కాటన్ బాల్స్ని ఇలా కూడా వాడచ్చు!
అమ్మాయిల బ్యూటీ కిట్లో ఉండే ముఖ్యమైన వస్తువుల్లో కాటన్ బాల్స్ కూడా ఒకటి. ముఖానికి రోజ్ వాటర్ రాసుకోవడానికైనా, వేసుకున్న మేకప్ తొలగించుకోవడానికైనా, నెయిల్ పాలిష్ని తొలగించుకునే క్రమంలో.. ఇలా అతివల సౌందర్య సంరక్షణలో ఇవి చాలా రకాలుగానే ఉపయోగపడతాయని చెప్పచ్చు.
అమ్మాయిల బ్యూటీ కిట్లో ఉండే ముఖ్యమైన వస్తువుల్లో కాటన్ బాల్స్ కూడా ఒకటి. ముఖానికి రోజ్ వాటర్ రాసుకోవడానికైనా, వేసుకున్న మేకప్ తొలగించుకోవడానికైనా, నెయిల్ పాలిష్ని తొలగించుకునే క్రమంలో.. ఇలా అతివల సౌందర్య సంరక్షణలో ఇవి చాలా రకాలుగానే ఉపయోగపడతాయని చెప్పచ్చు. ఇలా కేవలం బ్యూటీ విషయంలోనే కాదు.. ఈ కాటన్ బాల్స్ని ఇంట్లో మరిన్ని అవసరాల కోసం కూడా వాడుకోవచ్చని మీకు తెలుసా? అదెలాగంటే..!
ఇంటి అవసరాల కోసం..!
⚛ ఇంట్లో చీమల బెడదను తగ్గించుకోవాలంటే.. కొన్ని వేడి నీళ్లలో కొద్దిగా చక్కెర వేసి.. అందులో టీస్పూన్ బోరాక్స్ పొడి వేసి కలపాలి. ఇందులో ముంచిన కాటన్ బాల్ని చీమలున్న చోట పెడితే.. అవి చచ్చిపోతాయి. ఇతర కీటకాల్ని తొలగించడానికీ ఈ చిట్కా ఉపయోగించచ్చు.
⚛ ఇంట్లో సింక్, కిచెన్ ప్లాట్ఫామ్, బాత్రూమ్.. వంటి పలుచోట్ల మూలల్లో జిడ్డుగా మారి, మురికి పేరుకుపోవడం మనం గమనిస్తుంటాం. అయితే ఎంత రుద్దినా ఆ జిడ్డు ఓ పట్టాన వదలదు. అలాంటప్పుడు కాటన్ బాల్ను బ్లీచింగ్ పౌడర్లో ముంచి మూలలకు అప్లై చేసి గంట పాటు అలాగే ఉంచాలి. ఆపై రుద్దుతూ వేడినీటితో కడిగేస్తే సులభంగా జిడ్డు వదిలిపోతుంది.
⚛ కొన్ని చుక్కల వెనీలా ఎక్స్ట్రాక్ట్ని కాటన్ బాల్పై వేసి వార్డ్రోబ్లో ఓ మూల ఉంచితే దుస్తులు సువాసనలు వెదజల్లుతాయి. అలాగే రిఫ్రిజిరేటర్లో నుంచి వచ్చే దుర్వాసనలు పోగొట్టడానికీ ఈ చిట్కాను పాటించచ్చు.
⚛ వంటింట్లో అప్పుడప్పుడూ దుర్వాసనలు రావడం మామూలే. ఇలాంటి సమయాల్లో కొన్ని కాటన్ బాల్స్ని ఏదైనా అత్యవసర నూనెలో (ఎసెన్షియల్ ఆయిల్) కాసేపు నానబెట్టి.. ఆ గిన్నెను ఓ మూలన ఉంచడం వల్ల ఫలితం ఉంటుంది.
⚛ సింక్ ట్యాప్, వాష్బేసిన్ ట్యాప్, సింక్ టైల్స్.. ఇలా నీళ్లు పడిన చోట తెల్లటి మరకలు పడుతుంటాయి. వాటిని స్క్రబ్బర్తో ఎంత రుద్దినా పోవు. అలాంటప్పుడు వెనిగర్, నీళ్లు సమపాళ్లలో తీసుకొని.. ఆ మిశ్రమంలో కాటన్ బాల్ని ముంచి మరకలు పడిన చోట అప్లై చేయాలి. కొన్ని నిమిషాలయ్యాక వాటిని కడిగేయడం లేదంటే మృదువైన గుడ్డతో తుడిచేస్తే సరిపోతుంది.
