ఏది నిజం కాదు
బిడ్డను చిరంజీవిని చేసే అమృతం.. చనుబాలు! కానీ ఇప్పటికీ తల్లిపాల విషయంలో ఎన్నో అపోహలు అమ్మలని వెంటాడుతూనే ఉన్నాయి.
బిడ్డను చిరంజీవిని చేసే అమృతం.. చనుబాలు! కానీ ఇప్పటికీ తల్లిపాల విషయంలో ఎన్నో అపోహలు అమ్మలని వెంటాడుతూనే ఉన్నాయి. ముఖ్యంగా రొమ్ముక్యాన్సర్ వంటివి. వాటిల్లో ఏవి నిజమో ఏవి కాదో తెలుసుకుందాం...
అపోహ: తల్లికి క్యాన్సర్ ఉంటే అది పాల ద్వారా బిడ్డకూ వస్తుంది..
వాస్తవం: ఇంతవరకూ ఏ అధ్యయనమూ ఈ విషయాన్ని నిర్ధరించలేదు. ఒకవేళ ఆ సమయంలో కీమోథెరపీ వంటి చికిత్సలు తీసుకొంటూ ఉంటే మాత్రం పాలివ్వకూడదు. అది బిడ్డకు హానిచేసే ఆస్కారం ఉంది. అలాగే రేడియోథెరపీ, హార్మోన్థెరపీ వంటివి తీసుకునేవారూ పాలివ్వకూడదు. వాటి ప్రభావం బిడ్డపై ఉంటుంది.
అపోహ: బిడ్డకు పాలిచ్చే సమయంలో రొమ్ముక్యాన్సర్ రాదు..
వాస్తవం: అది నిజం కాదు. పాలిచ్చే సమయంలో కూడా రొమ్ముక్యాన్సర్ రావడానికి ఆస్కారం ఉంది. అందుకే రొమ్ములో గడ్డలువంటివి ఏవైనా అసాధారణంగా అనిపిస్తే వెంటనే వైద్యుల్ని సంప్రదించాలి.
అపోహ: రొమ్ముకు కాస్మెటిక్ సర్జరీ చేయించుకుంటే పాలురావు.
వాస్తవం: ఇది పూర్తిగా నిజం కాదు. చాలామంది రొమ్ము పరిమాణాలని మార్చుకొనేందుకు సర్జరీలు చేయించుకుంటూ ఉంటారు. ఈ క్రమంలో కొంత బ్రెస్ట్ టిష్యూని తొలగించాల్సి వస్తుంది. ఈ ప్రభావం బిడ్డకు అందే పాలపై పడుతుంది. అందుకే సర్జరీ చేయించుకునేటప్పుడు భవిష్యత్తు గురించి ఆలోచించుకోవడం మంచిది. ఈ విషయాన్ని సర్జన్కి స్పష్టంగా చెబితే పాలగ్రంథులపై ఆ ప్రభావం పడకుండా సర్జరీలో మార్పులు చేస్తారు.
అపోహ: క్యాన్సర్ వచ్చి తగ్గిన వారు బిడ్డకు పాలివ్వకూడదు.
వాస్తవం: ఇందులో వాస్తవం లేదు. గతంలో రొమ్ముక్యాన్సర్ కారణంగా రొమ్ము సర్జరీ, రేడియోథెరపీ చేయించుకున్నా బిడ్డకు పాలివ్వొచ్చు. కానీ ఆ స్తన్యం నుంచి తగినంతగా పాలు రాకపోవచ్చు.
అపోహ: రొమ్ముల్లో ఇన్ఫెక్షన్ ఉంటే బిడ్డకు పాలివ్వకూడదు...
వాస్తవం: ఇది కొంతే వాస్తవం. రొమ్ములో ఉండే ఇన్ఫెక్షన్ కారణంగా అక్కడ వాపు, నొప్పి వంటివి వేధిస్తాయి. అలాంటప్పుడు బిడ్డకు పాలు ఇవ్వడం మంచిది కాదంటారు చాలామంది తల్లులు. కానీ కొన్నిసార్లు పాలివ్వడం వల్లే ఇన్ఫెక్షన్ నుంచి ఉపశమనం లభిస్తుంది. నొప్పి మరీ ఎక్కువగా ఉంటే వైద్యుల పర్యవేక్షణలో యాంటీబయాటిక్స్ వాడాలి. అప్పటికీ తగ్గకపోతే అల్ట్రాసౌండ్ స్కాన్ ద్వారా సూదితో చీముని తొలగిస్తారు. కొన్నిసార్లు సర్జరీ కూడా పడొచ్చు. ఆ తర్వాత బిడ్డకు పాలివ్వొచ్చు.
జాగ్రత్తలు: గర్భిణిగా ఉండగా... లేదా బిడ్డకు పాలిచ్చేటప్పుడు రొమ్ముక్యాన్సర్ని నిర్ధరించే మమోగ్రామ్ పరీక్ష చేయించుకోకూడదు. దీని నుంచి తక్కువ మొత్తంలోనే రేడియేషన్ అందినా అది శిశువుకు మంచిది కాదు... ప్రపంచ ఆరోగ్య సంస్థ నివేదికల ప్రకారం హెచ్ఐవీ పాజిటివ్ ఉన్న తల్లులు తప్పనిసరిగా ఆరునెలలపాటు తల్లిపాలని అందించాలి. అలాగే ఆ సమయంలో వెద్యులు సూచించే యాంటీ రెట్రో వైరల్ థెరపీ తప్పనిసరిగా తీసుకోవాలి.
ప్రపంచవ్యాప్తంగా 170కు పైగా దేశాలు ఆగస్టు మొదటి వారంలో తల్లిపాల వారోత్సవాలు జరుపుకొంటున్నాయి. ప్రపంచ ఆరోగ్యసంస్థ, యునిసెఫ్తో కలిసి ఈ వారోత్సవాలని ఏటా నిర్వహిస్తోంది. ఈ ఏడాది థీమ్ తల్లిపాల సంస్కృతిని కాపాడ్డం మనందరి బాధ్యత.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- ధవళవర్ణంలో దేవకన్యలా..!
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
- తారలు మెచ్చిన ‘ఫుల్కారీ’ ఫ్యాషన్.. ఈ స్టైలిష్ ట్రెండ్ గురించి తెలుసా?
- పొడవైన శిరోజాలతో... గిన్నిస్బుక్లో..!
- ఈ ఆహారంతో జుట్టు ఆరోగ్యంగా..!
ఆరోగ్యమస్తు
- వీటితో.. కడుపు చల్లగా.. ఆరోగ్యంగా..!
- చనుబాలు ఎక్కువగా వస్తున్నాయి.. తగ్గేదెలా?
- మెనోపాజా... వ్యాయామం చేయండి!
- ఎండకో గొడుగు..!
- హార్మోన్లు సమతులంగా ఉండాలంటే..!
అనుబంధం
- ప్రయోగాలతో నేర్పిద్దామా?
- పెంపకంబట్టి ఎదుగుతారు.!
- నాన్నంటే భయపడుతున్నారు..!
- బద్ధకపు భర్తతో వేగలేకపోతున్నారా?
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
యూత్ కార్నర్
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
- వేసవి కథ!
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
'స్వీట్' హోం
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
వర్క్ & లైఫ్
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!
- విజయానికి అందం అడ్డయ్యింది!
- భరణం ఇవ్వాల్సొస్తుందని ఉద్యోగం మానేశాడు!