Breaking | Feedback | ePratibha | E-PAPER | Pratibha

చర్మం పొడిబారుతోంది.. ఏం చేయాలి?

హాయ్ మేడం. నా వయసు 40 ఏళ్లు. నా చర్మ రంగు చామనఛాయ. నా చర్మం బాగా పొడిగా ఉంటుంది. సన్‌స్క్రీన్ లోషన్ కూడా ఏమీ వాడట్లేదు. దానివల్ల ముఖం బాగా నిర్జీవంగా మారుతోంది. ఈ సమస్యల నుంచి గట్టెక్కాలంటే నేను ఎలాంటి క్రీమ్స్ వాడాలో చెప్పండి? - ఓ సోదరి

Published : 23 Jan 2022 14:53 IST

జ: చర్మం పొడిబారిపోతోందంటే క్రమంగా తేమను కోల్పోతున్నట్లే లెక్క. ఆ తేమను తిరిగి పొందాలంటే మాయిశ్చరైజర్ ఆధారిత క్రీమ్స్ వాడాల్సి ఉంటుంది. అది కూడా రాత్రి పూట పడుకునే ముందు అప్త్లె చేసుకుంటే రాత్రంతా ఇది చర్మంలోకి బాగా ఇంకిపోయే అవకాశం ఉంటుంది. అలాంటి క్రీమ్స్‌తో పాటు ఇంట్లో లభించే పాల మీగడను కూడా అప్త్లె చేసుకోవచ్చు.

అయితే ఇందుకోసం ముందుగా ఆ మీగడను బాగా గిలక్కొట్టాలి. తద్వారా అది మృదువైన క్రీమ్‌లా మారుతుంది. ఇలా తయారైన క్రీమ్‌ని రోజులో ఎప్పుడైనా చర్మానికి అప్త్లె చేసుకొని రెండుమూడు గంటల పాటు అలాగే ఉంచుకోవాలి. ఈ చిట్కాని సరిగ్గా నెల రోజులు పాటిస్తే చక్కటి ఫలితం కనిపిస్తుంది.

మీగడ వాడినా ఫలితం లేకపోతే బాదం నూనెను ప్రయత్నించచ్చు. ఇందుకోసం అర టేబుల్‌స్పూన్ బాదం నూనెను ముఖానికి అప్త్లె చేసుకొని రెండు గంటల పాటు అలాగే ఉంచుకుంటే పొడిబారిన చర్మానికి ఇట్టే పరిష్కారం లభిస్తుంది.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.