Updated : 21/10/2022 04:35 IST

ఎండిపోయినా వాడొచ్చు!

మేకప్‌కి సాధారణంగానే సమయం ఎక్కువ తీసుకుంటుంది. ఆ హడావుడిలో వాటిని జాగ్రత్త చేయడం మరిచిపోతుంటాం. దీంతో లిక్విడ్‌వి గడ్డకట్టేస్తుంటాయి. బోలెడు డబ్బులు పోసి కొన్నవి వృథా అవుతుంటే ప్రాణం ఉసూరుమంటుంది కదా! ఈ చిట్కాలు పాటించేయండి.

* మస్కారా.. వేడినీటిలో మునిగేలా మస్కారా ట్యూబ్‌ని కొద్దిసేపు ఉంచితే సరి. ఐడ్రాప్స్‌, కాంటాక్ట్‌ లెన్స్‌ సొల్యూషన్‌ కొన్ని చుక్కలు వేసి కదిపినా చాలు. లేదూ ఆలివ్‌, ఆల్మండ్‌, ఆముదం 2, 3 చుక్కలు కలిపి చూడండి. తాజా కలబంద గుజ్జును వేసి బాగా కదిపినా కరుగుతుంది. తిరిగి చక్కగా వాడేసుకోవచ్చు.

* లిప్‌స్టిక్‌.. తరచూ వేసుకోని వాళ్లే ఎక్కువ. కాబట్టి, ఎండిపోవడం సహజమే. వాడాలనుకున్నప్పుడు హెయిర్‌ డ్రైయర్‌ ముందు 5 నిమిషాలు ఉంచండి. కొబ్బరి నూనె 4-5 చుక్కలు వేసి కాసేపు పక్కన ఉంచినా వాడుకోవడానికి వీలుగా మారుతుంది. లిప్‌గ్లాస్‌ గడ్డకడితే వేడి నీటిలో ఉంచితే సరి.

* ఐలైనర్‌.. వేడినీటిలో కొద్దిచుక్కల గ్లిజరిన్‌ వేసి, ఐలైనర్‌ బ్రష్‌ని కొద్దిసేపు దానిలో ముంచండి. అది కరగడమే కాదు.. త్వరగా గడ్డకట్టదు కూడా. ఐలైనర్‌ బాటిల్‌లో కొన్నిచుక్కలు ఐడ్రాప్స్‌ వేసి, టూత్‌పిక్‌తో కలిపితే సరి. మళ్లీ వాడడానికి సిద్ధం.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని