Updated : 12/03/2022 05:49 IST

ఎప్పుడెప్పుడు తాగాలి?

సాధారణంగా మనం రోజులో ఏడెనిమిది గ్లాసులు లేదా కనీసం మూడు లీటర్ల నీళ్లు తాగాలని అందరూ చెబుతుంటారు కదా. అయితే ఏయే సమయాల్లో తాగితే ఎలాంటి ప్రయోజనాలో తెలుసుకుందామా...
* ఉదయం లేవగానే గ్లాసు గోరువెచ్చని నీటిని తాగండి. దీని వల్ల అంతర్గత అవయవాలన్నీ చురుగ్గా మారతాయి.
*వర్కవుట్లు చేసి అలసిపోయారా.... వ్యాయామం చేసిన తర్వాత నీళ్లు తాగితే శక్తి వస్తుంది. అలసట పోతుంది. వ్యాయామం చేసే ముందూ తాగొచ్చు.
*ఇది కొంచెం వింతగా ఉన్నా ఈసారి చేసి చూడండి. స్నానానికి ముందు ఓ గ్లాసు నీళ్లు తాగండి. ఇలా తాగితే రక్తపోటు నియంత్రణలో ఉంటుంది.
*రాత్రి నిద్రపోయే ముందు ఓ గ్లాసు నీళ్లు పక్కన పెట్టుకోండి. నిద్రపోయే ముందు ఓ గుక్క తాగినా లాభమే. శరీరంలో ఏవైనా ద్రవాల కొరత ఉంటే తీరిపోతుంది. ఎక్కువ తాగితే నిద్ర మధ్యలో బాత్రూమ్‌కు వెళ్లాల్సి రావొచ్చు.
*లసట, నిస్సత్తువగా అనిపించినప్పుడు వెంటనే నీళ్లు తాగండి. ఈ నీరు శరీరానికి కావాల్సిన తేమను అందించి జీవక్రియలన్నీ సక్రమంగా జరిగేలా చూస్తుంది. దాంతో చురుగ్గా మారిపోతారు.
*ఆకలిగా ఉన్నప్పుడు, తలనొప్పిగా అనిపించినప్పుడు ఓ గ్లాసు నీళ్లు తాగండి వెంటనే ఉపశమనంగా ఉంటుంది.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని