.. అక్కడ ఇన్ఫెక్షన్లు తలెత్తకుండా..!
- పరగడుపున పండ్ల రసం తీసుకోవచ్చా?
- నురగ స్నానం మంచిదేనా?
అనుబంధం
- వద్దంటే.. ఆ విషయం మా ఇంట్లో చెప్తానని బెదిరిస్తున్నాడు..!
- పిల్లలు ఇంట్లో ఒంటరిగా ఉంటున్నారా?
- అసహనం వద్దు..!
- ఆడిద్దామా... స్పడ్!
- ఐపీఎల్ మొదలైనప్పట్నుంచి ఆ అలవాటు విపరీతంగా పెరిగిపోయింది..!
యూత్ కార్నర్
- నవ్వుల మారాణులు!
- ఇద్దరమ్మాయిలు.. కలలు కన్నారు.. సాధించారు!
- స్పాంజ్ టెక్నాలజీతో నీటి వడబోత
- ధనుష్య... వేడుకను చిత్రించేస్తుంది!
- అందుకే మనం చలిని తట్టుకోలేమట!
'స్వీట్' హోం
- కిచెన్లో దుర్వాసనలు పోవాలంటే..!
- ఏకాగ్రత పెంచే వామనగుంటలు
- ఎండ వేడిమిని తరిమేసే చల్లని ‘టీ’లు..!
- అక్వేరియం చల్లగా ఉండాలంటే..!
- ఆట ముందు... మాట్లాడాల్సిందే!
వర్క్ & లైఫ్
- సరదా తప్పులు!
- అతిగా బాధపడుతున్నారా..? ఇలా బయటపడండి..!
- Rashmika: అందుకే అప్పుడు అర్ధరాత్రి ఒంటి గంటకు జిమ్కి వెళ్లా!
- అక్కడ మహిళా ఓటర్లదే హవా!
- Sonam Kapoor: అప్పుడు 32 కిలోలు పెరిగా.. అయినా ఫీలవలేదు!