మితంగా వాడితే.. బరువు తగ్గడానికీ..!
అధిక బరువును తగ్గించుకునే క్రమంలో కొవ్వులు, క్యాలరీలు తక్కువగా ఉండే పదార్థాల్ని మాత్రమే ఆహారంలో చేర్చుకుంటాం. అయితే ఈ రెండూ కాస్త ఎక్కువగానే ఉండే పీనట్ బటర్ మితంగా వాడితే బరువు తగ్గడంలోనూ సహకరిస్తుందని చెబుతున్నారు నిపుణులు.
అధిక బరువును తగ్గించుకునే క్రమంలో కొవ్వులు, క్యాలరీలు తక్కువగా ఉండే పదార్థాల్ని మాత్రమే ఆహారంలో చేర్చుకుంటాం. అయితే ఈ రెండూ కాస్త ఎక్కువగానే ఉండే పీనట్ బటర్ మితంగా వాడితే బరువు తగ్గడంలోనూ సహకరిస్తుందని చెబుతున్నారు నిపుణులు. ఇందుకు దీనిలో పీచు పదార్థం ఎక్కువగా ఉండడమే కారణం. అలాగే ఇందులో ఉండే ప్రొటీన్లు ఎక్కువ సమయం కడుపు నిండుగా ఉండేలా చేసి.. చిరుతిండ్ల పైకి మనసు మళ్లకుండా చేస్తాయి. అలాగే తక్కువ గ్లైసెమిక్ ఇండెక్స్ విలువ కలిగిన ఈ పదార్థం జీవక్రియల పనితీరును మెరుగుపరుస్తుంది. ఇవన్నీ అధిక బరువును తగ్గించుకునేందుకు ప్రేరేపిస్తాయని చెబుతున్నారు నిపుణులు.
ఎలా తీసుకోవాలంటే..?!
అయితే పీనట్ బటర్ను తీసుకునే క్రమంలో కొన్ని చిట్కాలు పాటిస్తేనే ఈ ఫలితం పొందచ్చంటున్నారు నిపుణులు.
* బరువు తగ్గాలనుకునే వారు ఉప్పు కలపకుండా తయారుచేసినది ఎంచుకోవాలి. లేకపోతే శరీరంలో సోడియం స్థాయులు క్రమంగా పెరిగిపోయి.. శరీరం నీటిని నిలుపుకోవడం మొదలుపెడుతుంది. తద్వారా కడుపుబ్బరంతో పాటు బరువూ పెరుగుతాం. కాబట్టి పీనట్ బటర్ను కొనే ముందు లేబుల్ను ఓసారి పరిశీలించి ఉప్పు కలపనిది ఎంచుకోవాలి.
* రుచి బాగుంది కదా అని పీనట్ బటర్ ఒక్కటే ఎక్కువ మొత్తంలో లాగించేస్తే బరువు తగ్గడానికి బదులు పెరిగే ప్రమాదమే ఎక్కువ. కాబట్టి దాన్ని ఇతర పదార్థాలతో కలిపి తీసుకోవడం మేలంటున్నారు నిపుణులు. అలాగని తక్కువ కొవ్వులున్న పీనట్ బటర్ పేరుతో కూడా ఇది మార్కెట్లో దొరుకుతుంది. అది కూడా మంచిది కాదంటున్నారు.
* బ్రెడ్ టోస్ట్పై టీస్పూన్ పీనట్ బటర్ రాసుకొని తీసుకుంటే మంచి ఫలితం ఉంటుంది.
* బరువు తగ్గాలనుకునే వారు చాలామంది ఉదయాన్నే బ్రేక్ఫాస్ట్గా ఓట్మీల్ తీసుకుంటుంటారు. అయితే ఇందులో టీస్పూన్ పీనట్ బటర్ కలుపుకొని తీసుకుంటే రుచిగానూ ఉంటుంది.. బరువు తగ్గే ప్రక్రియ మరింత వేగవంతమూ అవుతుంది.
* పండ్లతో సలాడ్ చేసుకున్నప్పుడు.. నిమ్మరసం, సాస్.. వంటి వాటితో గార్నిష్ చేసుకోవడం చాలామందికి అలవాటు. అయితే ఈసారి నుంచి వాటితో పాటు కాస్త పీనట్ బటర్నూ ఉపయోగించి చూడండి. పండ్ల ముక్కల పైనా పీనట్ బటర్ రాసుకొని తీసుకోవచ్చు.
* స్మూతీస్, పండ్ల రసాలు చేసుకునేటప్పుడు కాస్త పీనట్ బటర్ను దానికి జత చేస్తే ఆ రుచే వేరు!
* పీనట్ బటర్ను ఐస్క్రీమ్స్, చాక్లెట్స్.. వంటి వాటితో కలిపి తీసుకుంటే బరువు పెరుగుతాం. ఎందుకంటే ఈ రెండింటిలో చక్కెర, క్యాలరీలు ఎక్కువ.. కాబట్టి వీటితో కలిపి తీసుకోకూడదు.
ఇంట్లోనే ఈజీగా!
మార్కెట్లో ప్రిజర్వేటివ్స్ కలిపే పీనట్ బటర్ను కొనడం కంటే ఇంట్లోనే సులభంగా దీన్ని తయారుచేసుకోవచ్చు. ఈ క్రమంలో ముందుగా.. కావాల్సినన్ని పల్లీల్ని తక్కువ మంటపై వేయించుకొని చల్లారనివ్వాలి. ఆపై పొట్టు తొలగించి.. మిక్సీలో వేసి మధ్యమధ్యలో కలుపుతూ బాగా గ్రైండ్ చేయాలి.. ముద్దలా వచ్చాక రుచి కోసం అవసరమైతే టీస్పూన్ తేనె కూడా జత చేసుకోవచ్చు. ఇలా ఇంకాసేపు మిక్సీ పడితే జారుడుగా తయారవుతుంది. ఇలా తయారైన బటర్ను టోస్ట్, చపాతీపై రాసుకొని తినచ్చు.. లేదంటే పైన చెప్పిన కాంబినేషన్స్ ప్రయత్నించచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
- ధవళవర్ణంలో దేవకన్యలా..!
- తారలు మెచ్చిన ‘ఫుల్కారీ’ ఫ్యాషన్.. ఈ స్టైలిష్ ట్రెండ్ గురించి తెలుసా?
- పొడవైన శిరోజాలతో... గిన్నిస్బుక్లో..!
- ఈ ఆహారంతో జుట్టు ఆరోగ్యంగా..!
ఆరోగ్యమస్తు
- వీటితో.. కడుపు చల్లగా.. ఆరోగ్యంగా..!
- చనుబాలు ఎక్కువగా వస్తున్నాయి.. తగ్గేదెలా?
- మెనోపాజా... వ్యాయామం చేయండి!
- ఎండకో గొడుగు..!
- హార్మోన్లు సమతులంగా ఉండాలంటే..!
అనుబంధం
- నాన్నంటే భయపడుతున్నారు..!
- ప్రయోగాలతో నేర్పిద్దామా?
- పెంపకం బట్టి ఎదుగుతారు.!
- బద్ధకపు భర్తతో వేగలేకపోతున్నారా?
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
యూత్ కార్నర్
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
- వేసవి కథ!
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
'స్వీట్' హోం
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
వర్క్ & లైఫ్
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!
- విజయానికి అందం అడ్డయ్యింది!
- భరణం ఇవ్వాల్సొస్తుందని ఉద్యోగం మానేశాడు!