close
Published : 15/11/2021 20:17 IST

ఆ మార్పుల్ని అంగీకరించాలి!

(Photo: Instagram)

అమ్మయ్యాక ఆడవాళ్ల శరీరంలో ఎన్నెన్నో మార్పులు చోటుచేసుకుంటాయి. బరువు పెరగడం, జుట్టు రాలిపోవడం, అందం తగ్గిపోవడం.. వంటివి వీటిలో కొన్ని! అయితే ఇవి ప్రతికూలతలే అయినా సానుకూలంగా స్వీకరించినప్పుడే సంతోషంగా ఉండగలం అంటోంది బాలీవుడ్‌ ముద్దుగుమ్మ అనుష్కా శర్మ. ఈ ఏడాది జనవరిలో వామిక అనే పాపకు జన్మనిచ్చిన ఆమె.. ప్రస్తుతం అమ్మతనాన్ని సంపూర్ణంగా ఆస్వాదిస్తోంది. అయితే అందరు ఆడవాళ్లలాగే తానూ మొదట్లో ప్రసవానంతర మార్పుల్ని సానుకూలంగా స్వీకరించలేకపోయానంటోందీ బాలీవుడ్‌ మామ్‌. తన భర్త విరాట్‌ సహాయంతో ఈ మానసిక స్థితి నుంచి బయటపడ్డ ఆమె.. ఎలా ఉన్నా మనల్ని మనం అంగీకరించినప్పుడే హ్యాపీగా, ఆరోగ్యంగా ఉండచ్చంటూ.. తన ప్రసవానంతర సమస్యల గురించి ఇటీవలే ఓ సందర్భంలో పంచుకుంది.

మోస్ట్‌ లవబుల్‌ సెలబ్రిటీ కపుల్‌గా పేరు గాంచారు అనుష్కా శర్మ – విరాట్‌ కోహ్లీ జంట. ఈ ఏడాది జనవరిలో వామిక అనే పాపకు జన్మనిచ్చిన ఈ అందాల జంట.. ప్రస్తుతం తమ తమ వృత్తుల్లో బిజీగా ఉన్నా.. తన చిన్నారి ఆలనా పాలనకు తగిన సమయం కేటాయిస్తున్నారు. ఈ క్రమంలోనే తమ కూతురితో కలిసి దిగిన ఫొటోల్ని ఎప్పటికప్పుడు సోషల్‌ మీడియాలో పంచుకుంటూ మురిసిపోతోందీ జంట.

అసహ్యించుకుంటానేమోనని భయమేసింది!

అమ్మయ్యాక ప్రతి మహిళ శరీరంలో పలు మార్పులు చోటుచేసుకోవడం సహజంగా జరిగే ప్రక్రియే! ఈ విషయం తెలిసినా తమ శరీరాన్ని అంగీకరించడానికి మాత్రం ఒప్పుకోరు చాలామంది మహిళలు. తానూ అలాగే చేశానంటోంది అనుష్క.
‘బిడ్డ పుట్టాక తల్లులు బరువు పెరిగిపోయి ఫిట్‌నెస్‌ కోల్పోవడం సహజమే. ఇలా తమ శరీరాకృతిని చూసుకొని బాధపడిపోతుంటారు చాలామంది. వామిక పుట్టాక కొన్ని రోజులకు నేనూ ఈ విషయంలో మథనపడ్డా. ముఖ్యంగా.. ఫిట్‌నెస్‌ కోల్పోయిన నా శరీరాన్ని చూసుకొని అసహ్యించుకుంటానేమోనని పదే పదే ఆలోచించేదాన్ని. అందుకే పూర్వపు స్థితికి చేరుకోవడానికి, ఫిట్‌నెస్‌ను పెంచుకోవడానికి వ్యాయామాలు చేసేదాన్ని. అప్పుడప్పుడూ విరాట్‌కి గత ఫొటోలు చూపిస్తూ.. ‘అప్పుడు నేను ఎంత అందంగా ఉన్నానో చూడు!’ అనేదాన్ని. అప్పుడు తను.. ‘నువ్విలా మారడం వెనకున్న అసలు వాస్తవాన్ని (అంటే.. అన్నింటికన్నా మించిన అమ్మతనాన్ని పొందగలిగానని) గుర్తిస్తే ప్రస్తుత ఫొటో కూడా నీ కంటికి అద్భుతంగా కనిపిస్తుంది..’ అంటూ నా మనసులోని నెగెటివిటీని దూరం చేసేవాడు.. ఇప్పుడనే కాదు.. నా మొదటి త్రైమాసికంలోనూ విరాట్‌ నా పక్కనే ఉండి.. ఆ సమయంలో నా మనసులో కలిగిన ఆందోళనలన్నీ దూరం చేశాడు..’

అంగీకరించడంలోనే ఆనందముంది!

‘ఇలా విరాట్‌ ప్రోత్సాహంతో నా మనసులోని ఆలోచనల్ని క్రమంగా మార్చుకునే ప్రయత్నం చేశా. నన్ను నేను అంగీకరించుకుంటూ, నా శరీరాన్ని ప్రేమించుకుంటూ ముందుకు సాగా. ఇలాంటి సానుకూల దృక్పథం మనల్ని మనకే సరికొత్తగా చూపిస్తుంది. భవిష్యత్తులో నా కూతురిని కూడా ఇలాంటి పాజిటివ్‌ మైండ్‌సెట్‌తోనే పెంచాలని నిర్ణయించుకున్నా. ఎవరైతే సమాజం నిర్ణయించే సౌందర్య ప్రమాణాలను పట్టించుకోకుండా.. ఎలా ఉన్నా తమ శరీరాన్ని ప్రేమించుకుంటూ, అంగీకరించుకుంటూ ముందుకు సాగుతారో వారిలోనే అపారమైన ఆత్మవిశ్వాసం ఉంటుంది..’ అంటోందీ అందాల అమ్మ.

ఇలా తన అనుభవాలతో ప్రసవానంతర మార్పుల గురించి మహిళలందరిలో స్ఫూర్తి నింపిందీ బాలీవుడ్‌ బ్యూటీ.


Advertisement

మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి