Published : 04/04/2022 00:48 IST

గదులకు 3డీ మెరుపులు...

పడకగదిలో గులాబీలు, ముందుగదిలో సేదతీరే సముద్ర తీరం, చిన్నారుల గదిలో వారికిష్టమైన తారాలోకం ఉంటే ఎలా ఉంటుంది. 3డీ డిజైన్ల వాల్‌పేపర్లు ఇంట్లోకి వస్తే చాలు. ప్రకృతి అంతా మనతో ఉన్నట్లే. వాటితో ఇంటిని అందంగా తీర్చిదిద్దుకుందాం.

లివింగ్‌ రూం గోడలకు వేసే ఏ వాల్‌పేపర్‌ అయినా మనల్ని వేరే ప్రపంచంలోకి అడుగుపెట్టేలా చేయాలి. పెద్ద పెద్ద ఫ్లోరల్‌ డిజైన్లు, సముద్ర తీరం, ప్రకృతి దృశ్యాలుంటే చాలు. ఆహ్లాదకరమైన వాతావరణాన్ని కల్పిస్తాయివి. గోడల వర్ణాలకు తగిన రంగుల్లో వీటిని ఎంచుకుంటే సరి.

చిన్నారుల గదిలో.. ఆకాశం, నక్షత్రాలు, సముద్రంలోని పెద్దచేపల వంటి వాటిని 3డీ రూపంలో వాల్‌పేపర్లను వారి గదికి తెచ్చేయండి. ఇవి పిల్లల మనసును స్పందించేలా చేసి ఉత్సాహంగా మారుస్తాయి.

పడకగదిలో.. ప్రతి రాత్రి వెన్నెల కురిస్తే ఎంత బాగుంటుంది అని అనుకుంటుంటాం. దీన్ని 3డీ వాల్‌పేపర్‌ రూపంలో నిజం చేసుకోవచ్చు. ప్రశాంతమైన ఆకాశంలో నిండు చంద్రుడు, మెరిసే నక్షత్రాలుండే వాల్‌పేపరు నిజమనే భావనను కలిగిస్తుంది.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.