Published : 09/10/2021 01:51 IST

పంచముఖ గాయత్రి

ముక్తా విద్రుడు హేమనీల ధవళచ్ఛాయైర్ముఖై స్త్రీక్షణైః
యక్తా మిందునిబద్ధరత్నమకుటాం తత్వార్థవర్ణాత్మికామ్‌
గాయత్రీం వరదాభయాంకుశకశాం శుభ్రం కపాలం గదాం
శంఖం చక్ర మదారవింద యుగళం హస్తైర్వహంతీంభజే

ఈ రోజున అమ్మవారిది గాయత్రీదేవి రూపం.  సకల మంత్రాలకు మూలమైన శక్తిగా, వేదమాతగా ప్రసిద్ధి పొందిన అమ్మవారిని ‘సర్వ చైతన్య రూపాం! పాం ఆద్యాం! విద్యాం చ ధీమహీ! బుద్ధిం య నహః ప్రచోదయ’ అంటూ ఆరాధిస్తాం. ఈ దేవతకు ముఖాలు అయిదైనా హృదయం ఒకటే. గాయత్రీదేవి విద్యాధిదేవత అనీ, బుద్ధి, శక్తిని ప్రచోదనం చేస్తుందని మహర్షులు సెలవిచ్చారు. ఏ స్త్రీ మూర్తి బుద్ధి చురుగ్గా ఉండి.. స్తబ్ధత లేకుండా చైతన్యంతో అడుగులు వేస్తుందో అలాంటి మహిళ వల్ల ఆ కుటుంబం పచ్చగా ఉంటుంది. సమాజమూ బాగుంటుంది. అలాంటి వారంతా గాయత్రీ దేవతలే... అని ఆమె రూపం బోధిస్తోంది. ‘కరణేషు మంత్రి’ అని గృహిణిని పేర్కొంటారు. సమయానికి తగిన సలహాలూ, సూచనలూ అందించగల సమర్థురాలు గృహిణి అని అర్థం. ఈ లక్షణం కూడా గాయత్రీ తత్వమే.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని