ఓటమినీ నేర్పండి!
శశికళ కొడుక్కి ఏడేళ్లు. ఇంట్లో ఏ ఇండోర్ గేమ్ ఆడినా, వాడిని అందరూ కలిపి గెలిపించాల్సిందే. లేదంటే ఇల్లంతా పీకి పందిరేస్తాడు. ఎప్పుడైనా ఓడిపోతున్నావంటే చాలు, మధ్యలోనే ఆటను వదిలేసి కోపంగా వెళ్లిపోతాడు. ఇలా ఓటమి, గెలుపులకు అతిగా స్పందించడం మంచిది కాదంటున్నారు మానసిక నిపుణులు
శశికళ కొడుక్కి ఏడేళ్లు. ఇంట్లో ఏ ఇండోర్ గేమ్ ఆడినా, వాడిని అందరూ కలిపి గెలిపించాల్సిందే. లేదంటే ఇల్లంతా పీకి పందిరేస్తాడు. ఎప్పుడైనా ఓడిపోతున్నావంటే చాలు, మధ్యలోనే ఆటను వదిలేసి కోపంగా వెళ్లిపోతాడు. ఇలా ఓటమి, గెలుపులకు అతిగా స్పందించడం మంచిది కాదంటున్నారు మానసిక నిపుణులు. రెండింటిలో దేనినైనా స్వీకరించగలిగేలా వారిని సిద్ధం చేయాలని సూచిస్తున్నారు. లేదంటే ఓటమిని ఒప్పుకోలేని తత్త్వం వారి ఎదుగుదలకే ప్రమాదంగా మారుతుందని హెచ్చరిస్తున్నారు. ఓటమి నుంచి గెలవాలనే ఆకాంక్ష వారిలో వచ్చేలా పెంచాలని చెబుతున్నారు.
* నిరుత్సాహాన్ని దూరం చేయాలి.. ఇంట్లో ఆడే బోర్డు గేమ్ అయినా కావొచ్చు లేదా పాఠశాలలో పోటీ అయినా అవ్వొచ్చు. ఎక్కడైనా ఓటమిని ప్రతికూలంగా తీసుకోకూడదని నేర్పాలి. కొందరు పిల్లలు ఓడిపోయామని తెలిసిన వెంటనే తీవ్ర ఒత్తిడి, నిరుత్సాహానికి గురై, క్రమేపీ దాన్ని కోపంగా మార్చుకుంటారు. అటువంటి సమయంలో వారితో మృదువుగా మాట్లాడాలి. తిరిగి ప్రయత్నించు, తప్పక గెలుస్తావని ఉత్సాహాన్ని నింపాలి. నైపుణ్యాలను పెంచుకోవాలని చెప్పాలి.
* నియమాలను.. ఆట నియమాలను చిన్నారులకు ముందుగానే తెలియజేయాలి. ఎలా ఆడితే విజయం సొంతమవుతుందో అవగాహన కలిగించాలి. అది వారిలో నెగ్గడానికి తగిన సామర్థ్యాలు అందేలా చేస్తుంది. గెలుపు కోసం నియమాలను అధిగమించకూడదనే కట్టుబాటునూ నేర్పాలి. బృందంతో కలిసి ఎలా ఆడాలో చెప్పాలి.
* ఓటమిని చవిచూసేలా.. కొందరు తమ పిల్లలను ప్రతి విషయంలోనూ గెలిచేలా చేస్తారు. దీనివల్ల తమకు ఎదురు లేదనే ధీమా వచ్చేస్తుంది. విజయాన్ని మాత్రమే అంగీకరించే స్థాయికి చేరుకుంటారు. వీరు జీవితంలో ఓటమి ఎదురైతే కుంగుబాటుకు గురవుతారు. కాబట్టి పిల్లలకు ఓటమి రుచీ తెలియజేయాలి. ఓడినంత మాత్రాన ఒత్తిడికి గురవకూడదని, దాన్నుంచి పాఠాలు నేర్చుకుని విజయ సాధనకు కృషి చేయాలనే ఆలోచన పెంచాలి. ఓడితే విమర్శించకుండా, వారిలోని సామర్థ్యాల్ని చెెప్పి ప్రోత్సహించాలి.
* ఆరోగ్యకర పోటీ... చదువు, క్రీడల్లో పోటీ తప్పక ఉండాలి. అయితే అది ఆరోగ్యకరమైనదిగానే ఉండేలా పిల్లలను పెంచాలి. ఇతరులు గెలిస్తే వారిపై కోపోద్రేకాలు, ఈర్ష్య, అసూయలు మంచివి కాదని చెప్పాలి. ఎదుటి వారు విజేతగా నిలవడానికి వారి సామర్థ్యం, వారు చేసిన అభ్యాసం, సాధన వంటి అంశాల దిశగా ఆలోచించడం చిన్నారులకు నేర్పించాలి. వాటిని అనుసరిస్తే విజయం తమకూ సాధ్యపడుతుందనే ఆలోచనావిధానం పిల్లల్లో వస్తే చాలు. వారు గెలుపు, ఓటములను సమానంగా తీసుకునే పరిపక్వతను సాధిస్తారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- వీపు మీద పొక్కులా..?
- Samantha: పెళ్లి గౌనుని రీసైక్లింగ్ చేయించా.. ఇదంటే ఎంతో ఇష్టం!
- ఎండల్లోనూ... తాజాగా
- మంత్రముగ్ధుల్ని చేసేస్తున్నాయి...
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
ఆరోగ్యమస్తు
- వైట్డిశ్చార్జ్ అవుతుంటే..!
- నడక నేర్చుకుంటూనే!
- సంపూర్ణ ఆరోగ్యం.. ఇలా సొంతం!
- నెలకు రెండుసార్లు పిరియడ్స్.. ఎందుకిలా?
- డిప్రెషన్ తగ్గించే పాదాంగుష్ఠాసనం
అనుబంధం
- ఆడేద్దామా తొక్కుడు బిళ్ల
- Love Brain Disorder: బాయ్ఫ్రెండ్కు వందసార్లు ఫోన్ చేసింది.. చివరికి ఏమైందంటే?!
- పాట్లక్తో...
- నాన్నంటే భయపడుతున్నారు..!
- ప్రయోగాలతో నేర్పిద్దామా?
యూత్ కార్నర్
- డూడుల్ డబ్బా అదిరిందబ్బా!
- Mrunal Thakur: అప్పుడే పెళ్లి చేసుకుంటా.. భవిష్యత్తులో నేనూ దీనికి రడీ!
- పేదరికాన్ని దాటి... చదువుల్లో మెరిసి!
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
'స్వీట్' హోం
- పిల్లల ముందు ఇలా చేస్తున్నారా.. అయితే జాగ్రత్త!
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
వర్క్ & లైఫ్
- అక్కడ బిడ్డను కంటే రూ. 60 లక్షల బహుమతి!
- థైరాయిడ్తో బరువు పెరిగా...
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!