Published : 21/12/2021 00:35 IST

ఆలోచనతో అందం

ప్రతి గదిలో కొంగొత్తగా చేసే అలంకరణ ఇంటి అందాన్ని రెట్టింపు చేస్తుంది. ఆలోచన ఉంటే చాలు... మరింత అపురూపంగా ఇంటిని తీర్చిదిద్దుకోవచ్చు.

* ప్రతిఫలించేలా.. భావోద్వేగాలు ప్రతిఫలించేలా మగువల పోర్ట్రెయిట్స్‌ బ్లాక్‌ అండ్‌ వైట్‌ లేదా వర్ణాల్లో గోడపై చిత్రీకరిస్తే... లోపలికి వెళ్లగానే అద్భుతమైన భావనా ప్రపంచంలోకి అడుగుపెట్టినట్లుగా ఉంటుంది.

* ప్రకృతి.. పక్షులపై ప్రేమను హాలు గోడలపై ప్రదర్శించుకోవచ్చు. గుబురు వృక్షాలు.. వాటిపై కిలకిలరావాలు చేసే పక్షుల చిత్రాలను వాల్‌ పెయింటింగ్‌లా వేస్తే ప్రకృతి మన ఇంటిలో ఉన్న భావన కలుగుతుంది. మనసుకు నచ్చిన బర్డ్స్‌ పోస్టర్స్‌ను అటాచ్‌ చేసుకున్నా... చాలు. ఆ గది ఆహ్లాదకరంగా మారిపోతుంది.  

* కళాత్మకంగా.. వాల్స్‌ డెకరేషన్‌లో మెటల్‌ఆర్ట్‌ ఇంటి మొత్తానికే ప్రత్యేకత తెస్తుంది. బంగారం వర్ణంలో సృజనాత్మకంగా తీర్చిదిద్దే వాల్‌ట్రీ, బటర్‌ఫ్లై ట్రీ, లీఫ్‌ ఆర్ట్‌ వంటివి కళాత్మకంగా మాత్రమే కాకుండా రిచ్‌లుక్‌ను తెచ్చిపెడతాయి. ఏ గదికైనా ఇట్టే యిమిడిపోయే ఈ డిజైన్స్‌ లేత వర్ణం పెయింటింగ్‌ వేసిన గోడకు కొత్త అందాన్ని తీసుకొస్తాయి.


Advertisement

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని