అలాంటప్పుడు ఇలా బ్యాలన్స్ చేయండి!
జీవితం అంటే పూలపాన్పు కాదు.. సుఖదుఃఖాల సంగమం. జీవితంలో ఎదురయ్యే ఆటుపోట్లను తట్టుకుని ముందుకు సాగితేనే సక్సెస్ మన సొంతమవుతుంది. అంతేకానీ ఆ బాధల్నే తలుచుకుంటూ కూర్చుంటే వాటి ప్రభావం కెరీర్పై కూడా పడుతుంది. ఉద్యోగం విషయంలోనూ....
జీవితం అంటే పూలపాన్పు కాదు.. సుఖదుఃఖాల సంగమం. జీవితంలో ఎదురయ్యే ఆటుపోట్లను తట్టుకుని ముందుకు సాగితేనే సక్సెస్ మన సొంతమవుతుంది. అంతేకానీ ఆ బాధల్నే తలుచుకుంటూ కూర్చుంటే వాటి ప్రభావం కెరీర్పై కూడా పడుతుంది. ఉద్యోగం విషయంలోనూ అంతే.. మనకు వ్యక్తిగతంగా ఎన్ని సమస్యలైనా ఉండొచ్చు.. ఆఫీసుకి కూడా వాటిని మోసుకొస్తే.. అవన్నీ పనిపై ప్రభావం చూపచ్చు. కాబట్టి ఎన్ని వ్యక్తిగత సమస్యలున్నా సరే.. వాటిని ఇంటికి మాత్రమే పరిమితం చేసి.. ఆఫీసుకి వచ్చేటప్పుడు ప్రశాంతమైన మనసుతో వచ్చి మీ పని మీరు సక్రమంగా చేస్తే జీవితంలో పైచేయి మీదే..! ఈ క్రమంలో వ్యక్తిగత, వృత్తిగత జీవితాలను బ్యాలన్స్ చేసుకోవడానికి పాటించాల్సిన నియమాలేంటో చూద్దాం రండి..
ప్రణాళిక ప్రకారం..
కెరీర్లో మనం నిర్దేశించుకున్న లక్ష్యాలను అనుకున్న సమయంలో చేరుకోవాలంటే ప్రణాళిక అనేది చాలా ముఖ్యం. కాబట్టి వ్యక్తిగతంగా ఎన్ని సమస్యలెదురైనా సరే.. వాటిని పక్కనపెట్టి ప్రణాళిక ప్రకారం ఫాలో అయితే విజయం మీదే అవుతుంది.
కోపాన్ని నియంత్రించుకోండి..
వ్యక్తిగత సమస్యలున్నప్పుడు కోపం రావడం సహజం.. కానీ ఈ కోపాన్ని అదుపులో ఉంచుకుని పని చేస్తేనే కెరీర్కి ఎలాంటి ముప్పూ రాదు. అంతేకానీ మీ కోపాన్ని సహోద్యోగులపై చూపిస్తే ఆ ప్రభావం మీ జాబ్పై.. కెరీర్పై.. పడే అవకాశం ఉంటుంది. కాబట్టి కోపాన్ని నియంత్రించుకుని ముందుకు సాగితే మీ వ్యక్తిత్వంపై అందరికీ మంచి అభిప్రాయం కలుగుతుంది.
ఓపికతో..
మన చుట్టూ మనల్ని ప్రోత్సహించే వారికంటే నిరుత్సాహపరిచే వాళ్లే ఎక్కువగా ఉంటారని మనకు తెలుసు. అలాగే మనకేవైనా వ్యక్తిగత సమస్యలుంటే వాటిని పంచుకునే వారికంటే వాటిని చూసి దెప్పిపొడిచే వాళ్లే మన చుట్టూ ఎక్కువగా ఉంటారు. కాబట్టి మనకు చాలా దగ్గరగా అనిపించిన సహోద్యోగులకు తప్ప వేరే వాళ్లందరికీ ఈ విషయాలన్నీ చెప్పకపోవడం మంచిది. ఎవరైనా మీ విషయాలన్నీ తెలిసి మిమ్మల్ని హేళన చేస్తే మీరు వారితో గొడవకు దిగకుండా నిశ్శబ్దంగా ఉండండి.. దీంతో మీ వ్యక్తిత్వం దెబ్బతినకుండా ఉంటుంది. అలాగే కొన్నాళ్లకు వాళ్లే మీ దారిలోకి వచ్చే అవకాశం కూడా ఉంటుంది.
ధైర్యంగా ముందుకు..
బతికినంత కాలం ప్రతిఒక్కరి జీవితంలో వ్యక్తిగతంగా ఏదో ఒక సమస్య ఎదురవడం సహజం. ఇలాంటి సమస్యలు ఎదురైనప్పుడు ధైర్యంగా ఎదుర్కోవడమా? లేక వెనక్కి తగ్గడమా? అనేది మీ చేతుల్లోనే ఉంది. ఒకవేళ ఎన్ని కష్టాలైనా ఓర్చుకుని ధైర్యంగా ఎదుర్కొంటే జీవితంలో మంచి సక్సెస్ వస్తుంది. లేదంటే భవిష్యత్తులో చాలా ఇబ్బందులు ఎదుర్కోవాల్సిందే. దీని ప్రభావం మనం చేసే ఉద్యోగంపై పడే అవకాశమూ ఉంది.
ఒత్తిళ్లలోనూ ఓర్పుగా..
ఒక్కోసారి బాస్ ఇచ్చిన వర్క్ మనకు నచ్చకపోయినా, లేదా సరైన సమయంలో పూర్తికాకపోయినా ఒత్తిడికి గురవడం సహజం. ఇక, దీనికి వ్యక్తిగత సమస్యలు కూడా తోడవుతాయి. ఇలాంటప్పుడు చిరాకు, అసహనం కలుగుతాయి. పనిపై శ్రద్ధ పెట్టలేం. దీని ప్రభావం కెరీర్ పైనా పడుతుంది. అందుకే అన్ని విషయాల్లోనూ ఓర్పు అనేది చాలా అవసరం.
సలహాలు తీసుకోండి..
సమస్యలకు తగిన పరిష్కారాలు మనకు తట్టకపోవచ్చు. కాబట్టి మీకు సన్నిహితంగా ఉండే స్నేహితులతో, కొలీగ్స్తో మీ సమస్యల్ని చెప్పి తగిన సలహా అడగండి.. మీ సమస్య పరిష్కారానికి వాళ్లిచ్చే సలహాలూ ట్రై చేయండి..
కలుపుగోలుగా..
మనం పని చేసే చోట తోటివారితో కలుపుగోలుగా ఉండాలి. ఆఫీసులో ఉన్నంతసేపు సహోద్యోగులతో కలిసిపోయి కాసేపు ఆనందంగా నవ్వుతూ ఎంజాయ్ చేయాలి. దీంతో సమస్యలన్నీ మరిచిపోయి సులభంగా పనిపై దృష్టి సారించొచ్చు.
యోగా, వ్యాయామం..
సమస్యల ఒత్తిడి తగ్గాలన్నా, పనిమీద ఏకాగ్రత పెరగాలన్నా.. ఈ రెండింటికీ ఒక్కటే పరిష్కారం. అదే క్రమం తప్పకుండా యోగా, వ్యాయామం చేయడం. దీనివల్ల మనసుకు ఉల్లాసంగా కూడా ఉంటుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- Samantha: పెళ్లి గౌనుని రీసైక్లింగ్ చేయించా.. ఇదంటే ఎంతో ఇష్టం!
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
- ధవళవర్ణంలో దేవకన్యలా..!
- తారలు మెచ్చిన ‘ఫుల్కారీ’ ఫ్యాషన్.. ఈ స్టైలిష్ ట్రెండ్ గురించి తెలుసా?
- పొడవైన శిరోజాలతో... గిన్నిస్బుక్లో..!
ఆరోగ్యమస్తు
- వీటితో.. కడుపు చల్లగా.. ఆరోగ్యంగా..!
- చనుబాలు ఎక్కువగా వస్తున్నాయి.. తగ్గేదెలా?
- మెనోపాజా... వ్యాయామం చేయండి!
- ఎండకో గొడుగు..!
- హార్మోన్లు సమతులంగా ఉండాలంటే..!
అనుబంధం
- నాన్నంటే భయపడుతున్నారు..!
- ప్రయోగాలతో నేర్పిద్దామా?
- పెంపకం బట్టి ఎదుగుతారు.!
- బద్ధకపు భర్తతో వేగలేకపోతున్నారా?
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
యూత్ కార్నర్
- Mrunal Thakur: అప్పుడే పెళ్లి చేసుకుంటా.. భవిష్యత్తులో నేనూ దీనికి రడీ!
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
- వేసవి కథ!
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
'స్వీట్' హోం
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
వర్క్ & లైఫ్
- అక్కడ బిడ్డను కంటే రూ. 60 లక్షల బహుమతి!
- థైరాయిడ్తో బరువు పెరిగా...
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!