⚛ స్విచ్బోర్డులు, డోర్ నాబ్స్, డోర్ స్టాపర్స్.. వంటి చిన్న చిన్న వస్తువుల్ని శానిటైజ్ చేయడానికి పెద్ద పెద్ద క్లాత్స్ కంటే చిన్న కాటన్ బాల్స్ ఉపయోగిస్తే సులభంగా పని పూర్తవుతుంది.
⚛ విత్తనాలు నాటుకోవడానికి ముందుగా అవి మొలకెత్తాలంటే ఒక జార్లో ఆయా విత్తనాలు, కొన్ని కాటన్ బాల్స్ని ఉంచాలి. ఆపై మూత పెట్టి ఒకసారి జార్ను షేక్ చేస్తే విత్తనాలు, బాల్స్ కలిసిపోతాయి. ఇప్పుడు బాల్స్ తడిసేలా నీళ్లు పోయాలి. బాల్స్ తడిని లాక్ చేసి ఉంచడం వల్ల నాలుగైదు రోజులకు విత్తనాలు మొలకలొస్తాయి. ఆపై వాటిని తీసి కుండీలో, నేలలో నాటుకుంటే సరి!
⚛ ఎలుకలు, ఉడతలు.. వంటివి మీ గార్డెన్ను పాడుచేస్తుంటే.. వెనిగర్లో ముంచిన కొన్ని కాటన్ బాల్స్ని గార్డెన్లో అక్కడక్కడా వేయండి. సమస్య ఇట్టే పరిష్కారమవుతుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- ఈ వేసవి సమస్యలకు.. ఇలా చెక్ పెట్టేయండి!
- బుజ్జాయిలకూ గ్యాడ్జెట్లు..!
- హెయిర్ డై.. మచ్చలుపడితే..!
- సెరమైడ్స్... మాయ చేసేనా?
- ఫోన్ స్ట్రాప్స్ వాడుతున్నారా?
ఆరోగ్యమస్తు
- అన్నీ తినాలి మరి!
- అందుకే పుచ్చకాయతో పాటు గింజలూ తినాలట!
- నవ్వితే లాభాలెన్నో!
- చెమట వల్ల.. అక్కడ ఇన్ఫెక్షన్లు తలెత్తకుండా..!
- పరగడుపున పండ్ల రసం తీసుకోవచ్చా?
అనుబంధం
- టిక్ టాక్ టో ఆడిద్దామా!
- వద్దంటే.. ఆ విషయం మా ఇంట్లో చెప్తానని బెదిరిస్తున్నాడు..!
- పిల్లలు ఇంట్లో ఒంటరిగా ఉంటున్నారా?
- అసహనం వద్దు..!
- ఆడిద్దామా... స్పడ్!
యూత్ కార్నర్
- ఈ అమ్మాయిలు... యునిసెఫ్ అంబాసిడర్లు!
- నవ్వుల మారాణులు!
- ఇద్దరమ్మాయిలు.. కలలు కన్నారు.. సాధించారు!
- స్పాంజ్ టెక్నాలజీతో నీటి వడబోత
- ధనుష్య... వేడుకను చిత్రించేస్తుంది!
'స్వీట్' హోం
- ఇంట్లోనూ... సీతాకోక చిలకల సోయగం...
- కిచెన్లో దుర్వాసనలు పోవాలంటే..!
- ఏకాగ్రత పెంచే వామనగుంటలు
- ఎండ వేడిమిని తరిమేసే చల్లని ‘టీ’లు..!
- అక్వేరియం చల్లగా ఉండాలంటే..!
వర్క్ & లైఫ్
- ఆ మౌనానికి కారణం తెలుసా!
- సరదా తప్పులు!
- అతిగా బాధపడుతున్నారా..? ఇలా బయటపడండి..!
- Rashmika: అందుకే అప్పుడు అర్ధరాత్రి ఒంటి గంటకు జిమ్కి వెళ్లా!
- అక్కడ మహిళా ఓటర్లదే హవా!