Updated : 14/10/2021 05:02 IST

శత్రు భయంకరి

అయిగిరినందిని, నందితమోదిని, విశ్వవినోదిని నందినుతే గిరివరవింధ్య శిరోధినివాసిని, విష్ణువిలాసిని, జిష్ణునుతే భగవతి హే శితికంఠ కుటుంబిని, భూరి కుటుంబిని భూరికృతే జయజయహే మహిషాసురమర్థిని రమ్యకపర్దిని శైలసుతే

దుష్టుడైన మహిషాసరుడిని అంతమొందించిన భీకర శక్తి స్వరూపిణి మహిషాసుర మర్థిని రూపంలో నవమినాడు అమ్మ దర్శనమిస్తుంది. ఎనిమిది భుజాలు.. అష్ట ఆయుధాలు... సింహవాహినిగా.. రౌద్ర రూపంలో ఉన్న అమ్మవారిని దర్శించుకుంటే.. శత్రు భయం ఉండదని భక్తుల విశ్వాసం. మహిషుడు అనే రాక్షసుడి సంహారానికే అమ్మవారు మహిషాసుర మర్దినిగా అవతరించిందని దేవీ భాగవతం చెబుతోంది. దున్నపోతు రూపంలో ఉన్నాడు ఆ అసురుడు. ఏమీ ఆలోచించకపోవడం, దుడుకుతనం, సోమరితనం, దుర్మార్గం అతడి లక్షణాలు. నేటి ఆడపిల్లల చుట్టూ ఎందరో మహిషాసురులు కనిపిస్తున్నారు. ఆనాడు మహిషుడు అమ్మవారి పట్ల కాముక ప్రవృత్తిని ప్రకటించాడు. నేడు అడుగడుగునా ఇలాంటి మానవ మహిషాసురులెందరో కనిపిస్తున్నారు. అలాంటి పరిస్థితులు ఎదురైతే బెంబేలు పడకుండా ఆ మహిషుల్ని మర్దించగల శక్తి తనలో దాగి ఉందని ప్రతి స్త్రీ గుర్తించాలి.


Advertisement

మరిన్ని