బ్యూటీ ప్రొడక్ట్‌లతో జాగ్రత్త
close
Published : 02/12/2021 01:25 IST

బ్యూటీ ప్రొడక్ట్‌లతో జాగ్రత్త

ర్మాన్ని మెరిపిస్తాయంటూ మార్కెట్‌లో విక్రయిస్తున్న పలురకాల విదేశీ సౌందర్య ఉత్పత్తుల్లో ప్రమాదకరమైన మెర్క్యురీ ఉన్నట్లు ఓ అధ్యయనం తేల్చి చెప్పింది. దిల్లీకి చెందిన ఎన్విరాన్‌మెంట్‌ రిసెర్చ్‌ ఇన్‌స్టిట్యూట్‌ తాజాగా నిర్వహించిన ఓ అధ్యయనంలో ఈ అంశం వెలుగుచూసింది. వీటిల్లో న్యూరోటాక్సిన్‌ అయిన మెర్క్యురీ ఎక్కువశాతంలో ఉందట. అత్యంత ప్రమాదకరమైన ఈ రసాయనం వల్ల చర్మం అందంగా మారడం కన్నా, జరిగే చేటే ఎక్కువ. ఈ పరిశోధన కోసం ఆంధ్రప్రదేశ్‌, మహారాష్ట్ర, కేరళల్లో ఎక్కువగా వాడుతున్న 15 రకాల స్కిన్‌ వైట్‌నింగ్‌ క్రీములను సేకరించారు. వీటిని దిల్లీ శ్రీరామ్‌ ఇన్‌స్టిట్యూట్‌ ఆఫ్‌ ఇండస్ట్రియల్‌ రిసెర్చ్‌కు తరలించి పరిశోధనలు చేపట్టారు. వాటిలో ఆరు సంస్థలకు చెందినవాటిల్లో అత్యధిక స్థాయిలో మెర్క్యురీ ఉన్నట్లు తేలింది. ఈ ఆరు రకాల ఉత్పత్తులూ విదేశీ సంస్థకు చెందినవే. దేశీయంగా చేసిన మిగతా వాటిల్లోనూ కొంత మొత్తంలో ఈ రసాయనం ఉంది. ఇది చర్మానికే కాకుండా, పలు రకాల అనారోగ్యాలకూ కారణమవుతుంది అంటున్నారు వైద్యనిపుణులు. ఇది నరాల వ్యవస్థ, జీర్ణవ్యవస్థలను దెబ్బతీయడంతోపాటు వ్యాధినిరోధక శక్తినీ తగ్గిస్తుంది. ఊపిరితిత్తులు, మూత్రపిండాలపైనా తీవ్ర ప్రభావాన్ని చూపిస్తుంది. కాబట్టి, ఉత్పత్తులను ఎంచుకునేముందు వాటిలో ఉపయోగించే పదార్థాలను సరిచూసుకోమని సలహానిస్తున్నారు.


Advertisement

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని