Breaking | Feedback | ePratibha | E-PAPER | Pratibha

విరామం తర్వాత ఉద్యోగానికి వెళ్తున్నారా?

ఓ ప్రైవేటు సంస్థలో పనిచేసే సుజాతకు పెళ్లికావడం, ఆ తర్వాత ఇద్దరు పిల్లలు పుట్టడంతో కెరియర్‌కు విరామం ఇవ్వాల్సి వచ్చింది. ఎనిమిదేళ్ల తర్వాత తిరిగి విధుల్లో చేరాలనుకుంటోంది. ఇలాంటివారికి కెరీర్‌ నిపుణులు కొన్ని సూచనలిస్తున్నారు. అవేంటంటే...

Published : 13 Sep 2021 00:42 IST

అనుమానం వద్దు... ఇన్నేళ్ల తర్వాత తిరిగి ఉద్యోగాన్ని సంపాదించుకోగలుగుతామా అనే సందేహాన్ని మొదట మనసులోంచి తీసేయాలి. ఆత్మవిశ్వాసంతో ఉండాలి. గతంలోని విద్యార్హతతోపాటు అప్పటి అనుభవం ఇప్పుడు కూడా ఉపయోగపడుతుంది. అయితే ప్రస్తుత పరిస్థితులకు తగ్గట్లు కొంత అప్‌డేషన్‌ అవసరం. ఆ నైపుణ్యాలను పెంచుకోగలిగితే చాలు. ఉద్యోగాన్ని సంపాదించగలరు.

రెజ్యూమ్‌ కొత్తగా...: ఏ ఉద్యోగానికైనా దరఖాస్తు చేసుకునేటప్పుడు మీ అర్హతలన్నీ చూపించేది రెజ్యూమే. అది కాస్త సృజనాత్మకంగా, మీ ఆలోచనలకు అద్దం పట్టేలా చూసుకోండి. అలానే అందులో మీ తాజా నైపుణ్యాల్నీ పొందుపరచండి. ఇవన్నీ ఉద్యోగవేటలో మీకు సానుకూలాంశాలు అవుతాయి.

స్పష్టత అవసరం: విరామం తర్వాత ఉద్యోగానికి వెళ్లాలనుకోవడం మంచిదే. కానీ ఇంటినీ, ఉద్యోగాన్నీ సమన్వయం చేసుకోగలరో లేదో స్పష్టత తెచ్చుకోండి. సందిగ్ధావస్థ ఉంటే... ప్రత్యామ్నాయ ఏర్పాట్లను చూసుకోవడం మంచిది. అప్పుడే మీరు త్వరగా ఉద్యోగంలో కుదురుకోగలరు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.