ఫీచర్లు సూపర్‌.. మోటో E7 పవర్‌
1/9
తక్కువ బడ్జెట్‌ ఫోన్లను వినియోగదారులకు అందించేందుకు మోటోరోలా ఎప్పుడూ సంసిద్ధంగా ఉంటుంది. ఈ క్రమంలో మోటో E7 పవర్‌ పేరుతో కొత్త స్మార్ట్‌ఫోన్‌ను లాంచ్‌ చేసింది. రూ.7వేల నుంచి రూ.9 వేల లోపు మంచి ఫీచర్లతో మార్కెట్లోకి తీసుకొచ్చింది. ఈ నెల 26 నుంచి ఆన్‌లైన్‌ వేదికగా అమ్మకాలను ప్రారంభించబోతోంది. 2 జీబీ+32 జీబీ, 4జీబీ+64 జీబీ వేరియంట్లలో లభించనుంది.
2/9
స్మార్ట్‌ఫోన్‌ వేగవంతంగా పనిచేయాలంటే ప్రాసెసర్‌ అత్యంత కీలకం. మోటో E7 పవర్‌ మొబైల్‌లో ఆక్టాకోర్‌ మీడియాటెక్‌ హీలియో G25 ప్రాసెసర్‌ను వినియోగించడం జరిగింది. ఆండ్రాయిడ్‌ 10 ఓఎస్‌తో పని చేస్తుంది.
3/9
స్మార్ట్‌ఫోన్లు వచ్చాక గేమింగ్‌ యాప్‌ల వినియోగం పెరిగిపోయింది. చక్కగా స్నేహితులతో కలిసి ఆడుకునేందుకు చాలా మంది ఇష్టపడతారు. మోటో E7 పవర్‌ స్మార్ట్‌ఫోన్‌తో గేమింగ్‌ ఆస్వాదించవచ్చని సంస్థ పేర్కొంది.
4/9
4జీబీ ర్యామ్‌తో.. ఇంటర్నెట్‌ స్టోరేజీ 64 జీబీ ఇవ్వగా.. స్టోరేజీ కెపాసిటీని ఒక టెరా బైట్‌ వరకు పెంచుకునే వీలు కల్పించింది.
5/9
మోటో E7 పవర్‌ రెండు రంగుల్లో లభిస్తుంది. ఎరుపు, నీలం రంగుల్లో అందుబాటులో ఉంటుంది.
6/9
స్మార్ట్‌ఫోన్‌ అనగానే ముందుగా కెమెరా పనితనం గురించి ఆరా తీస్తుంటారు. మంచి క్లారిటీతో ఫొటోలను తీసుకునేందుకు ఎక్కువ మంది మొగ్గుచూపుతారు. అలాంటివారి కోసం 13 ఎంపీ+2 ఎంపీ ప్రైమరీ కెమెరాతోపాటు 5 ఎంపీ ఫ్రంట్‌ కెమెరాను మోటో ఇచ్చింది.
7/9
స్మార్ట్‌ఫోన్లకు బ్యాటరీ లైఫ్‌ ఎంతో ముఖ్యమైన విషయం. యూజర్లకు ఛార్జింగ్‌ సమస్య తలెత్తకుండా పవర్‌ఫుల్‌ బ్యాటరీని అందించినట్లు మోటో తెలిపింది. 5000 mAh బ్యాటరీతో టైప్‌-c ఛార్జర్‌ను సంస్థ అందించింది.
8/9
ఫోన్ డిస్‌ప్లే సైజ్ కొంతమందికి ఎక్కువగా ఉంటే నచ్చుతుంది. మరికొందరు తక్కువగా ఉండే స్క్రీన్‌లను ఇష్టపడతారు. అయితే మోటో E7 పవర్‌ స్మార్ట్‌ఫోన్‌ డిస్‌ప్లే సైజ్ 16.54 సెం.మీ (6.51 అంగుళాలు)తో హెచ్‌డీ+ రిసొల్యూషన్‌తో ఉంది.
9/9
మోటో E7 పవర్‌ ఫోన్ 75.86 ఎంఎం వెడల్పు, 165.06 పొడవుగా ఉంటుంది. ఫోన్ బరువు 180 గ్రాములు ఉంటుందని మోటో వెల్లడించింది.
మరిన్ని
జిల్లా వార్తలు
తాజా వార్తలు
వెబ్ ప్రత్యేకం
దేవ‌తార్చ‌న
Powered By Margadarsi Computers
App
Contents of eenadu.net are copyright protected.Copy and/or reproduction and/or re-use of contents
or any part thereof, without consent of UEPL is illegal.Such persons will be prosecuted.
This website follows the DNPA Code of Ethics.
