డైటింగ్ చేయకుండానే బరువు తగ్గాలంటే..!
చక్కటి శరీరాకృతి అంటే కొన్ని కొలతల ప్రకారం ఇలాగే ఉండాలి అనుకుంటారు. ఉదాహరణకు లావుగా ఉండేవారు సన్నగా, నాజూగ్గా ఉండాలన్న కోరికతో ఎన్నో ప్రయత్నాలు చేస్తుంటారు. కొందరు విపరీతమైన వర్కవుట్లు...
చక్కటి శరీరాకృతి అంటే కొన్ని కొలతల ప్రకారం ఇలాగే ఉండాలి అనుకుంటారు. ఉదాహరణకు లావుగా ఉండేవారు సన్నగా, నాజూగ్గా ఉండాలన్న కోరికతో ఎన్నో ప్రయత్నాలు చేస్తుంటారు. కొందరు విపరీతమైన వర్కవుట్లు మొదలుపెడితే.. మరికొందరు తమ ఆహారపుటలవాట్లలో మార్పులు చేసుకుంటుంటారు.. ఇంకొందరైతే డైటింగ్ పేరుతో పూర్తిగా నోరు కట్టేసుకుంటుంటారు. అయితే ఎలా ఉన్నా సరే మనల్ని మనం ప్రేమించుకోవాలి.. ఆరోగ్యకరమైన జీవనశైలిని పాటించాలి.. తినేది పూర్తిగా మనసు పెట్టి తినాలి.. అప్పుడే అన్ని రకాలుగా ఆరోగ్యంగా ఉండగలుగుతాం.. ఈ భావనను పెంపొందించే లక్ష్యంతోనే ఏటా మే ౬న ‘నో డైట్ డే’ నిర్వహిస్తారు. ఈ క్రమంలో మరి డైటింగ్తో పనిలేకుండా బరువు తగ్గి, ఆరోగ్యంగా ఉండడమెలాగో తెలుసుకుందాం రండి...
చక్కెర తగ్గించండి..
బరువు తగ్గాలనుకొనేవారు చక్కెర స్థాయులు ఎక్కువగా ఉండే పానీయాలు, ఆహార పదార్థాలకు సాధ్యమైనంత దూరంగా ఉండడం మంచిది. ఎందుకంటే ఇందులో ఉండే చక్కెర శరీరంలోకి చేరుతుంది. ఫలితంగా బరువు పెరిగే అవకాశం ఉంటుంది. కాబట్టి చక్కెర వేయకుండా తయారు చేసిన నిమ్మరసం, పండ్ల రసాలు, నీరు ఎక్కువగా తీసుకోవడం మంచిది. దీనివల్ల బరువు తగ్గడంతో పాటు ఆరోగ్యంగా కూడా ఉండచ్చు.
కూరగాయలెక్కువ..
డైటింగ్ చేయకుండానే బరువు తగ్గాలనుకునే వారు రోజువారీ ఆహారంలో భాగంగా కూరగాయల్ని ఎక్కువగా తీసుకోవాలి. వీటిని సలాడ్స్ రూపంలో లేదంటే ఉడికించుకుని కూడా తీసుకోవచ్చు. ఒకవేళ ఇలా తినాలనిపించకపోతే వాటిపై కాస్త నిమ్మరసం పిండుకుంటే రుచిగా ఉండడంతో పాటు బరువు కూడా తగ్గుతుంది.
విశ్రాంతి ఎక్కువగా..
నిద్రలేమితో బాధపడే వారికి ఎదురయ్యే సాధారణ సమస్య బరువు పెరగడం. కాబట్టి రాత్రుళ్లు కనీసం ఏడెనిమిది గంటల పాటు హాయిగా.. ఎలాంటి ఒత్తిళ్లు లేకుండా నిద్ర పోవడం వల్ల సులభంగా బరువు తగ్గొచ్చని వివిధ అధ్యయనాల్లో వెల్లడైంది. అలాగే ఖాళీగా ఉన్నప్పుడు అనవసరమైన పనులతో సమయాన్ని వృథా చేసుకోకుండా ప్రశాంతంగా నిద్రపోవాలి. దీంతో శరీరానికి, మనసుకు విశ్రాంతి లభించి తద్వారా బరువు కూడా అదుపులో ఉంటుంది.
గ్రీన్ టీతో..
బరువు తగ్గడానికి ఎక్కువమంది నిపుణులు సూచించే పానీయం గ్రీన్ టీ. ఇందులో ఉండే ఫైటోకెమికల్స్ వల్ల శరీరంలోని అదనపు క్యాలరీలు త్వరగా కరుగుతాయని కొన్ని అధ్యయనాలు పేర్కొంటున్నాయి. కాబట్టి డైటింగ్ అవసరం లేకుండా బరువు తగ్గాలనుకునే వారు గ్రీన్ టీని రోజువారీ మెనూలో భాగం చేసుకోవడం మంచిది.
క్యాలరీలు తక్కువగా..
డైటింగ్ చేయకుండా బరువు తగ్గాలనుకోవడం మంచిదే. అయితే అలాంటి వారు తీసుకునే ఆహారంలో క్యాలరీలు తక్కువగా ఉండేలా చూసుకోవడం కూడా చాలా ముఖ్యం. ఇందుకోసం ఓట్స్, బ్రౌన్ రైస్, బార్లీ.. వంటి క్యాలరీలు తక్కువగా ఉండే పదార్థాల్ని రోజువారీ ఆహారంలో భాగం చేసుకోవాలి. అలాగే క్యాలరీలు, కొవ్వులు తక్కువగా ఉండే వెజిటబుల్, టమాటా.. వంటి సూప్లను కూడా మెనూలో చేర్చుకుంటే మరీ మంచిది.
యోగాతో..
రోజూ యోగా చేయడం వల్ల కూడా డైటింగ్తో పనిలేకుండా అధిక బరువు నుంచి విముక్తి పొందచ్చు. ఎవరైతే రోజూ క్రమం తప్పకుండా యోగా చేస్తారో వారు.. యోగా చేయని వారితో పోలిస్తే తక్కువ బరువుంటారని ఓ అధ్యయనంలో వెల్లడైంది. అలాగే యోగా వల్ల ఎలాంటి ఒత్తిళ్లు లేకుండా మానసిక ప్రశాంతత లభించి ఎక్కువ తినే అలవాటు దూరమవుతుందని నిపుణులు చెబుతున్నారు. కాబట్టి రోజూ కనీసం పావుగంట యోగా, పది నిమిషాల చొప్పున నడక, జాగింగ్.. వంటివి వ్యాయామంలో భాగం చేసుకుంటే మంచి ఫలితాల్ని పొందచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
- ధవళవర్ణంలో దేవకన్యలా..!
- తారలు మెచ్చిన ‘ఫుల్కారీ’ ఫ్యాషన్.. ఈ స్టైలిష్ ట్రెండ్ గురించి తెలుసా?
- పొడవైన శిరోజాలతో... గిన్నిస్బుక్లో..!
- ఈ ఆహారంతో జుట్టు ఆరోగ్యంగా..!
ఆరోగ్యమస్తు
- వీటితో.. కడుపు చల్లగా.. ఆరోగ్యంగా..!
- చనుబాలు ఎక్కువగా వస్తున్నాయి.. తగ్గేదెలా?
- మెనోపాజా... వ్యాయామం చేయండి!
- ఎండకో గొడుగు..!
- హార్మోన్లు సమతులంగా ఉండాలంటే..!
అనుబంధం
- నాన్నంటే భయపడుతున్నారు..!
- ప్రయోగాలతో నేర్పిద్దామా?
- పెంపకం బట్టి ఎదుగుతారు.!
- బద్ధకపు భర్తతో వేగలేకపోతున్నారా?
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
యూత్ కార్నర్
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
- వేసవి కథ!
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
'స్వీట్' హోం
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
వర్క్ & లైఫ్
- థైరాయిడ్తో బరువు పెరిగా...
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!
- విజయానికి అందం అడ్డయ్యింది!