Breaking | Feedback | ePratibha | E-PAPER | Pratibha

అంతరిక్షంలోకి తొలి చైనా మహిళ

స్పేస్‌ స్టేషన్‌ నిర్మాణానికి అంతరిక్షానికి చైనా ముగ్గురు వ్యోమగాములను పంపింది. వాళ్లలో వాంగ్‌యాపింగ్‌ ఒకరు. తాజాగా తన బృందంతో కలిసి అక్కడ నిర్మాణ పనుల్లో పాల్గొంది. అలా

Updated : 03 Dec 2021 06:05 IST

చైనా తన దేశం తరఫున స్పేస్‌స్టేషన్‌ నిర్మాణం చేపడుతోంది. అందులో భాగంగా వాంగ్‌యాపింగ్‌ ఈ ఏడాది అక్టోబరు 16న అంతరిక్షానికి చేరుకుంది. వచ్చే ఏడాదికి ఈ పనులు పూర్తికానున్నాయి. ఇందుకోసం ఆరు నెలలపాటు వ్యోమగాముల బృందం అక్కడే ఉండి పనులు చేపడుతుంది. ఇందులో భాగంగా మాడ్యూల్‌ నుంచి బయటకు వచ్చి ఆరున్నర గంటలు తన బృందంతో కలిసి నిర్మాణ పనుల్లో పాల్గొని, తిరిగి మాడ్యూల్‌కు క్షేమంగా చేరుకుంది. దీంతో స్పేస్‌వాక్‌ చేసిన తొలి చైనా మహిళా వ్యోమగామిగా నిలిచిందీమె.

చిన్నప్పటి కల... షాన్‌డాంగ్‌కు చెందిన వాంగ్‌కి బాల్యం నుంచి వ్యోమగామి కావాలని కల. చదువు పూర్తయ్యాక 1997లో పీపుల్స్‌ లిబరేషన్‌ ఆర్మీ ఎయిర్‌ ఫోర్స్‌లో చేరి డిప్యూటీ స్వాడ్రన్‌ కమాండర్‌గా విధులు నిర్వహించింది. మే, 2010లో పీఎల్‌ఏ ఆస్ట్రోనాట్‌ డివిజన్‌లో సెకండ్‌ గ్రూప్‌ ఆఫ్‌ ఆస్ట్రోనాట్‌గా చేరింది. రెండేళ్లకు స్పేస్‌కు సంబంధించిన పలు మిషన్స్‌కు బ్యాక్‌అప్‌ క్రూగా పనిచేసి తనకంటూ ప్రత్యేక స్థానాన్ని సంపాదించుకుంది. ప్రస్తుత అవకాశానికి 2019 డిసెంబరులోనే ఎంపికైంది. శిక్షణ అనంతరం ఈ ఏడాది సెప్టెంబరులో అంతరిక్షంలోకి అడుగుపెట్టి, స్పేస్‌వాక్‌ చేసి చైనా నుంచి ఈ అవకాశం దక్కించుకున్న రెండో వ్యోమగామిగానూ నిలిచింది. 41 ఏళ్ల వాంగ్‌కు భర్త, అయిదేళ్ల పాప ఉన్నారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.