Published : 09/03/2023 01:13 IST

90 సెకన్లలో.. ఫేషియల్‌!

వేడుకేదైనా నిగారింపుతో మెరిసిపోవాలి అనుకుంటున్నారు ఈతరం వాళ్లు. అందుకోసం ముందురోజు నుంచే సన్నాహాలు మొదలుపెడతారు. బ్యూటీపార్‌లర్ల చుట్టూ చక్కర్లే. ఇక... ఏ పండుగలు, వేడుకల సమయమో అయితే గంటల తరబడి వేచిచూడాల్సిందే... అలా కాకుండా ఇంట్లోనే మెరిసిపోయే నిగారింపు పొందేందుకు సిద్ధమైపోండి. ఎంతో సమయం కేటాయించాల్సిన అవసరం లేదు... 90 సెకన్లు చాలు... మార్కెట్లో ఫోరియో పరికరం అందుబాటులోకి వచ్చింది. దీన్ని వాడటం కూడా సులభం. పరికరం వెనకాల ఉన్న మూతను తెరవాలి. దానిలో సీరమ్‌ నింపాలి. ముప్పై సెకన్లలో అది వేడవుతుంది. తరువాత ముఖంపై సున్నితంగా రుద్దాలి. అంతే ఖరీదైన స్పాల్లో చేసుకున్నట్లు ముఖం మెరిసిపోవడం ఖాయం. బాగుంది కదూ... ఆన్‌లైన్‌ వేదికల్లో వెతికేయండి మరి.

Tags :

మరిన్ని