103 ఏళ్ల వయసులో ఆకాశం నుంచి దూకేసింది..!
వయసు, కుటుంబ బాధ్యతలు, ఆర్ధిక పరిస్థితులు వంటి కారణాలు చూపిస్తూ కొంతమంది తమ లక్ష్యాల నుంచి దూరం జరుగుతుంటారు. కానీ, మరికొంతమంది కృషి, పట్టుదల ఉంటే అనుకున్న లక్ష్యాన్ని సాధించవచ్చని నిరూపిస్తూనే ఉన్నారు. అందులోనూ లక్ష్యాలను సాధించడానిక...
వయసు, కుటుంబ బాధ్యతలు, ఆర్ధిక పరిస్థితులు వంటి కారణాలు చూపిస్తూ కొంతమంది తమ లక్ష్యాల నుంచి దూరం జరుగుతుంటారు. కానీ, మరికొంతమంది కృషి, పట్టుదల ఉంటే అనుకున్న లక్ష్యాన్ని సాధించవచ్చని నిరూపిస్తూనే ఉన్నారు. అందులోనూ లక్ష్యాలను సాధించడానికి వయసు ఏమాత్రం అడ్డంకి కాదని మలివయసులో సైతం పలు సాహసాలు చేస్తూ రికార్డులు సృష్టిస్తున్నారు. తాజాగా 103 ఏళ్ల వయసులో రూత్ లార్సన్ అనే బామ్మ ప్యారాచూట్ జంప్ చేసి గిన్నిస్ వరల్డ్ రికార్డ్ సాధించారు.
తొంభైల్లో మొదలుపెట్టి...
స్వీడన్కు చెందిన రూత్ లార్సన్ అనే బామ్మ తొంభైల్లో ఉన్నప్పుడే ఆకాశంలో ఎగరాలని అనుకున్నారు. అనుకున్నదే తడవుగా తన వయసును సైతం లెక్క చేయకుండా పారాగ్లైడింగ్, గ్లైడింగ్, బెలూనింగ్.. వంటివి చేయడం ప్రారంభించారు. అలా 2019లో మొదటిసారి ప్యారాచూట్ జంప్ చేశారు. అప్పుడు ఆమె వయసు 101 సంవత్సరాలు. కానీ, అప్పుడు ఎలాంటి రికార్డూ నమోదు కాలేదు. ఎందుకంటే అంతకుముందు కొన్ని నెలల క్రితం అమెరికాకు చెందిన కాథరిన్ 103 ఏళ్ల 129 రోజుల వయసులో ప్యారాచూట్ జంప్ చేశారు. అయితే రూత్ లార్సన్ తాజాగా ఈ రికార్డును తిరగరాశారు. ప్యారాచూట్ జంప్ నిపుణుడితో కలిసి ఆమె గిన్నిస్ వరల్డ్ రికార్డ్స్ వారి సమక్షంలో ఈ ఫీట్ పూర్తి చేశారు.
ఫీట్ చేసిన రోజు ఆమె వయసు 103 ఏళ్ల 259 రోజులు. దాంతో ఆమె ప్రపంచంలోనే ప్యారాచూట్ జంప్ చేసిన వృద్ధ మహిళగా రికార్డును సొంతం చేసుకున్నారు. అలాగే గిన్నిస్ వరల్డ్ రికార్డ్స్ వారి నుంచి ప్రశంసా పత్రాన్ని కూడా పొందారు.
కేక్తో సెలబ్రేట్ చేసుకుంటా..!
జంప్ చేసిన తర్వాత మీడియాతో మాట్లాడుతూ ‘ప్యారాచూట్ జంప్ చేయడం చాలా సంతోషంగా ఉంది. ఎప్పటినుంచో దీనిని సాధించాలనుకుంటున్నాను. ఈ రోజుతో నా కల సాకారమైంది’ అని చెప్పుకొచ్చారు. ఈ సందర్భంగా ఆకాశంలో ఉన్నప్పుడు ఎలాంటి అనుభూతిని పొందారు? అని అడగ్గా ‘కొద్ది రోజుల నుంచి నా చూపు మందగించింది. కానీ చాలా ఆనందంగా ఉంది. ఆకాశం నుంచి నెమ్మదిగా కిందికి వస్తున్నప్పుడు అద్భుతంగా అనిపించింది’ అని చెప్పుకొచ్చారు. ఈ విజయాన్ని కేక్తో సెలబ్రేట్ చేసుకుంటానని చెప్పారామె. లార్సన్ ప్యారాచూట్ జంప్ చేసిన వీడియో నెట్టింట వైరలవుతోంది. మీరూ ఓ లుక్కేయండి మరి!
ఆ రికార్డును చెరిపేసి..
అంతకుముందు అమెరికాకు చెందిన ఆల్ఫ్రెడ్ 103 ఏళ్ల 181 రోజుల వయసులో 14000 అడుగుల ఎత్తు నుంచి ట్యాండెమ్ జంప్ చేసి ప్రపంచ రికార్డు సృష్టించారు. తాజాగా లార్సన్ ఈ రికార్డును కూడా చెరిపేయడం విశేషం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- వేసవిలో ట్యాన్ సమస్య తగ్గాలంటే..!
- అడ్డిగ... అందాల నగ!
- ఇలా చేస్తే.. అందం తగ్గదు..!
- నాకు ఏ క్రీమ్?
- స్ట్రెచ్ మార్క్స్.. తగ్గట్లేదా..?
ఆరోగ్యమస్తు
- అందుకే వీటిని ఇలా తీసుకోవాలట..!
- వసంతంలో ఆరోగ్య జాగ్రత్తలు..!
- ప్రెగ్నెన్సీ.. ఈ జాగ్రత్తలు పాటిస్తున్నారా?
- ఉత్తేజంగా మారాలంటే..!
- రక్తహీనత తగ్గించే బీట్రూట్!
అనుబంధం
- ఒక మెట్టు దిగితే చాలు...
- ఆ అమ్మాయితో ఆ చాటింగ్.. ఆయన్ని నమ్మలేకపోతున్నా..!
- అలా చదివితే మేలే...
- చిన్నవే... చక్కదిద్దుతాయి!
- యుక్త వయసు నుంచీ...!
యూత్ కార్నర్
- అప్పుడు ఫ్యాన్... ఇప్పుడందరి ఫేవరెట్!
- భూగోళాన్ని చుట్టేస్తానంటోంది!
- దాంతో మాట్లాడుతుంటే మతి పోయిందనేవాళ్లు!
- ఎరీ... ఆ ఊరి పట్టు..!
- అందరికీ నచ్చేవి.. నాకు నచ్చవు.. ఎందుకిలా?
'స్వీట్' హోం
- పుల్లటి పెరుగుతో.. పెరిగే రుచి!
- రిస్క్ లేకుండా దాచేద్దాం!
- వేసవిలో ఇల్లు చల్లగా...
- కళ్లు తిరిగే కార్పెట్లు...
- ఆ చోటు గుర్తిస్తే చాలు...
వర్క్ & లైఫ్
- మీకు ‘ట్రావెలింగ్’ అంటే ఇష్టమా..?
- పనికి ‘బ్రేక్’ వేయండి!
- ఇవి టైంపాస్ కోసమే కాదు.. సంపాదనకూ..!
- మారాలని గట్టిగా అనుకోండి!
- Samantha: చిన్న చిట్కాలతోనే 45 కిలోల బరువు తగ్గా..!