వర్క్ ఫ్రమ్ హోమ్ : ఇంట్లో ఈ మార్పులు చేసుకున్నారా?
కరోనా కారణంగా ఇప్పుడు చాలామంది ఇంటి నుంచే పని చేస్తున్నారు. వైరస్ అంతమయ్యేదాకా ఇదే పని విధానాన్ని కొనసాగించక తప్పదు. కొన్ని సంస్థలైతే తమ ఉద్యోగులకు కొవిడ్ తర్వాతా ఇంటి నుంచే పని చేయమని చెబుతున్నాయి. ఇలా వర్క్ ఫ్రమ్ హోమ్ ప్రస్తుతం మన జీవన విధానంలో ఓ కీలక భాగమైపోయింది. అయితే ఇలా పనిచేసే క్రమంలోనూ పనిపై పూర్తి శ్రద్ధ పెట్టాలన్నా, చక్కటి ఉత్పాదకతను అందించాలన్నా అచ్చం ఆఫీస్ లాంటి వాతావరణాన్నే ఇంట్లోనూ సృష్టించుకోక తప్పదంటున్నారు నిపుణులు.
కరోనా కారణంగా ఇప్పుడు చాలామంది ఇంటి నుంచే పని చేస్తున్నారు. వైరస్ అంతమయ్యేదాకా ఇదే పని విధానాన్ని కొనసాగించక తప్పదు. కొన్ని సంస్థలైతే తమ ఉద్యోగులకు కొవిడ్ తర్వాతా ఇంటి నుంచే పని చేయమని చెబుతున్నాయి. ఇలా వర్క్ ఫ్రమ్ హోమ్ ప్రస్తుతం మన జీవన విధానంలో ఓ కీలక భాగమైపోయింది. అయితే ఇలా పనిచేసే క్రమంలోనూ పనిపై పూర్తి శ్రద్ధ పెట్టాలన్నా, చక్కటి ఉత్పాదకతను అందించాలన్నా అచ్చం ఆఫీస్ లాంటి వాతావరణాన్నే ఇంట్లోనూ సృష్టించుకోక తప్పదంటున్నారు నిపుణులు. అందుకోసం ఇంటి అలంకరణలో, గదుల్లో పలు మార్పులు చేర్పులు చేసుకోవడం అవసరం అంటున్నారు. అవేంటో చూద్దాం రండి..
ఉన్నదాంట్లోనూ సర్దుకోవచ్చు!
పెద్ద ఇల్లు, విశాలమైన గదులు అందరికీ ఉండకపోవచ్చు.. సింగిల్ బెడ్రూమ్, డబుల్ బెడ్రూమ్లోనే కుటుంబ సభ్యులందరూ సర్దుకోవాల్సి రావచ్చు. ఇలాంటప్పుడు ఆఫీస్ స్పేస్ కోసం ప్రత్యేకమైన గది కేటాయించడం కుదరదు. అలాగని అందరి మధ్యా కూర్చొని పని చేయలేం. కాబట్టి ఉన్న స్థలంలోనే వర్క్ ఫ్రమ్ హోమ్ కోసం సర్దుబాటు చేసుకోవచ్చంటున్నారు నిపుణులు. ఈ క్రమంలో ఇంట్లో కాస్త విశాలంగా ఉన్న గదిని ఎంచుకొని అందులో మీకు సౌకర్యవంతంగా ఉండే చోట కాస్త స్థలాన్ని విభజించుకోవచ్చు. ఆ వీల్లేకపోతే.. మీ పడకగదిలోనే ఓ మూలన పార్టిషన్ చేసుకొని దాన్ని ఆఫీస్ స్పేస్ కోసం వాడుకోవచ్చు. ఇక ఇందులో మీకు నచ్చిన విధంగా టేబుల్ వేసుకోవడం, ఇండోర్ ప్లాంట్స్ అమర్చుకోవడం, అలంకరణ వస్తువులతో డెకరేట్ చేసుకోవడం.. ఇలా మీకు నచ్చినట్లుగా తీర్చిదిద్దుకోవచ్చు. తద్వారా ఏకాగ్రత పెరుగుతుంది.. మీ పనికి ఎలాంటి అంతరాయం కూడా కలగదు.
బాల్కనీని వివిధ రకాలుగా..!
మీ ఇంటి బాల్కనీ మీకు ఇష్టమైన ప్రదేశమా? మనసుకు ఒత్తిడి కలిగినప్పుడల్లా అక్కడే రిలాక్సవుతుంటారా? అయితే ఆ బాల్కనీనే ఆఫీస్ స్పేస్గా మార్చితే సరిపోతుందంటున్నారు నిపుణులు. ఇందుకోసం ప్రత్యేకించి అలంకరణ అక్కర్లేదు. ఎందుకంటే ఆ ప్రదేశంలో ఎలాగూ పచ్చపచ్చటి మొక్కలు, విండ్ఛైమ్స్.. వంటివి అమర్చే ఉంటారు కాబట్టి..! వీలైతే బాల్కనీలో ఓ కేన్ స్వింగ్ వేలాడదీస్తే సరి! మధ్యమధ్యలో అందులో సేదదీరుతూ ఆహ్లాదంగా పని చేసుకోవచ్చు. అలాగే వీకెండ్స్లో ఇదే బాల్కనీలో మీ కుటుంబ సభ్యులతో సరదాగా కబుర్లు చెప్పుకోవడం వంటివి చేయచ్చు. అంతేకాదు.. కాస్త విశాలంగా ఉన్న బాల్కనీలో అయితే ఓ మినీ జిమ్ కూడా ఏర్పాటు చేసుకోవచ్చు. ఇలా వివిధ రకాలుగా బాల్కనీని వాడుకోవచ్చు.
సౌకర్యానికే ప్రాధాన్యం!
ఇంటి నుంచి పని చేసే క్రమంలో కొంతమందికి కుర్చీలో కూర్చోవడం అలవాటు. మరికొంతమందికి కింద కూర్చుంటేనే సౌకర్యంగా ఉంటుంది.. ఇంకొంతమంది సోఫాలో అయితేనే అనువుగా పని చేయగలుగుతారు. కాబట్టి మీకు ఎలా నచ్చితే అలా పని చేయచ్చు.. ఇలా సౌకర్యానికి ప్రాధాన్యమిచ్చినప్పుడే మనం చేసే పనిపై ఏకాగ్రత పెరిగి చక్కటి అవుట్పుట్ను అందించే వీలుంటుంది. ఇలా మీ సౌకర్యార్థం ప్రస్తుతం మార్కెట్లో విభిన్నమైన అడ్జస్టబుల్ ఫ్లోర్ చెయిర్స్, ల్యాపీ పెట్టుకోవడానికి వీలుగా ఫ్లోర్ డెస్క్.. వంటివి అందుబాటులో ఉన్నాయి. వీటితో పాటు సోఫానే కావాలనుకుంటే అటు సేదదీరడానికి, ఇటు పని చేసుకోవడానికి సౌకర్యవంతంగా ఉండే ప్లే అండ్ వర్క్ సోఫాలు కూడా లభిస్తున్నాయి. కాబట్టి వీటిలో మీకు ఏది కావాలనుకుంటే దాన్ని ఎంచుకోవచ్చు.
సరైన వెలుతురూ ఉండాల్సిందే!
పనిచేసే చోట సరైన వెలుతురు లేకపోతే ఆ ప్రభావం కంటి మీద పడుతుంది. కాబట్టి మనం పని చేసే గదిలో సరైన వెలుతురు ఉండేలా చూసుకోవడం మంచిదంటున్నారు నిపుణులు. అలాగని ల్యాప్టాప్ స్క్రీన్ మీద ఎక్కువ వెలుతురు పడకుండా, నీడ పడకుండా చూసుకోవాలి. ఒకవేళ ఏదైనా రాతపూర్వకమైన పని చేయాల్సి వస్తే.. అందుకు డెస్క్ ల్యాంప్ సరైన ఎంపిక! సాధారణంగా ఆఫీసుల్లో డెకరేటివ్ ఎల్ఈడీ లైటింగ్ ఏర్పాటు చేస్తారు. దానివల్ల కళ్లపై ప్రభావం పడకుండా ఉంటుంది. కాబట్టి మీకు వీలుంటే ఇంట్లోనూ అలాంటి వెలుతురును ఏర్పాటు చేసుకోవచ్చు. ఇందుకోసం మార్కెట్లో విభిన్న రకాల డెకరేటివ్ ల్యాంప్స్, లైట్స్ అందుబాటులో ఉన్నాయి. ఇక పగటి పూట సహజసిద్ధంగా బయటి నుంచి వచ్చే వెలుతురు కోసం గది కిటికీలు, బాల్కనీ తలుపులు తెరిచి పెట్టుకోవడం మంచిది.
వంటగదిలో ఈ మార్పులు!
ఇంటి నుంచి పని చేస్తోన్న మహిళలు ఇటు ఇంటి పనులు, అటు ఆఫీస్ పనులు సమన్వయం చేసుకోలేక సతమతమైపోతున్నారు. వంట చేసే క్రమంలో కిచెన్లో ఎక్కువ సమయం గడపాల్సి రావడంతో వీరిపై ఒత్తిడి పెరిగిపోతుంది. అయితే వంటగదిలోని వస్తువులన్నీ అందుబాటులో, పొందికగా సర్దుకుంటే పని ఈజీ అవుతుందంటున్నారు నిపుణులు. ఈ క్రమంలో రోజూ వాడే వస్తువుల్ని మీ చేతికి అందుబాటులో ఉండేలా అమర్చుకోవడం, డబ్బాల్లో సరుకులు ఎప్పటికప్పుడు నింపుకోవడం, వారాంతాల్లో సమయం దొరికినప్పుడు ఆరోగ్యకరమైన స్నాక్స్ తయారుచేసి పెట్టుకోవడం.. వంటివి చేస్తే వంటగదిలో ఎక్కువ సమయం గడపాల్సిన అవసరం ఉండదు. తద్వారా ఆ ఒత్తిడి పనిపై పడకుండా జాగ్రత్తపడచ్చు.
వర్క్ ఫ్రమ్ హోమ్ చేసే వారు అనువుగా, సౌకర్యవంతంగా పని చేసుకోవాలంటే ఇంట్లో చేసుకోవాల్సిన కొన్ని మార్పులేంటో తెలుసుకున్నారుగా! సో.. ఈ చిట్కాలన్నీ పాటిస్తే అటు ఏకాగ్రతతో పని చేసుకోవచ్చు.. మంచి ఉత్పాదకతనూ సంస్థకు అందించచ్చు.. తద్వారా కెరీర్లో అభివృద్ధి సాధించచ్చు!
ఇదేవిధంగా ఇంటి నుంచి పని చేసే క్రమంలో మీరు పాటిస్తున్న ఇతర చిట్కాలేవైనా ఉంటే పంచుకోండి. మీలాంటి మహిళలెందరికో అవి ఉపయోగపడచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- ఈ వేసవి సమస్యలకు.. ఇలా చెక్ పెట్టేయండి!
- బుజ్జాయిలకూ గ్యాడ్జెట్లు..!
- హెయిర్ డై.. మచ్చలుపడితే..!
- సెరమైడ్స్... మాయ చేసేనా?
- ఫోన్ స్ట్రాప్స్ వాడుతున్నారా?
ఆరోగ్యమస్తు
- అన్నీ తినాలి మరి!
- అందుకే పుచ్చకాయతో పాటు గింజలూ తినాలట!
- నవ్వితే లాభాలెన్నో!
- చెమట వల్ల.. అక్కడ ఇన్ఫెక్షన్లు తలెత్తకుండా..!
- పరగడుపున పండ్ల రసం తీసుకోవచ్చా?
అనుబంధం
- టిక్ టాక్ టో ఆడిద్దామా!
- వద్దంటే.. ఆ విషయం మా ఇంట్లో చెప్తానని బెదిరిస్తున్నాడు..!
- పిల్లలు ఇంట్లో ఒంటరిగా ఉంటున్నారా?
- అసహనం వద్దు..!
- ఆడిద్దామా... స్పడ్!
యూత్ కార్నర్
- ఈ అమ్మాయిలు... యునిసెఫ్ అంబాసిడర్లు!
- నవ్వుల మారాణులు!
- ఇద్దరమ్మాయిలు.. కలలు కన్నారు.. సాధించారు!
- స్పాంజ్ టెక్నాలజీతో నీటి వడబోత
- ధనుష్య... వేడుకను చిత్రించేస్తుంది!
'స్వీట్' హోం
- ఇంట్లోనూ... సీతాకోక చిలకల సోయగం...
- కిచెన్లో దుర్వాసనలు పోవాలంటే..!
- ఏకాగ్రత పెంచే వామనగుంటలు
- ఎండ వేడిమిని తరిమేసే చల్లని ‘టీ’లు..!
- అక్వేరియం చల్లగా ఉండాలంటే..!
వర్క్ & లైఫ్
- ఆ మౌనానికి కారణం తెలుసా!
- సరదా తప్పులు!
- అతిగా బాధపడుతున్నారా..? ఇలా బయటపడండి..!
- Rashmika: అందుకే అప్పుడు అర్ధరాత్రి ఒంటి గంటకు జిమ్కి వెళ్లా!
- అక్కడ మహిళా ఓటర్లదే హవా!