Updated : 29/09/2021 05:14 IST

బరువు తగ్గాలా... ఇవి తినండి!

బరువు తగ్గాలంటే నోరు కట్టేసుకోవడం ఒకటే మార్గం అనుకుంటారు చాలామంది. కానీ ఈ పదార్థాలు తింటే కూడా అది సాధ్యమే అంటున్నారు పోషకాహార నిపుణులు. అవేంటంటే...

బ్లాక్‌ బీన్స్‌... వీటిలో బోలెడు పీచు ఉంటుంది. వీటిని తింటే పొట్ట నిండిన భావన కలిగి చాలాసేపటి వరకు ఆకలి వేయదు. ఈ బీన్స్‌ హానికారక ఎల్‌డీఎల్‌ కొలెస్ట్రాల్‌ను అయిదు శాతం తగ్గిస్తాయట.

మిరియాలు... వీటిలోని పెపరైన్‌ అనే పదార్థం కొత్త కొవ్వు కణాలు ఏర్పడకుండా అడ్డుకుంటుంది. ఇది శరీరంలోని కొలెస్ట్రాల్‌, పొట్టా రెండింటినీ తగ్గిస్తుంది.

బెల్‌ పెప్పర్‌... విటమిన్‌-సి దండిగా ఉంటుంది. ఇది కొవ్వును కరిగించడంలో సాయపడి పిండి పదార్థాలను శక్తిగా మారుస్తుంది. బరువును అదుపులో ఉంచుతుంది.

పాలకూర... ఐరన్‌ అధికంగా ఉండే ఈ ఆకుకూరను గుడ్డుతో కలిపి ఆమ్లెట్‌లా తీసుకుని చూడండి. పోషకాలూ అందుతాయి. బరువూ నియంత్రణలో ఉంటుంది. మరింకేం వీటిని ప్రయత్నించి చూడండి.

కొబ్బరి నూనె... దీనిలోని కొవ్వులు బరువును నియంత్రిస్తాయి. ఈ నూనెను తీసుకోవడం వల్ల కొలెస్ట్రాల్‌ పెరగదు. ఆరోగ్యమూ బాగుంటుంది.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని