Published : 23/12/2021 00:49 IST

అంతా మహిళలే... ఆస్కార్‌ బరిలో

దహారేళ్లుగా దళిత మహిళలు అన్నీ తామై నడిపిస్తున్న పత్రిక ‘కబర్‌ లెహరియా’. యూపీలో నడిచే ఈ పత్రిక ఇప్పుడు వార్తల్లోకి రావడానికి కారణం... ‘రైటింగ్‌ విత్‌ ఫైర్‌’ అనే డాక్యుమెంటరీ చిత్రం. కబర్‌ లెహరియాని నడిపే మహిళా రిపోర్టర్లపై తీసిన చిత్రమే ఇది. రింటూ థామస్‌, సుస్మితాఘోష్‌లు దర్శకత్వం వహించిన ఈ చిత్రం డాక్యుమెంటరీ విభాగంలో ఈ ఏడాది  ఆస్కార్‌బరిలో నిలవడం విశేషం. ‘నెలకి అరకోటి మందికిపైగా చేరువయ్యే ఈ పత్రిక వెనుక పాతిక మంది మహిళల కష్టం ఉంది. లింగవివక్ష అధికంగా ఉండే యూపీ, మధ్యప్రదేశ్‌లలో జరిగే వార్తల ఆధారంగా ఈ పత్రిక వెలువడుతుంది. ఇలాంటి ప్రాంతంలో కులవివక్షను తట్టుకుని వార్తలు సేకరించడం అంత తేలికైన విషయం కాదు. వారిచ్చిన స్ఫూర్తితోనే ఈ డాక్యుమెంటరీని నిర్మించాం. ఈ క్రమంలో ఎంతోమంది అత్యాచార బాధితులని, గృహహింసబాధితులని కలిసి ఎన్నో నెలలు కష్టపడి ఈ చిత్రాన్ని తీశాం’ అన్నారు దిల్లీలోని జామియామిలియా యూనివర్సిటీలో మాస్‌కమ్యునికేషన్‌లో డిగ్రీ చేసిన రింటూథామస్‌.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని